1 TIMOTE 5:17 - Bibəl ta Sar̄

¹⁷ Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.

Bible sar

¹⁷ Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.

1 TIMOTE 5:17 Referans Kwoze

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

GALATƏ 6:6

Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.

Najə̄ kə́ Majə yā Jeju ń Luk ndang ní 10:7

Ī-ndiī kem kújə́ ní tə́. Yá̰a̰ kəsa ń a adə̄n̄sí kemeé ní ə́saī ō, yá̰á̰ kə́ yā ka̰ȳ ń a adə̄n̄sí kemeé ní ā̰yī ō. Tɔdɔ̄ majə kadə̄ de kə́ nge rāā kəla ənge yá̰a̰ kəndā nja yān. Ī-lōōī rāā ɓē mbā jōó.

HEBƏRO 13:7

Ādə̄ əga kemsí dɔ nge kɔr no ngé kán̄ naā gə̄ yāsí á ɔjən̄sí najə̄ yā Nə́ɓā ní. Ə̄ndāī ma̰ȳ loo ndidə́ dɔ nang tə́ laā ō, ta ngóýdə́ ō, ba ī-ndájī taā kem yādə́.

2 TIMOTE 2:6

I nge ndɔr̄ ń rāā kəla ngá̰ý ní n i nge kənge kōō ndɔrə̄n kété ní.

PILIPƏ 2:29

I beé ní ə́hɔniī kə̄ rɔ̄sí tə́ kə rɔ̄nelēé tītə̄ ngōkó̰ó̰sí, kə́ nge taā kem Kɔ́ɔ̄ɓē. Ba ī-rɔyī de kə́ tītə̄ ń noō gə̄.

Makətūbə̄ ń Pol ndang adə̄ Rom gə̄ ní 12:8

Deē ń ni i nge kadə̄ karī yā kadə̄ madə̄n gə̄ tɔ́gə anī, majə kadə̄ ni-adə̄ńdə́ tɔ́gə. Deē ń ni i nge kadə̄ karī yā kadə̄ deē yá̰á̰ ní, ādə̄ kɔ́ɔ̄ adə̄ kə kem ndaá. Deē ń ni i nge kadə̄ karī yā kɔr madə̄n gə̄ ta róbə́ ní, ādə̄ o̰o̰n tɔdɔ̄ kəla yān ní. Deē ń ni i nge kadə̄ karī yā rāā kə ngé ndoō gēé ní, ādə̄ ni-rāā sedə́ kə rɔ̄nelēé.

KƏLA RĀĀ 28:10

Nin̄-rɔ̄ȳn̄jí ngá̰ý ō, ta kaw̄jí anī adə̄n̄jí sádə̄ gə̄ ngá̰ý ō.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

Makətūbə̄ ń Pol ndang adə̄ Rom gə̄ ní 16:12

Ī-rāāī Təripen ō Teripojə ō lápə́ya ādə̄mī. Nin̄ i dəyá̰ gə̄ kə́ ɔrən̄ ta kəla yā Kɔ́ɔ̄ɓē tə́ aĺ ō. Ī-rāāī Persis lápə́ya ādə̄mī ō. Ni i kó tár yāḿ kə́ rāā kəla ngá̰ý tām̄ yā Kɔ́ɔ̄ɓē tə́.

Makətūbə̄ ń Pol ndang adə̄ Rom gə̄ ní 15:27

I nin̄ kɔ́ gə̄ n ndigən̄ rāā tītə̄ ń noō kə gō kemdə́ ní, ba mandang ɓáa i yá̰á̰ kə́ sɔɔ̄ kadə̄ nin̄-rāān̄. Tɔdɔ̄ Jipə kə́ ngé taā kem Kərist gə̄, kēgə̄n̄ yá̰á̰ yādə́ kə́ gō róbə yā ndíĺ tə́ adə̄n̄ ngé gə̄ ń nin̄ i Jipə aĺ gə̄ ní. Adə̄ majə kadə̄ ngé gə̄ ń nin̄ i Jipə aĺ gə̄ ní, rāān̄ sedə́ kə yá̰á̰ kə́ jīdə́ tə́ ō.

PILIPƏ 4:3

Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

1 KORḚNTƏ 16:16

I beé ní, ōōī ta de kə́ tītə̄ ń noō gə̄ ō, náā nəkɔ́ ń rāā kəla sedə́ ō, a̰a̰ tápə̄ sedə́ ō ní, ōōī ta kɔ́ɔ̄ ō.

KƏLA RĀĀ 11:30

I yá̰á̰ ń noō n nin̄-rāān̄ ní, adə̄ əlan̄ Barnabas ō Sol ō kə yá̰a̰ kadə̄ karī gə̄ ní kadə̄ aw̄n̄neé adə̄n̄ kum kɔɔ̄ gə̄ kə́ gō nang kə́ Jude tə́.

2 MBAN̄G 2:9

Dan ń teēn̄ kə̄ gidə kə́rēý tə́ anī Eli əda Elije na: Ī-dəjem̄ yá̰á̰ ń kemií gḛy kadə̄ m̄-rāā m-ādī ní pá tá ādə̄ Kɔ́ɔ̄ɓē unəm̄ taí tə́ kɔ̄ɔ́ ɓáý. Anī Elije tél əda Eli na: m̄-rāāī ɓɔ́, ādə̄ ndílí ń a kegə̄n̄jí naā tə́ ní, m-ə́ngé núsən nja jōó.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

1 TIMOTE 4:16

Ə̄ndā kumií gír rɔ̄í īkɔ́ tə́ ō, gíŕ yá̰á̰ ndóō yāí tə́ ō. Ə́hɔ rɔ̄í tɔgə tū yá̰a̰ gə̄ ń noō tə́. Loo ń ré ī-rāā beé anī, ā ájə rɔ̄í īkɔ́ ō, ā ájə́ ngé gə̄ ń oōn̄ najə̄ taí tə́ ní ō.

1 TIMOTE 3:5

Tɔdɔ̄ deē ń ger̄ loo kɔr no de kə́ kem kújə yān tə́ gə̄ alé ní, a a̰a̰ gō Egəlijə yā Nə́ɓā i ba̰ý?

PILIPƏ 2:16

kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.

MATIYE 24:25

Á̰a̰ī, m̄-tāāsí kété kɔ̄ɔ́.

HEBƏRO 13:24

Ī-rāāī nge kɔr no ngé kán̄ naā gə̄ malang lápə́ya ō, de gə̄ yā Nə́ɓā malang lápə́ya ō. Ngé kə́ Itali tə́ gə̄ rāān̄sí lápə́ya ō.

1 TIMOTE 4:10

Tɔdɔ̄ ré jə-rāāī kəla ngá̰ý ō, jə-rɔ̄ɔ̄ī ō anī, i tām̄ kəndā kə́ j-əndāī kemjí dɔ Nə́ɓā ń ndi kə kumneé tə́ ní. Ni i nge kajə de gə̄ malang, ba kə́ ngá̰ý ɓáa ni a ajə i ngé taā kem gə̄.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

KƏLA RĀĀ 20:35

M-ɔ́jə́sí ngándáńg kadə̄ j-a̰a̰ī tápə̄ beé tá jə-rāāīneé kə ngé gə̄ ń tɔ́gə́də́ gətóó ní ō, kadə̄ əga kemjí dɔ najə̄ ń Kɔ́ɔ̄ɓē Jeju nəkɔ́ əda tə́ ní ō, əda na: Deē ń adə̄ yá̰á̰ ní kemən nelə̄n tɔȳ yā nge taā yá̰a̰.

JA̰A̰ 4:38

Mā m-ə́lásí sāā kōó i kem ndɔr̄ kə́ sḭḭ̄ ī-rāāī kəla tū tə́ aĺ tə́. I de kə́ rang gə̄ n rāān̄ kəla kemeé kété nosí tə́ ní, ba sḭḭ̄ údiī i tū kəla kə́ nin̄-a̰a̰n̄ tápə̄ ngá̰ý kɔ̄ɔ́ tū tə́ tə́.

Najə̄ kə́ Majə yā Jeju ń Luk ndang ní 12:42

Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

JAKARI 9:12

Siī dəngáy gə̄ ń kəndā kem dɔ tə́ yāsí i ngá̰ý ní, ī-tél ī-reēī gogə́ kem ɓē yāsí kə́ ngɔ̄m̄nən̄ majə tə́! Ɓōólaā nəkɔ́ ń toō m-ə́dásí najən̄, yá̰á̰ ń sḭḭ̄ āwīiń kɔ̄ɔ́ ɓá ní, m-ā m-ādə̄sí yá̰á̰ ní loo nja kə́ jōó tə́.

JEREMI 17:18

Ādə̄ rɔ̄sɔl̄ rāā ngé rāām̄ yá̰á̰ kə́ tōr̄ gə̄, ba ādə̄ rāām̄ mā alé. Ādə̄ i nin̄ n ndewn̄, ba i mā alé. Ī-rāā ādə̄ ndɔ̄ yá̰á̰ kə́ to kum kaȳ aĺ əsō dɔdə́ tə́. Ī-nujə sedə́ ba ī-tél ī-nujə sedə́ ɓáý to̰.

JEREMI 16:18

M-ā m-ə̄gādə́ kə̄rā loo nja kə́ jōó tə́, tām̄ mósə́ kə́ ɓōkə́n̄ nang tə́ tə́ ō, tām̄ yá̰á̰ kə́ majaĺ kə́ rāān̄ tə́ ō, tɔdɔ̄ nujən̄ kə ɓē yāḿ. Nin̄ ɓōkə́n̄ nīń yá̰á̰ kə́ yḛr yādə́ gə̄ ō, yá̰a̰ rāādə́ kə́ majaĺ gə̄ ō, adə̄ taā kem yá̰á̰ kənge yāḿ ń i ɓē yāḿ ní.

IJAI 40:2

Ī-téliī kə kəhɔ rɔ̄ tɔgɔɔ́ ādī Jerusalem gogə́. Úniī ndūsí kə̄ dɔɔ́ ə́dain̄neé na: Gír kəla kə́ kəndā gúu dɔí tə́ kadə̄ ī-rāań gān̄g kɔ̄ɔ́. Kɔ́ɔ̄ɓē rāā adə̄ ə̄gā kə̄rā majaĺ yāí gə̄ malang kɔ̄ɔ́.

1 TIMOTE 5:3

Ī-rɔȳ dəyá̰ kə́ ngaa koy gə̄ ń deē yādə́ gə̄ gətóon̄ ní.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

1 KORḚNTƏ 3:9

Tām̄ jḭḭ̄ i madə̄ kəla naā gə̄ tū kəla yā Nə́ɓā tə́, ba sḭḭ̄ i ndɔr̄ yā Nə́ɓā ō. Sḭḭ̄ i kújə́ kə́ Nə́ɓā əndā ō.

1 TIMOTE 4:14

Yá̰á̰ ń Nə́ɓā adī karī, kə ta kūl̄ najə̄ kə́ ni-əndā ta ngé koō ta yān gə̄ tə́ adə̄ ədan̄ tām̄ yāí tə́ ní ō, kə ta kūl̄ kəndā kə́ kum kɔ̄ɔ́ gə̄ əndān̄ jīdə́ dɔí tə́ ō ní, ī-lōō kídə̄ yá̰á̰ ní.

1 TIMOTE 5:19

Ī-lōō ndigə najə̄ kə́ əndān̄ dɔ de kə́ kum kɔɔ̄ tə́. Ba ré i de kə́ kum tə́ gə̄ jōó, aláa i mətá, n ədan̄ najə̄ dɔn tə́ pá tá ī-ndigə ɓáý.

TƏ́DA 18:31

Loo kə́ rāā gə̄gē ā ə́saī yá̰a̰ gə̄ ní tū tə́ kə ngéésí gēé karī, tɔdɔ̄ i kəgā yāsí kə́ tām̄ yā kəla ń ī-rāāī kem kújə kənge naā tə́ ní.

NDŪ NAJƏ̄ 18:8

Yá̰a̰ kəsa ń nin̄ malang a əngen̄ kə́ dɔ yá̰a̰ kənge yādə́ gə̄ ń nin̄ kógə̄ḿ kógə̄ḿ əngen̄ gíŕ yá̰a̰ yā bɔbə̄də́ gə̄ ń gātə̄n̄neé tə́ ní, a asə naā malang.