1 TIMOTE 5:18 - Bibəl ta Sar̄

¹⁸ Tɔdɔ̄ makətūbə̄ yā Nə́ɓā əda na: Ré man̄g a səɓā kōō anī, ā ə́la bendə tan tə́ aĺ ō, deē ń i nge rāā kəla ní, majə kadə̄ kɔ́ɔ̄ ənge kəgā yān ō.

Bible sar

¹⁸ Tɔdɔ̄ makətūbə̄ yā Nə́ɓā əda na: Ré man̄g a səɓā kōō anī, ā ə́la bendə tan tə́ aĺ ō, deē ń i nge rāā kəla ní, majə kadə̄ kɔ́ɔ̄ ənge kəgā yān ō.

1 TIMOTE 5:18 Referans Kwoze

NDŪ NAJƏ̄ 25:4

Ā ə́la bendə ta man̄g kə́ a səɓā kōō tə́ alé.

1 KORḚNTƏ 9:14

Tāa ngé kɔjə Najə̄ kə́ Majə gə̄ ní, Kɔ́ɔ̄ɓē əda kadə̄ əngen̄ yá̰a̰ kəsa yādə́ i kə ta kūl̄ Najə̄ kə́ Majaá ō.

Najə̄ kə́ Majə yā Jeju ń Luk ndang ní 10:7

Ī-ndiī kem kújə́ ní tə́. Yá̰a̰ kəsa ń a adə̄n̄sí kemeé ní ə́saī ō, yá̰á̰ kə́ yā ka̰ȳ ń a adə̄n̄sí kemeé ní ā̰yī ō. Tɔdɔ̄ majə kadə̄ de kə́ nge rāā kəla ənge yá̰a̰ kəndā nja yān. Ī-lōōī rāā ɓē mbā jōó.

MATIYE 10:10

Ī-lōōī kun ngong mbā jīsí tə́ ō, kɔy kūbə̄ gə̄ jōó dɔ naā tə́ ō, kɔy sākə̄rā gə̄ ō, kun kāgə̄ tɔ́sə̄ ō, tɔdɔ̄ i gōtə́ kadə̄ nge rāā kəla ənge yá̰a̰ kəsa yān.

LEBI GƏ̄ 19:13

Ī-kə́ra madí aĺ ō, ī-ɓogə yá̰a̰ yān aĺ ō. Nar tətō nge kəla yāí a to jīí tə́ kadə̄ loo tīī dɔ tə́ alé.

JAKƏ 4:5

Aké sḭḭ̄ ɔ́jiīneé na najə̄ ń ndangən̄ kem makətūbə̄ yā Nə́ɓā tə́ ní i kə ndāńg a? Ndangən̄ na: Nə́ɓā rāā jang dɔ Ndíĺ ń ni-əndā kemjí tə́ ní.

Makətūbə̄ ń Pol ndang adə̄ Rom gə̄ ní 10:11

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé.

Makətūbə̄ ń Pol ndang adə̄ Rom gə̄ ní 9:17

I beé n Nə́ɓā ədań Parao̰ najə̄ ń ndangən̄ kem makətūbūú na: I mā n m-úniī yā kɔjəń tɔ́gə́ḿ ō, yā kadə̄ rīḿ ɓārəń dɔ nang tə́ laā malang ō ní.

GALATƏ 3:8

Tá ndangən̄ kem makətūbə̄ yā Nə́ɓā tə́ kété na, Nə́ɓā a rāā kadə̄ de gə̄ ń i Jipə aĺ gə̄ ní, a télən̄ de kə́ súmūú gə̄ loo ń a taān̄ kem ní. I tām̄ najə̄ ń toō tə́ n ədan̄ Abəraham Najə̄ kə́ Majə ń toō kemeé na: Nápar de gə̄ malang a əngen̄ tɔ́r̄ ta i kə ta kūlīí ní.

Makətūbə̄ ń Pol ndang adə̄ Rom gə̄ ní 11:2

Nə́ɓā əya̰ gír deē yān gə̄ ń nəkɔ́ gə̄rādə́ kété ní kɔ̄ɔ́ alé. Nōō ń Eli nōō rɔ̄n rɔ̄ Nə́ɓā tə́ á makətūbə̄ əda ní, sḭḭ̄ ōōī aĺ a? Eli nōō rɔ̄n əda na:

Makətūbə̄ ń Pol ndang adə̄ Rom gə̄ ní 4:3

Tɔdɔ̄ makətūbə̄ əda na i rí? Makətūbə̄ əda na: Abəraham taā kem Nə́ɓā, adə̄ Nə́ɓā rāān de kə́ gōtə́ tə́ ta kumən tə́ najə̄ taā kem yān tə́.