1 TIMOTE 4:16 - Bibəl ta Sar̄

¹⁶ Ə̄ndā kumií gír rɔ̄í īkɔ́ tə́ ō, gíŕ yá̰á̰ ndóō yāí tə́ ō. Ə́hɔ rɔ̄í tɔgə tū yá̰a̰ gə̄ ń noō tə́. Loo ń ré ī-rāā beé anī, ā ájə rɔ̄í īkɔ́ ō, ā ájə́ ngé gə̄ ń oōn̄ najə̄ taí tə́ ní ō.

Bible sar

¹⁶ Ə̄ndā kumií gír rɔ̄í īkɔ́ tə́ ō, gíŕ yá̰á̰ ndóō yāí tə́ ō. Ə́hɔ rɔ̄í tɔgə tū yá̰a̰ gə̄ ń noō tə́. Loo ń ré ī-rāā beé anī, ā ájə rɔ̄í īkɔ́ ō, ā ájə́ ngé gə̄ ń oōn̄ najə̄ taí tə́ ní ō.

1 TIMOTE 4:16 Referans Kwoze

TITƏ 1:9

Ni i nge kəhɔ najə̄ kə́ to kadə̄ deē taā kem kadə̄ ngan̄g, adə̄ i najə̄ kə́ əhɔn̄ naā kə yá̰á̰ ń ni-ndóō ní. Loo ń noō tə́ ni-asə kadə̄ de gə̄ tɔ́gə kə yá̰á̰ ndóō kə́ rɔ̄kum ō, ni-asə kɔjə kə̄ ndágá kadə̄ najə̄ yā ngé mbātə́ najə̄ gə̄ i rɔ̄kum aĺ ō.

1 YÁ̰A̰ GƏ̄ 28:10

Ngɔlaā ní á̰a̰ā̰, Kɔ́ɔ̄ɓē gə̄rāī kadə̄ ī-rāā kújə́ kə́ a tél loo kə́ táĺ yān. I beé ní, ə́hɔ rɔ̄í tɔgə ba údə kə̄ rɔ̄ kəla tə́ ī-rāā.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

HEBƏRO 13:9

Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

2 TIMOTE 3:14

Ba ḭ̄, ī-ra dɔ yá̰a̰ gə̄ ń ī-ndóō á ī-ger̄ majə kadə̄ i yá̰á̰ kə́ rɔ̄kum gə̄ ní tə́. De gə̄ ń ndóōnī yá̰á̰ ní ḭ̄ ī-ger̄də́ majə.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

1 TIMOTE 1:3

Tītə̄ ń m-ə́daīneé kété pá tá kadə̄ m-ɔ́tə m-āw̄ Masedəwan tə́ ní, ī-ndi Epejə kadə̄ ə́da de kə́rēý gə̄ kadə̄ ndóōn̄ de gə̄ yá̰á̰ kə́ rang gə̄ aĺ ō,

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

1 KORḚNTƏ 9:27

m̄-rāā rɔ̄ḿ yá̰á̰ kə́ ngan̄g, m-ə́la dɔ rɔ̄ḿ gíŕ tɔ́gə́ḿ tə́, na sōgə́ m-ɔ́jə de kə́ rang gə̄ najə̄ oy anī Nə́ɓā mbātə́m̄ kɔ̄ɔ́.

KƏLA RĀĀ 6:4

Ba jḭḭ ta anī j-a j-əndā rɔ̄jí ta kəla ndɔ̄ȳ tə́ ō, ta kəla kɔjə najə̄ tə́ ō.

MARK 13:9

Banī ādə̄ kumsí ngan̄g tɔdɔ̄ de gə̄ a əlan̄sí jī ngé rāā sarya gə̄ tə́ ō, a tə̄ndān̄sí kem kújə́ kán̄ naā gə̄ tə́ ō, a aw̄n̄ sesí kadə̄ ī-raī no ngé ko̰o̰ ɓē gə̄ tə́ ō, najə̄ yāḿ mā tə́. Loo ń noō tə́ ā ə́daī najə̄ kə́ kum tə́ kadə̄ oōn̄.

JEREMI 23:22

Nə́ngētə́ gēé ndin̄ loo koō naā dɔ najə̄ tə́ seḿ anī. A gerə̄n̄ loo kɔr̄ najə̄ yāḿ kadə̄ gír deē yāḿ gə̄ oōn̄ ō, a gerə̄n̄ loo rāā sedə́ kadə̄ əya̰n̄ gō háĺdə́ kə́ majaĺ gə̄ ō, kəla rāādə́ kə́ majaĺ gə̄ ō kɔ̄ɔ́.

JAKƏ 5:20

ā ī-gerī kadə̄ nge ń tél kə nge rāā majaĺ reē seneé dɔ róbə́ tə́ ní a ajə deē ta yo tə́ ō, a rāā kadə̄ majaĺ kə́ ngá̰ý gə̄ i kə́ mā̰ȳ rɔ̄ dɔ tə́ kɔ̄kə́ ō.

TITƏ 2:15

Yá̰a̰ gə̄ ń sɔɔ̄ kadə̄ ī-ndóō de gə̄ ní n nuú, kadə̄ ādə̄nńdə́ tɔ́gə ō, ī-ndángəńdə́ dɔ háĺdə́ tə́ ō. Ādə̄ deē kógə̄ḿ kídī alé.

KOLOSƏ 4:17

Tá ə́daī Arkipə kadə̄ əndā kumən gír kəla ń Kɔ́ɔ̄ɓē adə̄n tə́ ní, kadə̄ rāā adə̄ majə ɔtə̄ kə taá.

1 KORḚNTƏ 9:22

Dan de kə́ tɔ́gə́də́ gətóo gə̄ tə́ anī, m̄-ndi tītə̄də́ yā kəngeńdə́. Adə̄ m̄-rāā rɔ̄ḿ yá̰a̰ malang tām̄ yādə́ tə́ malang, yā kadə̄ m-ájəń de kə́rēý gə̄ dandə́ tə́.

Makətūbə̄ ń Pol ndang adə̄ Rom gə̄ ní 11:14

Kadə̄ ngé gə̄ ń nin̄ i mósə́ḿ gə̄ ní əndāmə̄n̄ nii dɔ tə́, anī m-ájəń ngé kə́rēý gə̄.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

KƏLA RĀĀ 26:22

Banī Nə́ɓā ngɔ̄mə̄m̄ bátə́ ɓōólaā, adə̄ m̄-ra laā ɓáý kadə̄ yá̰a̰ gə̄ ń mā i kum tə́ á m-á̰a̰ā̰ ní, m-ə́da de gə̄ malang, de kə́ dūú gə̄ ō, de kə́ bo gə̄ ō. Mā m-ə́dá yá̰á̰ kógə̄ḿ kə́ rang alé, ba i yá̰á̰ ń ngé koō ta gə̄ ō, Moijə ō, ədan̄ na a reē ní.

2 YÁ̰A̰ GƏ̄ 19:6

ba ədadə́ na: Ə̄ndāī kumsí gír kəla ń ā ī-rāāī yā rāā ní tə́ majə, tām̄ sarya ń ā ī-rāāī yā rāā ní i kə rī deé alé, ba i kə rī Kɔ́ɔ̄ɓē. Adə̄ dan ń ā ī-gān̄gī sarya ní anī, Kɔ́ɔ̄ɓē nəkɔ́ i naā tə́ sesí.

PILEMO̰ 1:19

Mā Pol m̄-ndang najə̄ ń toō kə jīḿ mə̄kɔ́ na m-ā m-ə̄gā kə̄rā ní. M-ə́da i najə̄ kə̄rā yāḿ mā kə́ dɔí tə́ alé.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

Teē Ngán Israel gə̄ 23:13

Ā ə̄ndāī kumsí gíŕ yá̰a̰ gə̄ ń m-ɔ́jə́sí kadə̄ ī-rāāī tə́ ní malang. Ā ī-ɓāríī ɓesə̄ gə̄ ń i nə́ɓā kə́ rang gə̄ ní kadə̄ dḭḭ̄n̄sí aĺ ō, ādī deē oō rīdə́ tasí tə́ aĺ ō.

1 KORḚNTƏ 1:21

Tɔdɔ̄ loo ń kum kedə̄ yā Nə́ɓā ɔjə rɔ̄n kə̄ ndágá tū tə́ ní, de kə́ dɔ nang tə́ laā gə̄ a̰a̰n̄ Nə́ɓā tū tə́ gerə̄n̄ kə ta kūl̄ kum kedə̄ yādə́ alé. I tām̄ najə̄ ń noō tə́ n Nə́ɓā gḛyń kajə ngé taā kem gə̄ kə ta kūl̄ najə̄ kə́ to mbóó ń j-ɔjə ní.

1 TIMOTE 4:15

Yá̰á̰ ń kadə̄ ī-rāā ní n noó, ə̄ndā rɔ̄í ta tə́. I loo ń noō tə́ n de gə̄ malang a gerə̄n̄ kaw̄ kum kə̄ kété yāí ní.