1 TIMOTE 4:2 - Bibəl ta Sar̄

² Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

Bible sar

² Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

1 TIMOTE 4:2 Referans Kwoze

EPEJƏ 4:19

Rɔ̄də́ sɔl̄də́ to̰ alé, adə̄ rāān̄ háĺ kə́ majaĺ ō, yá̰á̰ kə́ yḛr kə́ tayā tayā gə̄ ō, kanjə̄ kəhɔ rɔ̄də́ dɔ tə́.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

KƏLA RĀĀ 20:30

Tá dansí sḭḭ̄ kɔ́ gə̄ tə́ laā gə̄gē ní, de kə́rēý gə̄ a ndin̄ yā kɔr̄ najə̄ kə́ rɔ̄kum aĺ gə̄ yā kɔyń ngé taā kem gə̄ gōdə́ tə́.

JEJU TEĒ KUM JA̰A̰ 16:14

Nin̄ i ndíĺ kə́ majaĺ gə̄ kə́ ngé rāā yá̰á̰ kə́ yáā gə̄. Nin̄-aw̄n̄ rɔ̄ mban̄g kə́ dɔ nang tə́ gə̄ tə́ malang yā kɔsə dɔdə́ naā tə́, tām̄ ndɔ̄ kə́ bo ngá̰ý ń i ndɔ̄ yā Nə́ɓā kə́ bo kə́ tɔ́gən i ngá̰ý ní tə́.

2 TIMOTE 3:5

Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

JEREMI 23:32

M-ā m-ə́ndá ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

1 MBAN̄G GƏ̄ 22:22

Anī ndíĺ ní əda na n-a n-aw̄, ba n-a n-tél ndíĺ kə́ nge sor̄ kə́ a ndi ta ngé koō ta gə̄ malang yā mban̄g tə́. Anī Kɔ́ɔ̄ɓē tél əda ndíĺ ní na: Ā ī-gólən, ta róbə i yāí. Āw̄ ī-rāā tītə̄ ń noō.

1 MBAN̄G GƏ̄ 13:18

Banī nge koō ta kə́ tɔgə ní əda na: Mā i nge koō ta madí, adə̄ de kə́ dɔ rā̰ tə́ kógə̄ḿ ədam̄ na Kɔ́ɔ̄ɓē əda na kə m̄-tél kə m-āw̄ seí ɓēé looḿ kadə̄ ə́sá yá̰a̰ ō, ā̰ȳ man̄ ō. Nge koō ta kə́ tɔgə ní gólə̄n i mbée.

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

IJAI 9:15

Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

JEREMI 23:26

Ngé koō ta gə̄ ń toō a sorə̄n̄ kə̄ nodə́ tə́ i bátə́ ta kə́ rá? A gólə̄n̄ loo kə̄ nodə́ tə́ i bátə́ ta kə́ rá?