1 TIMOTE 4:6 - Bibəl ta Sar̄

⁶ Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

Bible sar

⁶ Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā *Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

1 TIMOTE 4:6 Referans Kwoze

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

TITƏ 2:1

Ba ḭ̄, yāí i kadə̄ ī-ndóō de gə̄ yá̰á̰ kə́ əhɔn̄ naā kə yá̰á̰ ndóō kə́ gō tə́.

KOLOSƏ 4:7

Tisik ń i ngōkó̰ó̰jí kə́ kó tár yāḿ ní, ni ń i de kə́ bo kə́ nge ra dɔ ndūn tə́ ō, madə̄ kəlaḿ kə́ loo kəla yā Kɔ́ɔ̄ɓē tə́ ō ní,

MATIYE 13:52

Loo ń noō tə́ Jeju ədadə́ na: I beé ní, náā nəkɔ́ ń i nge ndóō de gə̄ ndū najə̄ tá tél nge ndóō yá̰á̰ kə́ dɔ Ɓē ko̰o̰ kə́ dɔ rā̰ tə́ ní, ni i tītə̄ kɔ́ɔ̄ kújə́ kə́ a ɔr̄ yá̰á̰ kə́ kijə gə̄gē, kə́ jóo gə̄gē, dan yá̰a̰ kənge yān kə́ gātə̄n i ngá̰ý tə́ beē.

Makətūbə̄ ń Jud ndang ní 1:5

Ká ré sḭḭ̄ ī-gerī yá̰á̰ ń toō kɔ̄ɔ́ majə ngá̰ý gə̄gē anī, m̄-sāā ter̄ kemsí dɔ tə́ ɓáý. Tām̄ dan ń Kɔ́ɔ̄ɓē ajə gír deē yān gə̄ kem ɓē kə́ Ejiptə tə́ ní, gō tə́ anī ni-rāā adə̄ ngé gə̄ ń taān̄ kemən aĺ ní oyn̄ kɔ̄ɔ́.

2 JA̰A̰ 1:9

Náā nəkɔ́ ń ra dɔ yá̰á̰ ndóō yā Kərist tə́ alé banī mān̄ dɔ tə́ kum kə̄ kété ní, Nə́ɓā i seneé alé. Deē ń ra dɔ yá̰á̰ ndóō yā Kərist tə́ ní, Bɔbə̄ Ngōn̄ i seneé ō, Ngōn̄ nəkɔ́ i seneé ō.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

2 TIMOTE 3:10

Banī ḭ̄ ún gō yá̰á̰ ndóō ń m-ɔ́jə de gə̄ ní ō, úń hálə́ḿ ō, ī-ger̄ yá̰a̰ gə̄ ń m̄-núm̄ ní ō, loo taā kem yāḿ tə́ ō, tə́gā ta yāḿ ō, táŕ yāḿ ō, kəhɔ rɔ̄ tɔgə yāḿ ō.

2 TIMOTE 1:6

Yá̰á̰ ń Nə́ɓā adī karī dan ń m-ə̄ndań jīḿ dɔí tə́ ní, to i tītə̄ hor beé kemií tə́, adə̄ ī-tóon ādə̄ o̰o̰.

1 TIMOTE 6:3

Ré deē kógə̄ḿ ndóō de gə̄ yá̰á̰ kə́ rang ba əya̰ najə̄ kə́ rɔ̄kum gə̄ yā Kɔ́ɔ̄ɓē yājí Jeju Kərist kɔ̄ɔ́ ō, əya̰ yá̰á̰ ndóō kə́ əhɔn̄ naā kə taā kem yājí kɔ̄ɔ́ ō anī,

1 TIMOTE 4:16

Ə̄ndā kumií gír rɔ̄í īkɔ́ tə́ ō, gíŕ yá̰á̰ ndóō yāí tə́ ō. Ə́hɔ rɔ̄í tɔgə tū yá̰a̰ gə̄ ń noō tə́. Loo ń ré ī-rāā beé anī, ā ájə rɔ̄í īkɔ́ ō, ā ájə́ ngé gə̄ ń oōn̄ najə̄ taí tə́ ní ō.

1 TIMOTE 1:10

ngé sāā naā loo kaya tə́ gə̄ ō, ngé sāā dəngam madə̄də́ gə̄ ō, ngé kigə de gə̄ ō, ngé sor̄ gə̄ ō, ngé túbə̄ dɔ sor̄ tə́ gə̄ ō, aláa ngé rāā yá̰á̰ kə́ rang gə̄ malang kə́ mbātə́ yá̰á̰ ndóō kə́ rɔ̄kum ō.

1 TESALONIK 3:2

ba ngōkó̰ó̰jí Timote ń i nge rāā kəla naā tə́ kə Nə́ɓāá loo kɔjə Najə̄ kə́ Majə yā Kərist tə́ ní, j-əlan kadə̄ aw̄ mbūsə̄sí ō, adə̄sí tɔ́gə loo taā kem yāsí tə́ ō.

KOLOSƏ 2:19

Nin̄-əhɔn̄ gō Kərist ń i dɔm dɔ ní adə̄ ngan̄g alé. Tá rɔ̄ malang ń əhɔ naā majə kə ta kūl̄ ta rɔtən gə̄ ní, i Kərist n i nge kəhɔ dɔɔ́ ō, nge rāā kadə̄ rɔ̄ ní tɔgə kə gō ń Nə́ɓā ndigə ō ní.

PILIPƏ 3:16

Ká i rí gə̄gē anī loo ń j-ugī tū tə́ toō ní, ādə̄ jə-njə̄rāī kumjí kə̄ loo kə́ kógə̄ḿ beē tə́.

EPEJƏ 6:21

m̄-sāā kadə̄ ī-gerī najə̄ kə́ dɔḿ tə́ ō, kəla rāāḿ ō. Ngōkó̰ó̰jí Tisik ń i kó tár yāḿ ní, ni ń i de kə́ bo yā Kɔ́ɔ̄ɓē kə́ ra dɔ ndūn tə́ ní, a ədasí najə̄ malang kə́ dɔḿ tə́.

2 KORḚNTƏ 6:4

Ba tū yá̰a̰ gə̄ tə́ malang ɓáa j-ɔjə kə̄ ndágá kadə̄ jḭḭ i de kə́ bo gə̄ yā Nə́ɓā. Jə-tə́gā tají ngá̰ý dan wur kɔl gə̄ tə́ ō, dan yá̰á̰ gə̄ kə́ tɔyn̄ dɔjí tə́ ō, dan sōl̄ gə̄ tə́ ō.

2 KORḚNTƏ 3:6

Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.

1 KORḚNTƏ 4:17

I tām̄ najə̄ ń noō tə́ n m-ə́la Timote rɔ̄sí tə́ ní. Ni i ngōnə̄ḿ kə́ ra dɔ ndūn tə́ kə́ m̄-tárən ngá̰ý sɔɔ̄ń Kɔ́ɔ̄ɓē. Ndū najə̄ gə̄ ń m-ún gō á m̄-ndiń kə Kərist ní, ni a ter̄ kemsí dɔ tə́. Adə̄ i yá̰a̰ gə̄ ń m̄-ndóō de gə̄ kə̄ kem Egəlijə gə̄ tə́ malang ní.

Makətūbə̄ ń Pol ndang adə̄ Rom gə̄ ní 15:15

Banī kem makətūbə̄ yāḿ ń m̄-ndang ń m̄-ə́lań m-ādə̄sí tə́ ní, m-ə́dásí yá̰á̰ kə́rēý gə̄ kanjə̄ ɓōĺ, ba i yā kadə̄ m̄-terə̄ń kemsí dɔ yá̰a̰ gə̄ ń ī-gerī kɔ̄ɔ́ ɓá tə́ ní. M-ə́dá yá̰a̰ gə̄ ń noō tītə̄ ń noō i kə tɔ́gə yā kadə̄ karī ń Nə́ɓā adə̄ rāań seḿ,

KƏLA RĀĀ 20:35

M-ɔ́jə́sí ngándáńg kadə̄ j-a̰a̰ī tápə̄ beé tá jə-rāāīneé kə ngé gə̄ ń tɔ́gə́də́ gətóó ní ō, kadə̄ əga kemjí dɔ najə̄ ń Kɔ́ɔ̄ɓē Jeju nəkɔ́ əda tə́ ní ō, əda na: Deē ń adə̄ yá̰á̰ ní kemən nelə̄n tɔȳ yā nge taā yá̰a̰.

KƏLA RĀĀ 20:31

I beé ní ī-ndiī dɔ rɔ̄sí tə́ majə. Ādə̄ əga kemsí dɔ ɓāl̄ kə́ mətá gə̄ ń ndɔ̄ɔ́ ō, kadaá ō, m-ɔ̄jəńsí tə́ ní, m-ɔ̄jə̄sí kə man̄ noó kumḿ tə́ gə̄gē.

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

Gōsə̄ najə̄ gə̄ 4:2

A̰á̰ā̰, i yá̰á̰ kə́ majə n m-ɔ́jə́sí ní, ī-lōōī mbātə́ yá̰á̰ ndóō yāḿ.

PĀ GƏ̄ 19:7

Ni teē ta ngóy dɔ rā̰ kə́ dām̄ kə́rēý tə́, njə̄rā bátə́ ugə̄ ta ngóy dɔ rā̰ kə́ dām̄ kə́ noō tə́ ō, yá̰á̰ kə́ kəngān ɔdən aĺ gətóo ō.

Najə̄ kə́ Majə yā Jeju ń Luk ndang ní 1:3

Teopil, de kə́ bo yāḿ, dan ń m̄-ndəle gíŕ yá̰a̰ gə̄ ń rāān̄ yá̰á̰ ní kə gōó bátə́ ta kəla gíŕ tə́ ní, m-á̰a̰ kadə̄ majə kadə̄ m̄-ndangdə́ kə gō naá kem makətūbūú m-ādī.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

2 KORḚNTƏ 11:23

Nin̄ i ngé rāā kəla gə̄ yā Kərist a? Ré i nge ń noō ɓáa m-ā m-ɔ̄r̄ i kə́ nge kɔ̄r̄ tə́ ɗer. Mā m̄-tɔȳdə́ loo rāā kəla yā Kərist tə́. m̄-rāā kəla m̄-tɔȳdə́. m̄-rāā dəngáy kə̄ nja naā tə́ ō, əndamə̄n̄ nja i ngá̰ý ō, m-ə́ngé yá̰á̰ kə́ asə yoḿ kə̄ nja naā tə́ ō.

PILIPƏ 2:20

I ni ngóy n i de kə́ gír̄ yān i tītə̄ yāḿ ō, de kə́ nge sōl̄ najə̄ yāsí tə́ kə́ rɔ̄kum tə́ ō ní.

PILIPƏ 2:22

Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē.