1 TIMOTE 5:19 - Bibəl ta Sar̄

¹⁹ Ī-lōō ndigə najə̄ kə́ əndān̄ dɔ de kə́ kum kɔɔ̄ tə́. Ba ré i de kə́ kum tə́ gə̄ jōó, aláa i mətá, n ədan̄ najə̄ dɔn tə́ pá tá ī-ndigə ɓáý.

Bible sar

¹⁹ Ī-lōō ndigə najə̄ kə́ əndān̄ dɔ de kə́ *kum kɔɔ̄ tə́. Ba ré i de kə́ kum tə́ gə̄ jōó, aláa i mətá, n ədan̄ najə̄ dɔn tə́ pá tá ī-ndigə ɓáý.

1 TIMOTE 5:19 Referans Kwoze

MATIYE 18:16

Ba ré ni-mbātə́ koō najə̄ yāí anī, āwī kə madí kógə̄ḿ, aláa kə madí gə̄ jōó, ə́ngeniī ɓáý to̰, tɔdɔ̄ ndangən̄ na: A gāngə̄n̄ sarya malang i kə gō najə̄ kɔr̄ de kə́ kum tə́ gə̄ jōó, aláa mətá.

NDŪ NAJƏ̄ 19:15

Najə̄ ta de kə́ kum tə́ kə́ kal kógə̄ḿ beē asə kadə̄ deē gāngəń sarya dɔ de kə́ əndān̄ najə̄ tɔ̄l̄ deē dɔn tə́ tə́ aĺ ō, dɔ de kə́ əndān̄ najə̄ majaĺ kə́ rāā dɔn tə́ tə́ aĺ ō, dɔ de kə́ əndān̄ najə̄ rāā yá̰á̰ kə́rēý kə́ gōtə́ aĺ dɔn tə́ tə́ aĺ ō, banī i najə̄ ta de kə́ kum tə́ gə̄ kə́ asən̄ jōó aláa mətá n a ɔjə kadə̄ deē ní rāā yá̰á̰ ní rɔ̄kum ní.

2 KORḚNTƏ 13:1

I nja kə́ nge ko̰ mətá n m-ā m-āw̄ kə̄ loosí toō. Tītə̄ ń makətūbə̄ yā Nə́ɓā ədań ní, a gāngə̄n̄ sarya malang i kə gō najə̄ kɔr̄ de kə́ kum tə́ gə̄ jōó, aláa mətá.

TITƏ 1:6

Majə kadə̄ najə̄ gətóo dɔ kum kɔɔ̄ tə́ ō, kadə̄ nə̄yá̰n i kógə̄ḿ beē ō, ngánən gə̄ taān̄ kem najə̄ yā Nə́ɓā ō, deē əndā najə̄ háĺ kə́ gō tə́ aĺ, aláa dum̄ naā dɔdə́ tə́ aĺ ō.

NDŪ NAJƏ̄ 17:6

Deē a gān̄g sarya yo dɔ deē tə́ i kə ta kūl̄ najə̄ ta de kə́ kum tə́ kə́ kógə̄ḿ beē alé, banī i kə ta kūl̄ najə̄ ta de kə́ kum tə́ gə̄ kə́ asən̄ jōó aláa mətá.

HEBƏRO 10:28

Deē ń mān̄ dɔ ndū najə̄ yā Moijə ní, a tɔ̄l̄nən̄ i kanjə̄ kadə̄ kumdə́ o̰o̰də́ tām̄ yān tə́ ba a oy kə gō najə̄ kɔr̄ de kə́ kum tə́ gə̄ jōó aláa mətá.

KƏLA RĀĀ 25:16

Banī m̄-tūr̄ m-ə́dádə́ na kə gō yá̰a̰ kāgə̄ ɓē yā de kə́ Rom tə́ gə̄ ní, deē ń sekə́nən̄ ní, a reēn̄ kə ngé sekə́n gēé non tə́ ō, a əya̰nən̄ kadə̄ ɔr̄ najə̄ dɔ rɔ̄n tə́ najə̄ sekə́ ń sekə́nən̄ tə́ ní ō, pá tá a əlanən̄ jī ngé sekə́n gə̄ tə́ ɓáý.

JA̰A̰ 8:17

Ndangən̄ kem makətūbə̄ ndū najə̄ yāsí tə́ na najə̄ kə́ kum tə́ yā de kə́ jōó gə̄ i kə́ rɔ̄kum.

KƏLA RĀĀ 11:30

I yá̰á̰ ń noō n nin̄-rāān̄ ní, adə̄ əlan̄ Barnabas ō Sol ō kə yá̰a̰ kadə̄ karī gə̄ ní kadə̄ aw̄n̄neé adə̄n̄ kum kɔɔ̄ gə̄ kə́ gō nang kə́ Jude tə́.

JA̰A̰ 18:29

I tām̄ najə̄ ń toō tə́ n Pilatə nge ko̰o̰ ɓē aw̄ əngedə́ ndágá ní. Ni dəjedə́ na: Deē ń toō rāā i rí á ī-sekə́niī ní?

1 TIMOTE 4:14

Yá̰á̰ ń Nə́ɓā adī karī, kə ta kūl̄ najə̄ kə́ ni-əndā ta ngé koō ta yān gə̄ tə́ adə̄ ədan̄ tām̄ yāí tə́ ní ō, kə ta kūl̄ kəndā kə́ kum kɔ̄ɔ́ gə̄ əndān̄ jīdə́ dɔí tə́ ō ní, ī-lōō kídə̄ yá̰á̰ ní.

1 TIMOTE 5:17

Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.