1 TIMOTE 5:25 - Bibəl ta Sar̄

²⁵ Kəla kə́ majə gə̄ ní ton̄ kə̄ dɔ ndágá wáńg i tītə̄ ń noō ō. Ngé gə̄ ń loo ka̰a̰də́ i láẃ aĺ ní, asən̄ to loo ɓɔ̄ɔ̄ tə́ aĺ ō.

Bible sar

²⁵ Kəla kə́ majə gə̄ ní ton̄ kə̄ dɔ ndágá wáńg i tītə̄ ń noō ō. Ngé gə̄ ń loo ka̰a̰də́ i láẃ aĺ ní, asən̄ to loo ɓɔ̄ɔ̄ tə́ aĺ ō.

1 TIMOTE 5:25 Referans Kwoze

Gōsə̄ najə̄ gə̄ 10:9

De kə́ nge rāā yá̰á̰ kə gōó i de kə́ sōl̄ yá̰á̰ kógə̄ḿ alé, banī gír de kə́ nge rāā yá̰a̰ kə gōó alé a teē dɔɔ́.

Najə̄ kə́ Majə yā Jeju ń Luk ndang ní 11:33

Deē əndā hor tū lámbá tə́ i yā kəndān loo ɓɔ̄ɔ̄ rɔ̄ tə́ alé, banī i yā naān tū kāgə̄ hor lámbá tə́, yā kadə̄ ngé kudə kújú gə̄ a̰a̰n̄neé loo.

1 TIMOTE 3:7

Tá ɓáý to̰ ní, majə kadə̄ de kə́ ndágá gə̄ ədan̄ najə̄ yān majə, na sōgə́ de gə̄ kídə̄nən̄ ō, əsō kum gūmbə̄ yā diabəl tə́ ō.

KƏLA RĀĀ 22:12

Ba kem ɓē kə́ Damas tə́ ní, dəngam kógə̄ḿ kə́ rīn na i Ananias ndi noó. Ni i de kə́ nge ɓōĺ ndíĺ Nə́ɓā ō, i de kə́ nge kəhɔ gō ndū najə̄ ō, Jipə gə̄ malang kə́ Damas tə́ ədan̄ najə̄ yān majə ō.

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

KƏLA RĀĀ 9:36

Nge ndóō yá̰a̰ yā Jeju kógə̄ḿ kə́ dəyá̰ ndi kem ɓē kə́ Jope tə́, rīn na i Tabita. Rīn ní kə ta Gərek na i Dorkas ń kumən na i Jal̄ ní. Dəyá̰ ní rāā kəla kə́ majə gə̄ ngá̰ý ō, adə̄ ngé ndoō gə̄ yá̰á̰ ngá̰ý ō.

MATIYE 5:16

Ādī loo kə́ unjə̄ kow yāsí unjə̄ ta kum de gə̄ tə́ tītə̄ ń toō ō, kadə̄ ré nin̄-a̰a̰n̄ kəla rāāsí kə́ majə gə̄ anī, ɔsən̄ gɔn Bɔbə̄sí ń ndi dɔ rā̰ tə́ ní.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

JEJU TEĒ KUM JA̰A̰ 14:13

M-ōō ndū deē kógə̄ḿ teē dɔ rā̰ tə́ əda na: Ī-ndang najə̄ ń toō: Əla gír ngɔr ń toō tə́ ní, ngé gə̄ ń oyn̄ najə̄ yā Kɔ́ɔ̄ɓē tə́ ní, rɔ̄də́ nel̄də́. Ndíl əda na a̰á̰ā̰, ādə̄ ɔrə̄n̄ koō kəla yādə́, tɔdɔ̄ kəla rāādə́ a utə̄ gōdə́.