1 TIMOTE 4:13 - Bibəl ta Sar̄

¹³ Ə̄ndā rɔ̄í ta tə́da makətūbə̄ tə́ ō, ta kɔjə de gə̄ najə̄ tə́ ō, ta ndóōdə́ yá̰á̰ tə́ ō, bátə́ kadə̄ m-ūgəń.

Bible sar

¹³ Ə̄ndā rɔ̄í ta tə́da makətūbə̄ tə́ ō, ta kɔjə de gə̄ najə̄ tə́ ō, ta ndóōdə́ yá̰á̰ tə́ ō, bátə́ kadə̄ m-ūgəń.

1 TIMOTE 4:13 Referans Kwoze

KƏLA RĀĀ 6:4

Ba jḭḭ ta anī j-a j-əndā rɔ̄jí ta kəla ndɔ̄ȳ tə́ ō, ta kəla kɔjə najə̄ tə́ ō.

TITƏ 2:15

Yá̰a̰ gə̄ ń sɔɔ̄ kadə̄ ī-ndóō de gə̄ ní n nuú, kadə̄ ādə̄nńdə́ tɔ́gə ō, ī-ndángəńdə́ dɔ háĺdə́ tə́ ō. Ādə̄ deē kógə̄ḿ kídī alé.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

1 TIMOTE 4:16

Ə̄ndā kumií gír rɔ̄í īkɔ́ tə́ ō, gíŕ yá̰á̰ ndóō yāí tə́ ō. Ə́hɔ rɔ̄í tɔgə tū yá̰a̰ gə̄ ń noō tə́. Loo ń ré ī-rāā beé anī, ā ájə rɔ̄í īkɔ́ ō, ā ájə́ ngé gə̄ ń oōn̄ najə̄ taí tə́ ní ō.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

KƏLA RĀĀ 17:11

Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

JOJUE 1:8

Yá̰á̰ ndóō gə̄ ń ton̄ kem makətūbə̄ ndū najə̄ ń toō tə́ ní, ādə̄ i sa̰y rɔ̄í tə́ aĺ ō, ī-toń taí tə́ ndɔ̄ɔ́ ō, kadaá ō, kadə̄ ī-rāań yá̰a̰ malang ń i kə́ ndang kemeé ní. Loo ń noō tə́ yá̰a̰ gə̄ ń ā ī-rāā ní a majən̄ ō, a teēn̄ yá̰a̰ ō.

NDŪ NAJƏ̄ 17:19

Ni a ngɔ̄m̄ makətūbə̄ ndū najə̄ ní rɔ̄n tə́ yā tə́da kə dɔ ndɔ̄ gə̄ malang ń a ndiń kə kumneé ní, yā ndóoń loo ɓōĺ Ndíĺ Kɔ́ɔ̄ɓē Nə́ɓā yān. Ni a əndā kumən gíŕ yá̰a̰ malang ń to kem makətūbə̄ ndū najə̄ tə́ ní ō, jī bēl̄ loo rāā yá̰a̰ gə̄ malang ń ndū najə̄ əda kadə̄ yā rāā ní ō, yā rāādə́.

1 KORḚNTƏ 14:26

Loo ń noō tə́ ní ngákó̰ó̰ḿ gə̄, ā ī-rāāī i ba̰ý? Dan ń a ī-kanī naā anī, ré deē kógə̄ḿ aw̄ kə pā kógə̄ḿ ō, de kə́rēý aw̄ kə yá̰á̰ kógə̄ḿ kə́ yā kadə̄ ni-ndóō de gə̄ ō, de kə́ rang aw̄ kə yá̰á̰ kə́ Nə́ɓā teē kumən dɔ tə́ ō, de kə́ rang ɓáý to̰ aw̄ kə najə̄ kógə̄ḿ kə́ yā kɔr̄ kə ta kə́ tayāá ō, de kə́ rang ger̄ kum najə̄ ní yā kəda ō anī, ādə̄ i kə́ yā rāā yá̰a̰ gə̄ ń noō malang yā kadə̄ ngé kán̄ naā gə̄ taān̄neé kem Kɔ́ɔ̄ɓē kum kə̄ kété kété.

1 KORḚNTƏ 14:3

Banī nge kəda najə̄ kə́ Nə́ɓā əndā tan tə́ ní, ɔr̄ najə̄ i kə de gēé kadə̄ nin̄-taān̄ kem kum kə̄ kété kété ō, i yā kəlań go̰ kemdə́ tə́ ō, i yā sɔlə̄ń kemdə́ ō.

1 KORḚNTƏ 14:6

Ngákó̰ó̰ḿ gə̄, tītə̄ ń toō ré m-āw̄ loosí, ba m-ɔ̄r̄ najə̄ sesí i kə ta kə́ tayā gə̄ ní, a ə́ngeī i rí tū najə̄ ń m-ɔ̄r̄ sesí tə́ ní? Ā ə́ngeī yá̰á̰ kógə̄ḿ tū tə́ alé. Ba ré m-ə́dásí yá̰á̰ kə́ Nə́ɓā teē kumḿ dɔ tə́, aláa yá̰á̰ kə́ m̄-ger̄, aláa najə̄ kə́ Nə́ɓā əndā taḿ tə́, aláa m̄-ndóōsí yá̰á̰ kógə̄ḿ anī, ā ə́ngeī yá̰a̰ tū najə̄ kɔrə̄ḿ tə́.

Makətūbə̄ ń Pol ndang adə̄ Rom gə̄ ní 12:8

Deē ń ni i nge kadə̄ karī yā kadə̄ madə̄n gə̄ tɔ́gə anī, majə kadə̄ ni-adə̄ńdə́ tɔ́gə. Deē ń ni i nge kadə̄ karī yā kadə̄ deē yá̰á̰ ní, ādə̄ kɔ́ɔ̄ adə̄ kə kem ndaá. Deē ń ni i nge kadə̄ karī yā kɔr madə̄n gə̄ ta róbə́ ní, ādə̄ o̰o̰n tɔdɔ̄ kəla yān ní. Deē ń ni i nge kadə̄ karī yā rāā kə ngé ndoō gēé ní, ādə̄ ni-rāā sedə́ kə rɔ̄nelēé.

2 TIMOTE 3:15

I dan ń ḭ̄ i ngōn̄ kə́ dūú ɓáý ní n ī-ger̄ makətūbə̄ yā Nə́ɓā ní. Makətūbə̄ ní asə rāā kadə̄ kumií edə̄. Ba kum kedə̄ ngeé ń toō a rāā kadə̄ ájə, kə ta kūl̄ taā kə́ ī-taā kem Kərist Jeju.