1 TIMOTE 5:11 - Bibəl ta Sar̄

¹¹ Ba dəyá̰ kə́ ngaa koy kə́ na̰y mandə ɓáý gə̄ ní, ī-lōō ndang rīdə́ makətūbūú. Tɔdɔ̄ loo ń ré ngur dəngam rāādə́ anī, a əya̰n̄ Kərist kɔ̄ɔ́, ba a gḛyn̄ taā dəngam.

Bible sar

¹¹ Ba dəyá̰ kə́ ngaa koy kə́ na̰y mandə ɓáý gə̄ ní, ī-lōō ndang rīdə́ makətūbūú. Tɔdɔ̄ loo ń ré ngur dəngam rāādə́ anī, a əya̰n̄ *Kərist kɔ̄ɔ́, ba a gḛyn̄ taā dəngam.

1 TIMOTE 5:11 Referans Kwoze

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

OJEE 13:6

M-ɔ́riī ta róbə m-āw̄ seí ko̰ó̰ ō, ə́sá yá̰a̰ adə̄ tɔ̄l̄ ɓōí ō. Ba dan ń ī-ndān̄ anī, ɔ́jə rɔ̄í ō, dɔí ndígə̄naləḿ kɔ̄ɔ́ ō.

JAKƏ 5:5

Sḭḭ̄ ī-ndiī dɔ nang tə́ i dan yá̰á̰ kə́ majə gə̄ tə́ ō, i dan rɔ̄nel̄ tə́ ō, sḭḭ̄ ə̄ndāī mbóĺsí tām̄ yā ndɔ̄ tɔ̄l̄sí tə́ ō.

IJAI 3:16

Kɔ́ɔ̄ɓē əda na: Dəyá̰ kə́ mandə gə̄ kə́ Siyo̰ əndan̄ gúúdə́. Nin̄ njə̄rān̄ ɓáa ə́lan̄ míndə́də́ kə̄ kété, sāān̄ kadə̄ de gə̄ reēn̄ rɔ̄də́ kə ta kūl̄ ka̰a̰ loo yādə́. Nin̄ njə̄rān̄ ɓáa unən̄ njadə́ sḛ́ý beē ba rāān̄ adə̄ kōō nə̄ngá gə̄ kə́ dɔ kúkə̄lú njadə́ gə̄ tə́ ɓār̄.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

1 TIMOTE 5:9

Yā kadə̄ deē əndāń rī dəyá̰ kə́ ngaa koy dan madə̄n gə̄ tə́ kem makətūbūú ɓáa, ādə̄ ɓālə̄n kə́ ngá̰ý aĺ i kutə mehḛ́ ō, ādə̄ ngaan i kógə̄ḿ beē ō tá.

1 TIMOTE 4:3

Nin̄-ɔgə̄n̄ de gə̄ taā naā ō, ɔgə̄n̄ ngé taā kem gə̄ ń gerə̄n̄ najə̄ kə́ rɔ̄kum ní, kəsa yá̰á̰ kə́rēý gə̄ ń Nə́ɓā rāā kadə̄ əsan̄ kə ndadāá ní ō.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

1 TIMOTE 5:12

I tītə̄ ń noō n najə̄ a əhɔńdə́ ní, tɔdɔ̄ míndə́də́ ń ənīn̄ kété ní, ran̄ dɔ tə́ alé.

JEJU TEĒ KUM JA̰A̰ 18:3

Tɔdɔ̄ nápar de gə̄ malang a̰ȳn̄ kasə ájə́ba kɔ̄r̄ yān ō, mban̄g kə́ dɔ nang tə́ gə̄ malang ɓīīn̄ seneé loo ájə́ba tə́ ō, ngé rāā gātə̄ kə́ dɔ nang tə́ gə̄ əngen̄ yá̰a̰ kə ta kūl̄ mang kə́ ni-mangdə́ yá̰á̰ kə́ majə ngá̰ý gə̄ kə́ gātə̄də́ i ngá̰ý tə́ ō.

JEJU TEĒ KUM JA̰A̰ 18:9

Dan ń mban̄g kə́ dɔ nang tə́ gə̄ ń ɓīīn̄ seneé loo ájə́ba tə́ ō, tə́ndān̄ yá̰á̰ kə́ majə ngá̰ý yādə́ gə̄ kə ta naá ō, a a̰a̰n̄ sa hor kə́ dɔn tə́ anī, a nōōn̄ ō, a əndan̄ kadədə́ najə̄ yān tə́ ō.