1 TIMOTE 5:5 - Bibəl ta Sar̄

⁵ Dəyá̰ kə́ ngaa koy ń deē yān gətóo ō, ndi i kə kérneé ō ní, əndā kemən i dɔ Nə́ɓā tə́ ō, na̰y i kə̄ loo ndɔ̄ȳn tə́ ō, loo rāān ɓɔ́ tə́ ndɔ̄ɔ́ ō kadaá ō.

Bible sar

⁵ Dəyá̰ kə́ ngaa koy ń deē yān gətóo ō, ndi i kə kérneé ō ní, əndā kemən i dɔ Nə́ɓā tə́ ō, na̰y i kə̄ loo ndɔ̄ȳn tə́ ō, loo rāān ɓɔ́ tə́ ndɔ̄ɔ́ ō kadaá ō.

1 TIMOTE 5:5 Referans Kwoze

1 TIMOTE 5:3

Ī-rɔȳ dəyá̰ kə́ ngaa koy gə̄ ń deē yādə́ gə̄ gətóon̄ ní.

Najə̄ kə́ Majə yā Jeju ń Luk ndang ní 2:37

Gō tə́ anī dəngam ní oy kɔ̄ɔ́, adə̄ tél ndi kanjə̄ taā dəngam kə́ rang bátə́ kadə̄ ɓālə̄n i kutə sɔ́sɔ́ gidə i sɔ́. Ni-ɔr̄ rɔ̄n kɔ̄ɔ́ kadə kújə́ yā Kɔ́ɔ̄ɓē tə́ alé. Ni-rāā kəla kadaá ō ndɔ̄ɔ́ ō adə̄ Kɔ́ɔ̄ɓē: A ndi ɓō tām̄ yā Nə́ɓā tə́ ō, a ndɔ̄ȳ Nə́ɓā ō.

1 PIYER 3:5

Dəyá̰ gə̄ kə́ ɔrə̄n̄ kam̄də́ tām̄ yā Nə́ɓā tə́ kété jóó kə́ ngé kəndā kemdə́ dɔ Nə́ɓā tə́ gə̄ a rāān̄ mandə yādə́ i tītə̄ ń noō, tɔdɔ̄ oōn̄ ta ngaadə́ gə̄.

1 TIMOTE 5:16

Ré nge taā kem kógə̄ḿ kə́ dəyá̰ i kə dəyá̰ kə́ ngaa koy gēé dan ngéén gə̄ tə́ anī, ādə̄ nəkɔ́ rāā sedə́. Majə kadə̄ rāā kə dəyá̰ kə́ ngaa koy gēé ngeé ń toō ní, kəlan i dɔ ngé kán̄ naā gə̄ tə́ alé, yā kadə̄ nin̄-əngen̄neé ta róbə rāā kə ngé ngaa koy kə́ rɔ̄kum gēé.

1 KORḚNTƏ 7:32

m̄-gḛy kadə̄ ī-ndiī kanjə̄ sōl̄ yá̰á̰ kógə̄ḿ. Deē ń taā dəyá̰ aĺ ní a gír̄ i dɔ yá̰a̰ yā Kɔ́ɔ̄ɓē tə́, ni a sāā i kadə̄ nel̄ Kɔ́ɔ̄ɓē seneé.

Najə̄ kə́ Majə yā Jeju ń Luk ndang ní 18:1

Jeju ədadə́ kūjə́ najə̄ kógə̄ḿ kə́ dɔ ndɔ̄ȳ kə́ majə kadə̄ nin̄ a ndɔ̄ȳn̄ ngándáńg tə́ kanjə̄ kɔr ta tə́,

PĀ GƏ̄ 91:4

Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

RUTƏ 2:12

Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

1 KORḚNTƏ 7:34

adə̄ gír̄ yān tɔ̄ɔ̄ jōó. Dəyá̰ kə́ ngaan gətóo, aláa ngōn̄ kə́ mandə kə́ ger̄ dəngam aĺ ɓáý ní, a gír̄ i dɔ yá̰a̰ gə̄ yā Kɔ́ɔ̄ɓē tə́, tɔdɔ̄ ni-gḛy kadə̄ ni i yā Kɔ́ɔ̄ɓē tū kəla rāān gə̄ tə́ malang ō, tū gír̄ yān gə̄ tə́ malang ō. Ba dəyá̰ kə́ kə ngaaneé a gír̄ i dɔ yá̰a̰ gə̄ kə́ dɔ nang tə́ tə́, ni a sāā i kadə̄ nel̄ ngaan seneé.

Makətūbə̄ ń Pol ndang adə̄ Rom gə̄ ní 1:12

I tām̄ ń noō tə́ ngóy alé, ba i yā kadə̄ taā kem yāsí adə̄m̄ tɔ́gə ō, taā kem yāḿ mā adə̄sí tɔ́gə ō.

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

KƏLA RĀĀ 26:7

Míndən ngeé ń ənī ní, gír ɓē gə̄ kə́ kutə gidə i jōó yā gír deē yājí gə̄ əndān̄ kemdə́ dɔ tə́ kadə̄ a reē yā kudə gírí, adə̄ nin̄ rāān̄ kəla adə̄n̄ Nə́ɓā ndɔ̄ɔ́ ō kadaá ō kanjə̄ dəba. Mban̄g Agəripa, i tām̄ kəndā kem dɔ míndə́ Nə́ɓā tə́ ngeé ń toō n Jipə gə̄ sekə́mə̄n̄neé ní.

NŌŌ RƆ̄ 1:13

Ni-ndi i dɔɔ́ nú ba əla hor adə̄ udə kem kə̄ngāḿ tə́. Ni i kɔ́ɔ̄ yá̰a̰. Ni-ənī réng róbə́ḿ tə́, rāām̄ adə̄ m-ə̄sō kə gōḿ. Rāām̄ adə̄ m̄-tél dəyá̰ kə́ deē teē tan tə́ alé, rɔ̄ḿ tōrə̄m̄ kə dɔ ndɔ̄ gə̄ ō.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

IJAI 49:21

Ba ā ī-dəje rɔ̄í najə̄ ń toō, ā ə́da na: Ngán gə̄ ń toō malang ní i náā n adə̄m̄ sedə́? Kété ní, ngánə́ḿ gə̄ gətóon̄ ō, m-ásə kənge ngán gə̄ aĺ ō. Aw̄n̄ seḿ dɔ ɓē kə́ rang tə́ dɔ gúú tə́ ō, əya̰mə̄n̄ kɔ̄ɔ́ ō. Ba ngé gə̄ ń noō ní i náā n ətōdə́? Dan ń mā i kérə́ḿ ní, ngán gə̄ ń toō nin̄ i rá?

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

KƏLA RĀĀ 6:1

Dan ngeé ń noō tə́ ní ngé ndóō yá̰a̰ gə̄ a reēn̄ i kə̄ dɔ naā tə́ adə̄ kutədə́ i ngá̰ý. Anī Jipə kə́ ngé kɔr̄ ta Gərek gə̄ tāmən kə Jipə kə́ ngé kɔr̄ ta Hebəro gēé. Nin̄-ədan̄ na kə dɔ ndɔ̄ gə̄ kum mbang yā nə̄ɓō yá̰a̰ tə́ ɓáa na usədə́ dɔ dəyá̰ kə́ ngaa koy yādə́ gə̄ tə́ alé.

KƏLA RĀĀ 9:39

Piyer ɔtə kə̄ ta jī tə́ beē aw̄ sedə́. Dan ń reē ɔtə̄ anī aw̄n̄ seneé kem kújə́ kə́ dɔɔ́ tə́. Dəyá̰ kə́ ngaa koy gə̄ reēn̄ rɔ̄n tə́ malang kə nōó. Nin̄-ɔjənən̄ kūbə̄ kə́ kemeé gə̄ ō, kə́ dɔ madə̄ tə́ gə̄ ō ń Dorkas ur̄də́ dan ń ndiń dandə́ tə́ ní.

KƏLA RĀĀ 9:41

Piyer əla jīn adə̄n, ba unən dɔɔ́. Ni ɓāŕ ngé taā kem gə̄ ō, dəyá̰ kə́ ngaa koy gə̄ ō, ba ɔjədə́ kə Tabita ń ḭḭ ndi dɔɔ́ kə kumneé ní.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

1 TIMOTE 2:1

Adə̄ kété no yá̰á̰ gə̄ tə́ malang ní, ādə̄ de gə̄ dəjen̄ Nə́ɓā yá̰a̰ ō, ndɔ̄ȳnən̄ ō, rāānən̄ ɓɔ́ ō, ndadə̄ adə̄nən̄ ō, tām̄ yā de gə̄ tə́ malang.

2 TIMOTE 1:3

Ndɔ̄ɔ́ ō kadaá ō, dan ń m-ā m̄-ndɔ̄ȳ anī, m̄-gír̄ dɔí tə́. Adə̄ m̄-ndadə̄ Nə́ɓā ń m̄-rāā kəla yān tītə̄ yā kaaḿ gə̄, kanjə̄ kadə̄ kemḿ ɔjəm̄ yá̰á̰ kógə̄ḿ kə́ majaĺ ní.