1 TIMOTE 4:8 - Bibəl ta Sar̄

⁸ Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

Bible sar

⁸ Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

1 TIMOTE 4:8 Referans Kwoze

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

1 TIMOTE 6:6

Rāā yá̰a̰ kə gō ń Nə́ɓā ndigə ní, i yá̰a̰ kənge kə́ ngá̰ý rɔ̄kum, ba i loo ń rɔ̄ deē ní nelə̄n tām̄ yā yá̰a̰ ń ni-ənge kɔ̄ɔ́ ní tə́ tá.

Gōsə̄ najə̄ gə̄ 22:4

De kə́ sɔl̄ dɔn a ɓōĺ ndíĺ Kɔ́ɔ̄ɓē, adə̄ a əndān̄ njan i kə yá̰a̰ kəngeé ō kə rɔyɔ́ ō kə ndi kə kumuú kə́ dan i ngá̰ý ō.

Gōsə̄ najə̄ gə̄ 19:23

Ɓōĺ ndíĺ Kɔ́ɔ̄ɓē a rāā kadə̄ deē ndi kə kumneé ō, a rāā kadə̄ yá̰a̰ gə̄ ń kemən gḛy ní a əngedə́ ngá̰ý ō, a rāā kadə̄ deē ɓīī ndɔ̄ɔ́ kanjə̄ kadə̄ yá̰á̰ kə́ to kum kaȳ aĺ kógə̄ḿ teē dɔn tə́ ō.

1 JA̰A̰ 2:25

Ba míndən ń ənī adə̄jí ní, i kadə̄jí ndi kə kumuú kə́ ngándáńg.

MARK 10:30

kɔ́ɔ̄ a ənge kújə gə̄, kə ngákó̰o̰n kə́ dəngam gə̄ ō, kə́ dəyá̰ gə̄ kə kó̰o̰n gə̄, kə ngánən gə̄, kə loo ndɔr̄ gə̄, tɔȳ kə́ kété nja ɓú ngɔlaā kem ndɔ̄ gə̄ ń toō tə́ ní ō, a ndi kə kumneé ngándáńg dɔ nang kə́ kijə kə́ ndɔ̄ń tə́ ō.

PĀ GƏ̄ 37:29

De kə́ súmūú gə̄ a əngen̄ dɔ nang ń Nə́ɓā ənī míndən yā kadə̄də́ ní, nin̄ a ndin̄ tū tə́ ngándáńg.

PĀ GƏ̄ 37:11

Banī ngé gə̄ ń télən̄ kə rɔ̄də́ kə̄ nang tə́ ní a əngen̄ dɔ nang. Nin̄ a ndin̄ kə kem sɔl̄ lɔm kə́ ngá̰ý.

HEBƏRO 13:9

Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.

IJAI 3:10

Ngé gə̄ ń oōn̄ ta Nə́ɓā ní, ásiī kəda na nin̄ i ngé rɔ̄nel̄ gə̄. Yá̰á̰ ń nin̄ rāān̄ ní, a əngen̄ yá̰á̰ kə́ majə tām̄ yādə́ tə́ gírí.

KOHELET 8:12

Nge rāā majaĺ rāā yá̰á̰ kə́ majaĺ nja ɓú ō, ndi kə kumneé dan i ngá̰ý ō. Ɓá tā ba m̄-ger̄ kadə̄ ngé ɓōĺ ndíl Nə́ɓā gə̄ a ndin̄ majə, tɔdɔ̄ kemdə́ i kə ɓōló ta kumən tə́.

PĀ GƏ̄ 145:19

Ni i nge rāā kem ndigə yā ngé ɓōĺ ndílən gə̄. Ni oō nōō yādə́ ō ajədə́ ō.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

Makətūbə̄ yā Job 22:2

Deē ndul asə rāā yá̰á̰ kógə̄ḿ kə́ majə tām̄ yā Nə́ɓā tə́ a? Ni asə rāā yá̰á̰ kógə̄ḿ kə́ majə tām̄ yā rɔ̄n nəkɔ́ tə́ i dan ń kumən edə̄ ní.

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

JEJU TEĒ KUM JA̰A̰ 3:12

Deē ń a tetə rɔ̄ɔ̄ ní, m-ā m̄-rāā kadə̄ ni a tél kāgə̄ nga dan kújə yā Nə́ɓā yāḿ. Ni a teē kɔ̄ɔ́ kemeé aĺ i kə́ bátə́ gə̄ tə́. M-ā m̄-ndang rī Nə́ɓā yāḿ dɔn tə́ ō, rī ɓē yā Nə́ɓā yāḿ ń i Jerusalem kə́ kijə kə́ ḭḭ dɔ rā̰ tə́ rɔ̄ Nə́ɓā yāḿ tə́ a risə kə̄ nang tə́ ní, m-ā m̄-ndang dɔn tə́ ō, m-ā m̄-ndang rīḿ kə́ kijə dɔn tə́ ō.

1 KORḚNTƏ 8:8

I yá̰a̰ kəsa n a aw̄ sejí rɔ̄ Nə́ɓā tə́ ngɔr ní alé. Ré j-əsaī yá̰a̰ aĺ anī, j-a jə-tḭ̄ḭ̄ ta yá̰á̰ kógə̄ḿ aĺ ō, ré j-əsaī yá̰a̰ anī j-a j-əngeī yá̰á̰ kógə̄ḿ aĺ ō.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.

IJAI 33:16

Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

PĀ GƏ̄ 37:9

Tɔdɔ̄ a ɔrə̄n̄ ngé kem ndul gə̄ kɔ̄ɔ́. Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní a ndin̄ dɔ nang ń Nə́ɓā adə̄də́ tə́ ní.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

1 KORḚNTƏ 3:22

Ká i Pol, aké i Apolos, aké i Kepas, aké i yá̰á̰ kə́ dɔ nang tə́, aké i ndi kə kumuú, aké i koy, aké i yá̰á̰ kə́ ngɔlaā ń toō, aké i yá̰á̰ ń a reē ɓáý ní, yá̰a̰ malang i yāsí,

MATIYE 19:29

Tá deē ń a əya̰ kújə yān gə̄, aláa ngákó̰o̰n kə́ dəngam gə̄, aláa kə́ dəyá̰ gə̄, aláa bɔbə̄n, aláa kó̰o̰n, aláa ngánən gə̄, aláa ndɔr̄ yān gə̄ kɔ̄ɔ́ najə̄ yāḿ mā tə́ ní, kɔ́ɔ̄ a ənge tɔȳ ni ń noó nja ɓú ō, a ənge ndi kə kumuú kə́ ta ngóyn a gətóo ō.

Makətūbə̄ yā Job 36:11

Ré nin̄ oōn̄ ba sɔlə̄n̄ dɔdə́ kə̄ no Nə́ɓā tə́ anī, a tɔ̄lə̄n̄ ta ndɔ̄də́ i dan ndi majə tə́ ō, a tɔ̄lə̄n̄ ta ɓāl̄də́ gə̄ i dan rɔ̄nel̄ tə́ ō.

MATIYE 12:32

A mā̰ȳn̄ rɔ̄də́ dɔ deē ń əda najə̄ kə́ majaĺ dɔ Ngōn̄ deē tə́ ní, ba deē ń ɔr̄ najə̄ kə́ majaĺ dɔ Ndíĺ kə́ Táĺ tə́ ní, a mā̰ȳn̄ rɔ̄də́ dɔn tə́ dɔ nang ń toō tə́ aĺ ō, dɔ nang kə́ kijə kə́ ndɔ̄ń tə́ tə́ aĺ ō.

1 TIMOTE 4:7

Banī ī-mbātə́ kɔr̄ súū kə́ to mbóo gə̄ ń i najə̄ kə́ kanjə̄ kumən gə̄ yā ɓə́ga dəyá̰ gə̄ ní. Ī-ndóō rāā yá̰a̰ kə gō ń Nə́ɓā ndigə ní.

1 TIMOTE 6:3

Ré deē kógə̄ḿ ndóō de gə̄ yá̰á̰ kə́ rang ba əya̰ najə̄ kə́ rɔ̄kum gə̄ yā Kɔ́ɔ̄ɓē yājí Jeju Kərist kɔ̄ɔ́ ō, əya̰ yá̰á̰ ndóō kə́ əhɔn̄ naā kə taā kem yājí kɔ̄ɔ́ ō anī,

1 TIMOTE 6:5

kəhɔ naā najə̄ tə́ kə́ dan gān̄g aĺ, yā de gə̄ kə́ gír̄ yādə́ nujə kɔ̄ɔ́, tām̄ tḭ̄ḭ̄ kə́ nin̄-tḭ̄ḭ̄n̄ ta najə̄ kə́ rɔ̄kum kɔ̄ɔ́ tə́ ō. Nin̄-ɔjənə̄ń na rāā yá̰a̰ kə gō ń Nə́ɓā ndigə ní, na i yá̰a̰ kənge yá̰a̰.

2 TIMOTE 3:5

Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

Najə̄ kə́ Majə yā Jeju ń Luk ndang ní 5:38

Banī a tūrə̄n̄ kasə kə́ tām̄ ngōn̄ i kem sɔl kə́ kijə gə̄ tə́.