1 TIMOTE 6:1 - Bibəl ta Sar̄

¹ Ādə̄ ɓəlo gə̄ malang rāān̄ kɔ́ɔ̄də́ gə̄ i de kə́ asən̄ kadə̄ de gə̄ rɔȳn̄də́ tə́, yā kadə̄ deē tájəń rī Nə́ɓā aĺ ō, deē ədań najə̄ kə́ majaĺ dɔ yá̰á̰ ndóō yājí tə́ aĺ ō.

Bible sar

¹ Ādə̄ ɓəlo gə̄ malang rāān̄ kɔ́ɔ̄də́ gə̄ i de kə́ asən̄ kadə̄ de gə̄ rɔȳn̄də́ tə́, yā kadə̄ deē tájəń rī Nə́ɓā aĺ ō, deē ədań najə̄ kə́ majaĺ dɔ yá̰á̰ ndóō yājí tə́ aĺ ō.

1 TIMOTE 6:1 Referans Kwoze

TITƏ 2:5

loo rāā yá̰a̰ kadə̄ mān̄ dɔ loon aĺ ō, kadə̄ nin̄ i de kə́ unjə̄ njáý njáý gə̄ ō, loo kəndā rɔ̄də́ ta kəla kə́ kem kújə yādə́ tə́ ō, kadə̄ nin̄ i de kə́ majə gə̄ ō, oōn̄ ta ngaadə́ gə̄ ō. Loo ń noō tə́ de gə̄ a əngen̄ ta róbə́ ndájə̄ najə̄ dɔ najə̄ yā Nə́ɓā tə́ alé.

Makətūbə̄ ń Pol ndang adə̄ Rom gə̄ ní 2:24

Tɔdɔ̄ ndangən̄ na nápar de gə̄ na ngonjə̄n̄ dɔ Nə́ɓā tə́ sɔɔ̄ńsí.

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

GALATƏ 5:1

Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.

KƏLA RĀĀ 15:10

Loo ń noō tə́ ní yá̰á̰ kə́ ɔy ń kaají gə̄ ō, jḭḭ̄ kɔ́ gə̄ ō, j-asiī kətō aĺ ní, ə̄ndāī dɔ ngé taā kem gə̄ tə́ ī-nāāīneé Nə́ɓā i tām̄ rí tə́?

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

KƏLA RĀĀ 10:7

Loo ń de kə́ dɔ rā̰ tə́ ń ɔr̄ najə̄ seneé ní aw̄ kɔ̄ɔ́ anī, Kɔrney ɓāŕ ngé kəla yān gə̄ jōó ō, áskar kógə̄ḿ kə́ dan áskar gə̄ kə́ ngé ra ngɔr rɔ̄n tə́ gə̄ tə́ kə́ nge rāā yá̰a̰ kə gō ń Nə́ɓā ndigə ní ō, kə́ nge rāā yá̰a̰ gə̄ ń ni-ra seneé ta rāā ní ō

Najə̄ kə́ Majə yā Jeju ń Luk ndang ní 17:1

Gō tə́ anī, Jeju əda ngé ndóō yá̰a̰ yān gə̄ na: Loo kadə̄ de kə́rēý gə̄ kə tə́sōn̄ kə gō hál madə̄də́ gə̄ ō, najə̄ kə́ tadə́ tə́ ō, aĺ ní gətóo i kə́ bátə́ gə̄ tə́, ba rɔ̄ tō ndoō i kə nge ń madə̄n gə̄ tə́sōn̄ sɔɔ̄ ń gō hálən kə́ majaĺ ō, gō najə̄ kə́ tan tə́ ō ní.

MATIYE 11:30

Tɔdɔ̄ yá̰á̰ ń m-ə̄ndā dɔ de gə̄ tə́ ní ɔȳ aĺ ō, yá̰a̰ kətō yāḿ i kə́ hɔɔ́lɔ̄ ō.

MALASI 1:6

Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

1 KORḚNTƏ 10:32

Ī-lōōī rāā yá̰á̰ kógə̄ḿ kə́ kadə̄ Jipə gə̄, aláa Gərek gə̄, aláa Egəlijə yā Nə́ɓā a̰a̰n̄ anī əsōn̄.

MATIYE 11:9

Ní, āwī i ka̰a̰ rí tə́? I ka̰a̰ nge koō ta tə́ a? A̰á̰ā̰, i nge koō ta. Ba ādə̄ m-ə́dásí, ni i de kə́ bo tɔȳ nge koō ta.

EJEKIEL 36:23

Nápar de gə̄ kídə̄n̄ rīḿ i najə̄ yāsí sḭḭ̄ tə́. I beé ní, m-ā m-ɔ́jə́də́ kadə̄ mā i Nə́ɓā kə́ bo ō, kə́ táĺ ō. Ba i sḭḭ̄ n m-ā m-úńsí yā rāań yá̰á̰ ń noō ní. Loo ń noō tə́ nápar de gə̄ ngeé ń noō a gerə̄n̄ kadə̄ i mā Kɔ́ɔ̄ɓē Nə́ɓā n m-ə́da najə̄ ń noō ní.

EJEKIEL 36:20

Dɔ nang malang ń nin̄ aw̄n̄ tū tə́ ní, nápar de gə̄ kídə̄n̄ rīḿ kə́ táĺ tū tə́ najə̄ yādə́ tə́. Tɔdɔ̄ de gə̄ ní ədan̄ na: Kété ní nin̄ i gír de gə̄ yā Kɔ́ɔ̄ɓē, i dɔ nang yān n nin̄ əya̰n̄ kɔ̄ɔ́ ní.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

IJAI 52:5

Ba ngɔlaā ní m-ə́nge i rí gírí? Najə̄ ń Kɔ́ɔ̄ɓē əda ní n noó. Əhɔn̄ gír deē yāḿ gə̄ dəngáy ba aw̄n̄ sedə́ i karī. Ngé gə̄ ń ndin̄ dɔdə́ tə́ ní, urən̄ kɔĺ tetə rɔ̄ɔ̄ ō, nin̄ tájə̄n̄ rīḿ kanjə̄ kadə̄ asədə́ ō. Najə̄ ń Kɔ́ɔ̄ɓē əda ní n noó.

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

NEHEMI 9:5

Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,

2 MBAN̄G 5:13

Banī ngé kəla yān gə̄ aw̄n̄ rɔ̄n tə́ ɔrə̄n̄ najə̄ seneé ədam̄ na: Bɔbə̄jí, ré nge koō ta ədaī na kə ī-rāā yá̰á̰ kə́ ngan̄g ngá̰ý anī, ā ī-rāā aĺ a? Á ī-ndogə̄ man̄ ngóy kadə̄ rɔ̄í unjə̄ń tá ī-mbātə́ ní.

2 SAMUEL 12:14

Ba yá̰á̰ ń ī-rāā ní adə̄ madə̄ ba̰ā̰ Kɔ́ɔ̄ɓē gə̄ ta róbə́ kídə̄n. Adə̄ ngōn̄ ń ójə́ ní a oy.

NDŪ NAJƏ̄ 28:48

Kɔ́ɔ̄ɓē a əla kə madə̄ ba̰ā̰í gēé kadə̄ ī-rāā kəla yādə́ kə ɓōó ō, kə kəndā maná ō, kə rɔ̄í kə́ karīí ō, kə yá̰a̰ malang kə́ ndoōī ō. A ənī njúkə gində̄ míndí tə́ bátə́ kadə̄ ī-gətóoń.

TA KƏLA 24:27

əda na: m̄-tɔ̄ȳ Kɔ́ɔ̄ɓē Nə́ɓā yā kɔ́ɔ̄ḿ Abəraham ń ɔjə kɔ́ɔ̄ḿ kem majə yān kə́ rɔ̄kum kə̄ ndágá ní. Kɔ́ɔ̄ɓē ndɔ́rə̄m̄ ta róbə bátə́ aw̄ seḿ ɓē ngé kɔ́ɔ̄ḿ gēé.

TA KƏLA 24:12

Ni-ndɔ̄ȳ Nə́ɓā, əda na: Kɔ́ɔ̄ɓē, Nə́ɓā yā kɔ́ɔ̄ḿ Abəraham, m̄-rāāī ɓɔ́, ī-rāā ādə̄ m-ə́ngé yá̰á̰ ń m̄-reē sāāá ní ɓōólaā. Ɔ́jə kem majə yāí kə́ tām̄ yā kɔ́ɔ̄ḿ Abəraham tə́ kə̄ ndágá.

TA KƏLA 24:2

Ndɔ̄ kógə̄ḿ tə́ anī, Abəraham əda nge ngɔ̄m̄ yá̰a̰ kənge yān gə̄ malang na: Əla jīí gír bingə̄ḿ tə́,

TA KƏLA 16:9

Anī de kə́ dɔ rā̰ tə́ ní ədan na: Ī-tél āw̄ gogə́ rɔ̄ kɔ́ɔ̄í tə́ ba ōō tan majə.