1 TIMOTE 5:13 - Bibəl ta Sar̄

¹³ Tá ɓáý to̰ ní, dan ń yá̰á̰ kə́ yā kadə̄ nin̄-rāān̄ gətóó ní, kəla rāādə́ i njə̄rā kaw̄ kə̄ ta de gə̄ tə́, kə̄ kem kújə gə̄ tə́. Ba kə́ majaĺ tɔȳ nge ń noō ní, nin̄ i ngé najə̄ wa gə̄ ō, ngé ger̄ kəhɔ tadə́ dɔ najə̄ tə́ aĺ gə̄ ō, ngé kɔr̄ najə̄ kə́ ndetədə́ aĺ gə̄ ō.

Bible sar

¹³ Tá ɓáý to̰ ní, dan ń yá̰á̰ kə́ yā kadə̄ nin̄-rāān̄ gətóó ní, kəla rāādə́ i njə̄rā kaw̄ kə̄ ta de gə̄ tə́, kə̄ kem kújə gə̄ tə́. Ba kə́ majaĺ tɔȳ nge ń noō ní, nin̄ i ngé najə̄ wa gə̄ ō, ngé ger̄ kəhɔ tadə́ dɔ najə̄ tə́ aĺ gə̄ ō, ngé kɔr̄ najə̄ kə́ ndetədə́ aĺ gə̄ ō.

1 TIMOTE 5:13 Referans Kwoze

Gōsə̄ najə̄ gə̄ 20:19

Nge teē kə yá̰á̰ kə́ kadə̄ to loo mundə̄ tə́ i de kə́ nge kənī deē kɔ̄ɔ́. I beé ní ə́hɔ madə̄ naā kə de kə́ nge kɔr̄ najə̄ waá alé.

KƏLA RĀĀ 20:30

Tá dansí sḭḭ̄ kɔ́ gə̄ tə́ laā gə̄gē ní, de kə́rēý gə̄ a ndin̄ yā kɔr̄ najə̄ kə́ rɔ̄kum aĺ gə̄ yā kɔyń ngé taā kem gə̄ gōdə́ tə́.

Gōsə̄ najə̄ gə̄ 31:27

Ni əndā kumən gíŕ yá̰a̰ malang kə́ kem kújə yān tə́ ō, ndi karī kanjə̄ rāā kəla aĺ ō.

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

KƏLA RĀĀ 20:20

Sḭḭ̄ ī-gerī kadə̄ mā m̄-ɓɔ̄ɔ̄sí dɔ yá̰á̰ kógə̄ḿ kə́ kadə̄ rāā majə sesí alé: M-ə́dásí yá̰a̰ malang ō, m-ɔ́jə́sí yá̰a̰ malang ō, i ndágə loo gə̄ tə́ ō, i kem kújə gə̄ tə́ ō.

Najə̄ kə́ Majə yā Jeju ń Luk ndang ní 10:7

Ī-ndiī kem kújə́ ní tə́. Yá̰a̰ kəsa ń a adə̄n̄sí kemeé ní ə́saī ō, yá̰á̰ kə́ yā ka̰ȳ ń a adə̄n̄sí kemeé ní ā̰yī ō. Tɔdɔ̄ majə kadə̄ de kə́ nge rāā kəla ənge yá̰a̰ kəndā nja yān. Ī-lōōī rāā ɓē mbā jōó.

LEBI GƏ̄ 19:16

Ī-tétə̄ najə̄ dɔ ngééí gə̄ tə́ alé. Ə̄ndā najə̄ kə́ asə yo deē dɔ madí tə́ alé. Mā i Kɔ́ɔ̄ɓē.

3 JA̰A̰ 1:10

Adə̄ ré m-ā m-āw̄ anī, m-ā m̄-ter̄ kemən dɔ kəla rāān gə̄ tə́. Ni-ɔr̄ najə̄ kə́ majaĺ ngá̰ý gə̄ dɔjí tə́, banī nge ń noō asən aĺ ɓáý, adə̄ əhɔ ngákó̰ó̰jí gə̄ kə̄ rɔ̄n tə́ aĺ ō, de gə̄ ń gḛyn̄ kəhɔdə́ kə̄ rɔ̄də́ tə́ ni a, ni ɔgə̄də́ kɔ̄ɔ́ ō, tə̄ɓādə́ kɔ̄ɔ́ Egəlijə tə́ ō.

1 PIYER 4:15

Ādə̄ deē kógə̄ḿ dansí tə́ a̰a̰ tápə̄ najə̄ tɔ̄l̄ deē tə́ aĺ ō, ɓogə tə́ aĺ ō, yá̰á̰ kə́ majaĺ kə́ ni-rāā tə́ aĺ ō, kəla kə́ ni-əla tan tū najə̄ yā deē tə́ tə́ aĺ ō.

JAKƏ 3:10

Tɔ́r̄ ta ō, ndɔ̄ĺ ō, teēn̄ i tají kə́ kógə̄ḿ beē tə́. Ngákó̰ó̰ḿ gə̄, majə kadə̄ i tītə̄ ń noō alé.

Gōsə̄ najə̄ gə̄ 7:11

Tan ɓār̄ ngá̰ý ō, əre rɔ̄n aĺ ō, ndi gotoó kem kújə yān tə́ aĺ ō.

Gōsə̄ najə̄ gə̄ 11:13

De kə́ nge rāā mə́naā i nge teē kə gír najə̄ kə́ kadə̄ to loo mundə̄ tə́ dɔɔ́, banī de kə́ nge rāā yá̰a̰ kə gōó a əda yá̰á̰ kógə̄ḿ tū tə́ alé.

1 TIMOTE 5:12

I tītə̄ ń noō n najə̄ a əhɔńdə́ ní, tɔdɔ̄ míndə́də́ ń ənīn̄ kété ní, ran̄ dɔ tə́ alé.