1 TIMOTE 5:6 - Bibəl ta Sar̄

⁶ Banī dəyá̰ kə́ ngaa koy ń i nge ngɔ̄də̄ gō yá̰á̰ kə́ nelə̄n gə̄ tə́ ní, ká ré ndi kə kumneé ɓáý gə̄gē anī, ni i kə́ koy kɔ̄ɔ́.

Bible sar

⁶ Banī dəyá̰ kə́ ngaa koy ń i nge ngɔ̄də̄ gō yá̰á̰ kə́ nelə̄n gə̄ tə́ ní, ká ré ndi kə kumneé ɓáý gə̄gē anī, ni i kə́ koy kɔ̄ɔ́.

1 TIMOTE 5:6 Referans Kwoze

JAKƏ 5:5

Sḭḭ̄ ī-ndiī dɔ nang tə́ i dan yá̰á̰ kə́ majə gə̄ tə́ ō, i dan rɔ̄nel̄ tə́ ō, sḭḭ̄ ə̄ndāī mbóĺsí tām̄ yā ndɔ̄ tɔ̄l̄sí tə́ ō.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

JEJU TEĒ KUM JA̰A̰ 3:1

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Sardə. Najə̄ ń deē ń ndíĺ kə́ sīrí gə̄ yā Nə́ɓā ō, tə́yō̰ kə́ sīrí gə̄ ō i jīn tə́ əda ní n toó: m̄-ger̄ kəla rāāī gə̄, ḭ̄ i de kə́ rīí ɓār̄ kadə̄ na ī-ndi kə kumií, banī ḭ̄ i de kə́ koy kɔ̄ɔ́.

Najə̄ kə́ Majə yā Jeju ń Luk ndang ní 15:24

tɔdɔ̄ ngōnə̄ḿ ń toō oy i mbée, ba ngɔlaā ni-tél ajə gogə́, tan tḭ̄ḭ̄ i mbée ba j-əngeniī kɔ̄ɔ́ tā. Loo ń noō tə́ nin̄-əlan̄ gír rāā rɔ̄nel̄.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

EPEJƏ 2:1

Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō

Najə̄ kə́ Majə yā Jeju ń Luk ndang ní 15:13

Ba gō tə́ ndɔ̄ ngá̰ý aĺ ɓá anī, nge kə́ dūú ní kán̄ yá̰a̰ yān malang, ba aw̄ gō nang kógə̄ḿ kə́ sa̰y ngá̰ý tə́, aw̄ nujəń kɔ̄ɔ́ loo rāā kaya tə́.

MATIYE 8:22

Banī Jeju tél ədan na: Un gōḿ, ba ə́yá̰ ngé gə̄ ń oyn̄ kɔ̄ɔ́ ní ādə̄ dubə̄n̄ nīń yādə́ gə̄.

KOLOSƏ 2:13

Sḭḭ̄ ń kété óyiī kɔ̄ɔ sɔɔ̄ ń yá̰a̰ rāāsí kə́ gōtə́ aĺ gə̄ ō, sɔɔ̄ ń kəja kə́ sḭḭ̄ ə́jaī mɔtəsí aĺ ō ní, Nə́ɓā rāā adə̄ ī-tél ī-ndiī kə kumsí gogə́ naā tə́ kə Kərist: Ni-mā̰ȳ rɔ̄n dɔ yá̰a̰ rāājí kə́ gō tə́ aĺ gə̄ tə́ malang.

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

Najə̄ kə́ Majə yā Jeju ń Luk ndang ní 12:19

Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

Najə̄ kə́ Majə yā Jeju ń Luk ndang ní 7:25

I yá̰á̰ rí bang n āwī ka̰á̰ ní? I de kə́ o̰ō̰ kūbə̄ kə́ majə ngá̰ý rɔ̄n tə́ a? Ngé ko̰ō̰ kūbə̄ kə́ majə ngá̰ý gə̄ ō, ngé ndi dan majaá gə̄ ō, ndin̄ i kem kújə yā mban̄g gə̄ tə́.

NŌŌ RƆ̄ 4:5

Ngé kəsa yá̰á̰ kə́ majə gə̄ nujən̄ sák sák kɔ̄ɔ́ kum róbə kɔsə gə̄ tə́. Ngé ndi majə ngá̰ý gə̄ ndəlen̄ yá̰a̰ kəsa dɔ bū loo tə́.

JEREMI 6:2

Ḭ̄, mandə Siyo̰, ngōn̄ kə́ dəyá̰ kə́ mandə ngá̰ý, kə́ rāā rɔ̄n majə ngá̰ý, ā ásə teē taí kɔr̄ najə̄ alé.

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

IJAI 22:13

Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

Gōsə̄ najə̄ gə̄ 29:21

Deē ń tár nge kəla yān kə ngōn̄ dūúneé adə̄ al̄ naā ní a rāā kadə̄ ta tɔ̄l̄ ta anī a rāā dɔ ngan̄g.

1 SAMUEL 25:6

Ə́daniī na ndə̄ngā yāḿ i kadə̄ ɓāl̄ kə́ kijə majə seneé. Kadə̄ yá̰a̰ malang i kə́ majə tām̄ yān tə́ ō tām̄ yā de kə́ ta kújən tə́ gə̄ ō yá̰a̰ yān gə̄ tə́ malang ō.

1 SAMUEL 15:32

Gō tə́ anī Samuel əda na: Ī-reēī kə Agag ń i mban̄g yā Amalek gə̄ ní ādə̄mī. Agag aw̄ rɔ̄ Samuel tə́ kə rɔ̄nelēé. Ɔjəń na n-ā n-oy to̰ alé.

NDŪ NAJƏ̄ 28:56

Dan ń madə̄ ba̰ā̰í gə̄ a rɔ̄ɔ̄nī á nin̄ gīrə̄n̄ gidə ɓē yāí əlan̄ ta naā tə́ adə̄ ndoō kə́ ngá̰ý əsō dɔí tə́ kem ɓē yāí gə̄ tə́ ní, dəyá̰ kə́ mbo̰ō̰í tə́ ń tár rɔ̄n ngá̰ý ō, kumən o̰o̰n tɔdɔ̄ rɔ̄n ngá̰ý tɔȳ madə̄n gə̄ ō ní, a rāā tītə̄ ń noō ō. Ni ń tár rɔ̄n ngá̰ý adə̄ da njan gə̄gē ndigə kəndā nang tə́ aĺ ní, a a̰a̰ ngaan ō, ngōnən kə́ dəngam ō, kə́ dəyá̰ ō i kə kumən kə́ majaĺ, tām̄ ni a ndigə kadə̄də́ kɔw ń teē kemən tə́ ní aĺ ō, a ndigə kadə̄də́ ngán kemən gə̄ ń ni ojədə́ ní aĺ ō, a əsadə́ i loo mundə̄ tə́ jəke jəke.

NDŪ NAJƏ̄ 28:54

De kə́ dəngam kə́ mbo̰ō̰í tə́ kə́ o̰o̰n ta rɔ̄n ngá̰ý ō, əndā kumən gír rɔ̄n tə́ ngá̰ý tɔȳ madə̄n gə̄ ō, a a̰a̰ ngákó̰o̰n gə̄ ō, nə̄yá̰n ń ni tárən ngá̰ý ní ō, ngánən gə̄ ń a ngɔ̄m̄də́ ɓáý ní ō, i kə kumən kə́ majaĺ.

Najə̄ kə́ Majə yā Jeju ń Luk ndang ní 16:19

Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

TA KƏLA 2:17

ba ī-lōō kəsa kan̄ kāgə̄ kə́ ré deē əsa anī a ger̄ yá̰á̰ kə́ majə ō, yá̰á̰ kə́ majaĺ ō, tɔdɔ̄ ndɔ̄ ń ā ə́sá tə́ ní, ā óy.

2 TIMOTE 3:6

Nin̄ i ngé túdə̄ kə̄ kem kújə gə̄ tə́ kə̄ gō dəyá̰ kə́ ngan̄g aĺ gə̄ tə́, yā rāādə́ kadə̄ əsōn̄ kum gūmbə̄ yādə́ gə̄ tə́. Dəyá̰ gə̄ ngeé ń toō ní, majaĺ rosə kemdə́ ō, ngur yá̰á̰ kə́ tayā tayā gə̄ ndɔ́r̄də́ ō.