1 TIMOTE 5:3 - Bibəl ta Sar̄

³ Ī-rɔȳ dəyá̰ kə́ ngaa koy gə̄ ń deē yādə́ gə̄ gətóon̄ ní.

Bible sar

³ Ī-rɔȳ dəyá̰ kə́ ngaa koy gə̄ ń deē yādə́ gə̄ gətóon̄ ní.

1 TIMOTE 5:3 Referans Kwoze

NDŪ NAJƏ̄ 27:19

Deē ń a ɔgə̄ tə̄rā kə́ nge nam̄ ō, ngōn̄ hal ō dəyá̰ kə́ ngaa koy ō yá̰á̰ kə́ sɔɔ̄ dɔdə́ ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

KƏLA RĀĀ 6:1

Dan ngeé ń noō tə́ ní ngé ndóō yá̰a̰ gə̄ a reēn̄ i kə̄ dɔ naā tə́ adə̄ kutədə́ i ngá̰ý. Anī Jipə kə́ ngé kɔr̄ ta Gərek gə̄ tāmən kə Jipə kə́ ngé kɔr̄ ta Hebəro gēé. Nin̄-ədan̄ na kə dɔ ndɔ̄ gə̄ kum mbang yā nə̄ɓō yá̰a̰ tə́ ɓáa na usədə́ dɔ dəyá̰ kə́ ngaa koy yādə́ gə̄ tə́ alé.

NDŪ NAJƏ̄ 14:29

kadə̄ ngán Lebi gə̄ ń əngen̄ dɔ nang kə́ tām̄ yādə́ tə́ sesí aĺ ō, tə̄rā kə́ ngé nam̄ gə̄ ō, ngán hal gə̄ ō, dəyá̰ kə́ ngaa koy gə̄ ō ń ndin̄ kem ɓē yāsí gə̄ tə́ ní əngen̄neé yá̰a̰ kəsa kadə̄ ndānə̄n̄, ɓá anī Kɔ́ɔ̄ɓē Nə́ɓā yāsí a rāā majə sesí tū kəla rāāsí gə̄ tə́ malang.

NDŪ NAJƏ̄ 10:18

Ni i nge rɔ̄ɔ̄ dɔ ngōn̄ hal tə́ ō, dɔ dəyá̰ kə́ ngaa koy tə́ ō, ni i nge tár nge nam̄ kə yá̰a̰ kəsaá ō, kə kūbūú ō.

1 PIYER 2:17

Ī-rɔyī de gə̄ malang ō, ī-táriī ngákó̰ó̰sí gə̄ ō, ī-ɓōlíī Nə́ɓā ō, ī-ɓōlíī ndíl mban̄g ō.

NDŪ NAJƏ̄ 16:14

Ā ī-rāā rɔ̄nel̄ nāā ní i kum naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí ní.

NDŪ NAJƏ̄ 16:11

Ā ī-rāā rɔ̄nel̄ ta kum Kɔ́ɔ̄ɓē Nə́ɓā yāí tə́, naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ń ndi kem ɓē yāí tə́ ní ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí loo ń Kɔ́ɔ̄ɓē Nə́ɓā yāí a gə̄rā tə́ yā kəndā rīn dɔ tə́ ní.

Teē Ngán Israel gə̄ 20:12

Ī-rɔȳ bɔbí nin̄ kə kó̰ó̰í, kadə̄ ī-ndiń kə kumií ta kaw̄ jóo dɔ nang ń Kɔ́ɔ̄ɓē Nə́ɓā yāí adī tə́ ní.

1 PIYER 3:7

Yāsí sḭḭ̄ ngaa dəyá̰ gə̄ n toó: Ré ī-ndiī kə nə̄yá̰sí gēé anī, majə kadə̄ ī-gerī na nin̄ i de kə́ ngan̄g aĺ ngá̰ý gə̄. Ī-ɓōlíī ndíĺdə́, tɔdɔ̄ i gáŕ kadə̄ nin̄ a əngen̄ ndi kə kumuú ń Nə́ɓā a adə̄ de gə̄ karī ní sesí ō. Ī-rāāī tītə̄ ń noō i yā kadə̄ yá̰á̰ kógə̄ḿ utə̄ń ta róbə ndɔ̄ȳ yāsí gə̄ alé.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

1 TESALONIK 2:6

Jə-sāā kadə̄ deē ɔsə gɔnjí alé, sḭḭ̄ aĺ ō, de kə́ rang gə̄ aĺ ō.

KƏLA RĀĀ 9:39

Piyer ɔtə kə̄ ta jī tə́ beē aw̄ sedə́. Dan ń reē ɔtə̄ anī aw̄n̄ seneé kem kújə́ kə́ dɔɔ́ tə́. Dəyá̰ kə́ ngaa koy gə̄ reēn̄ rɔ̄n tə́ malang kə nōó. Nin̄-ɔjənən̄ kūbə̄ kə́ kemeé gə̄ ō, kə́ dɔ madə̄ tə́ gə̄ ō ń Dorkas ur̄də́ dan ń ndiń dandə́ tə́ ní.

Najə̄ kə́ Majə yā Jeju ń Luk ndang ní 7:12

Dan ń ni-ugə ngɔr kə̄ ta róbə kə́ yā kudəń kə̄ kem ɓēé tə́ anī, de gə̄ teēn̄ kem ɓēé kə nīń kógə̄ḿ yā kaw̄ dubə̄. Deē ń oy ní i ngōn̄ kə́ kal kógə̄ḿ beē kə́ jī dəyá̰ kə́ ngaan oy tə́. Adə̄ kósə de kə́ kem ɓēé gə̄ kə́ to ɓōĺ ngá̰ý gə̄ a dānə̄n̄ dəyá̰ ní.

Najə̄ kə́ Majə yā Jeju ń Luk ndang ní 2:37

Gō tə́ anī dəngam ní oy kɔ̄ɔ́, adə̄ tél ndi kanjə̄ taā dəngam kə́ rang bátə́ kadə̄ ɓālə̄n i kutə sɔ́sɔ́ gidə i sɔ́. Ni-ɔr̄ rɔ̄n kɔ̄ɔ́ kadə kújə́ yā Kɔ́ɔ̄ɓē tə́ alé. Ni-rāā kəla kadaá ō ndɔ̄ɔ́ ō adə̄ Kɔ́ɔ̄ɓē: A ndi ɓō tām̄ yā Nə́ɓā tə́ ō, a ndɔ̄ȳ Nə́ɓā ō.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MATIYE 15:6

anī sḭḭ̄ ədaī na kɔ́ɔ̄ na i kə najá dɔn tə́ alé, adə̄ na a rāā kə bɔbə̄neé to̰ alé. Ní, i tītə̄ ń noō n sḭḭ̄ ī-nujiīneé najə̄ yā Nə́ɓā kɔ̄ɔ́, ba ī-rāāīneé yá̰a̰ kə gō yá̰a̰ kāgə̄ ɓē yāsí ní.

JEREMI 49:11

Ī-sōlī najə̄ ngán hal yāsí gə̄ tə́ alé, na m-ā m-ə̄tōdə́ ō, dəyá̰ kə́ ngaa koy yāsí gə̄ a asən̄ kəndā kemdə́ dɔḿ tə́ ō ní, a gətóo.

PĀ GƏ̄ 146:9

Kɔ́ɔ̄ɓē ngɔ̄m̄ ngé nam̄ ɓē gə̄. Ni i nge rāā kə ngōn̄ halaá ō, kə dəyá̰ kə́ ngaa koyoó ō. Banī yá̰á̰ ń ngé kem ndul gə̄ nómə̄n̄ rāā ní, ni nujəń kɔ̄ɔ́.

PĀ GƏ̄ 94:6

Nin̄ tɔ̄lə̄n̄ dəyá̰ kə́ ngaa koy ō, de kə́ nge nam̄ ɓē ō, nin̄ tɔ̄lə̄n̄ ngán hal gə̄ ndāńg ō.

PĀ GƏ̄ 68:5

Ə̄nīī pā ɔ́siīneé gɔn Nə́ɓā, ī-tɔ̄yī rīn, ī-tɔ̄yī nge kal̄ kil̄ man̄ gə̄ sə́ndá tə́, rīn na i Kɔ́ɔ̄ɓē, ī-tḭ́ḭ̄ī bal walya ta kumən tə́.

Makətūbə̄ yā Job 31:16

Nja kógə̄ḿ m̄-mbātə́ rāā yá̰á̰ kə́ ngé ndoō gə̄ dəjemə̄n̄ a? m̄-rāā dəyá̰ kə́ ngaa koy adə̄ kumən tō ndoō a?

Makətūbə̄ yā Job 29:13

Deē ń to i kə̄ ta yo tə́ ní, tɔ́r̄ tan dɔḿ tə́ ō, m̄-rāā adə̄ rɔ̄nel̄ tél reē gogə́ kem dəyá̰ kə́ ngaa koy tə́ ō.

1 TIMOTE 5:2

kó̰o̰ dəyá̰ gə̄ tītə̄ kə́ nin̄ i kó̰ó̰í gə̄ ō, mandə gə̄ tītə̄ kə́ nin̄ i ngákó̰ó̰í kə́ dəyá̰ gə̄ ō, kə háĺ kə́ unjə̄ njáý njáý.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

KƏLA RĀĀ 9:41

Piyer əla jīn adə̄n, ba unən dɔɔ́. Ni ɓāŕ ngé taā kem gə̄ ō, dəyá̰ kə́ ngaa koy gə̄ ō, ba ɔjədə́ kə Tabita ń ḭḭ ndi dɔɔ́ kə kumneé ní.