1 TIMOTE 5:22 - Bibəl ta Sar̄

²² Ī-lōō tewle kəndā jīí dɔ deē kógə̄ḿ tə́. Əla rɔ̄í dan majaĺ yā deē tə́ alé. Ī-ngɔ̄m̄ hálí īkɔ́, ādə̄ ḭ̄ i de kə́ ūnjə̄ njáý njáý.

Bible sar

²² Ī-lōō tewle kəndā jīí dɔ deē kógə̄ḿ tə́. Əla rɔ̄í dan majaĺ yā deē tə́ alé. Ī-ngɔ̄m̄ hálí īkɔ́, ādə̄ ḭ̄ i de kə́ ūnjə̄ njáý njáý.

1 TIMOTE 5:22 Referans Kwoze

EPEJƏ 5:11

Kəla kə́ rāā tilií gə̄ ń i kəla kə́ teē yá̰a̰ aĺ gə̄ ní, i-lōōī rāā sedə́, banī ī-teēī kə gíŕdə́ ndágá.

1 TIMOTE 3:10

Kadə̄ nāān̄də́ pá tá, ré najə̄ gətóo dɔdə́ tə́ anī, əndān̄də́ ngé rāā kəla nə̄ɓō yá̰a̰ gə̄ tə́ ɓáý.

1 TIMOTE 3:6

Kadə̄ ni i de kə́ taā kem ngɔr ɓáý alé, na sōgə́ kɔjə rɔ̄ kə́ kemən tə́ rāā adə̄ Nə́ɓā gān̄g sarya dɔn tə́ tītə̄ ń gāngəń dɔ diabəl tə́ ní.

1 TIMOTE 4:14

Yá̰á̰ ń Nə́ɓā adī karī, kə ta kūl̄ najə̄ kə́ ni-əndā ta ngé koō ta yān gə̄ tə́ adə̄ ədan̄ tām̄ yāí tə́ ní ō, kə ta kūl̄ kəndā kə́ kum kɔ̄ɔ́ gə̄ əndān̄ jīdə́ dɔí tə́ ō ní, ī-lōō kídə̄ yá̰á̰ ní.

KƏLA RĀĀ 6:6

ba reēn̄ sedə́ no ngámbang kəla gə̄ tə́. Nin̄-ndɔ̄ȳn̄ ō, əndān̄ jīdə́ dɔdə́ tə́ ō.

2 JA̰A̰ 1:11

Tɔdɔ̄ deē ń rāān lápə́ya ní, rāā i kem kógə̄ḿ seneé dɔ kəla rāān gə̄ kə́ majaĺ tə́.

2 TIMOTE 1:6

Yá̰á̰ ń Nə́ɓā adī karī dan ń m-ə̄ndań jīḿ dɔí tə́ ní, to i tītə̄ hor beé kemií tə́, adə̄ ī-tóon ādə̄ o̰o̰.

HEBƏRO 6:2

yá̰á̰ ndóō kə́ dɔ batém gə̄ tə́ ō, kə́ dɔ kəndā jī dɔ de gə̄ tə́ ō, dɔ de kə́ kə́ koy gə̄ kə́ a ndólə̄n̄ tə́ ō, dɔ sarya kə́ ngándáńg tə́ ō.

2 TIMOTE 2:2

Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.

1 TIMOTE 4:12

Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

KƏLA RĀĀ 13:3

Loo ń noō tə́ nin̄-*ndin̄ ɓō tām̄ yā Nə́ɓā tə́ ō, ndɔ̄ȳn̄ Nə́ɓā ō, əndān̄ jīdə́ dɔdə́ tə́ ba əya̰n̄də́ adə̄ aw̄n̄.

JEJU TEĒ KUM JA̰A̰ 18:4

Anī m-ōō ndū de kə́ rang dɔ rā̰ tə́ əda na: Sḭḭ̄ gír deē yāḿ gə̄, ī-teēī kɔ̄ɔ́ kem ɓē ń toō tə́ na sōgə́ ī-rāāī majaĺ ń ni-rāā ní ō, yá̰á̰ kə́ tōr̄ ń əndān̄ dɔ danaá tām̄ yān tə́ ní rāāsí ō.

KƏLA RĀĀ 20:26

Adə̄ m-ə́dásí wáńg ɓōólaā: Ré deē kógə̄ḿ kə́ dansí tə́ tḭ̄ḭ̄ ta rɔ̄n anī najə̄n i dɔḿ tə́ alé.

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

JOJUE 9:14

Ngán Israel gə̄ taān̄ núsə́ sádə̄ yādə́ sḛ́ý əsan̄ kanjə̄ koō yā Kɔ́ɔ̄ɓē.

PĀ GƏ̄ 50:18

Ré á̰a̰ nge ɓogə anī ī-rāā kem kógə̄ḿ seneé ō, ī-ɓo rɔ̄í tū yā nge sāā nə̄yá̰ deē tə́ ō.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,