1 TIMOTE 4:12 - Bibəl ta Sar̄

¹² Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

Bible sar

¹² Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ *unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

1 TIMOTE 4:12 Referans Kwoze

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

2 TIMOTE 2:15

Ī-ngatə́rā dɔ rɔ̄í tə́ kadə̄ ī-ra ta kum Nə́ɓā tə́ kə́ de kə́ nāānən̄ ba asə tə́ ō, kə́ nge rāā kəla kə́ rɔ̄n sɔlə̄n aĺ tə́ ō, kə́ de kə́ nge kɔjə najə̄ kə́ rɔ̄kum kə gōó tə́ ō.

1 PIYER 5:3

Ngé gə̄ ń ɓɔ̄ɔ̄n̄də́ sesí kadə̄ á̰a̰ī gōdə́ ní, ī-lōōī rāā ngār dɔdə́ tə́, banī ādə̄ sḭḭ̄ i yá̰á̰ ndájə̄ tām̄ yā ɓūtə̄ yá̰a̰ kul̄ gə̄ tə́.

1 KORḚNTƏ 11:1

Ī-ndájə̄mī, tītə̄ ń mə̄kɔ́ m̄-ndájəń Kərist ō ní.

1 TESALONIK 1:6

Ba sḭḭ̄ ī-téliī ngé ndájə̄jí gə̄ ō, ngé ndájə̄ Kɔ́ɔ̄ɓē gə̄ ō, tām̄ ī-ndigiī najə̄ yā Nə́ɓā dan wur kɔl kə́ ngá̰ý tə́, kə ta kūl̄ rɔ̄nel̄ yā Ndíĺ kə́ Táĺ.

TITƏ 2:15

Yá̰a̰ gə̄ ń sɔɔ̄ kadə̄ ī-ndóō de gə̄ ní n nuú, kadə̄ ādə̄nńdə́ tɔ́gə ō, ī-ndángəńdə́ dɔ háĺdə́ tə́ ō. Ādə̄ deē kógə̄ḿ kídī alé.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

2 TIMOTE 2:7

Ā ī-ger̄ kum najə̄ ń m-ə́da toó, tɔdɔ̄ Kɔ́ɔ̄ɓē a rāā kadə̄ ā ī-ger̄ kum yá̰a̰ malang.

JAKƏ 3:13

I náa n i de kə́ kumən edə̄ ō, kə́ ger̄ yá̰a̰ ō, dɔ dáńsí tə́ ní? Ādə̄ ni-ɔjə hál dɔ sɔl̄ ō, kum kedə̄ yān ní ō kə̄ ndágá.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

PILIPƏ 4:8

Tām̄ yā gotə najə̄ gə̄ malang tə́ ɓáa ngákó̰ó̰ḿ gə̄, yá̰a̰ malang ń i yá̰á̰ kə́ majə ō, i yá̰á̰ kə́ to kadə̄ deē tɔ̄ȳsí loon tə́ ō, i yá̰á̰ kə́ rɔ̄kum ō, i yá̰á̰ kə́ to kadə̄ deē ɓōĺ gidə ō, i yá̰á̰ kə́ gō tə́ ō, i yá̰á̰ kə́ unjə̄ njáý njáý ō, i yá̰á̰ kə́ nel̄ deē ō, i yá̰á̰ kə́ to rɔȳ ō ní, ādī gír̄ yāsí malang i dɔ tə́.

1 TESALONIK 2:10

Sḭḭ̄ ō, Nə́ɓā ō ní, sḭḭ̄ i de kə́ kum tə́ yājí gə̄ kadə̄ háĺjí ń jə-ndiń dansí sḭḭ̄ ngé taā kem gə̄ tə́ ní, i háĺ kə́ unjə̄ njáý njáý ō, kə́ kanjə̄ najə̄ dɔ tə́ ō.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

JAKARI 2:4

m̄-dəje na ké reēn̄ i rāā rí tə́ wa. Anī ni-tél ədam̄ na: Reēn̄ i kəla ɓōĺ tə́ kem ɓē kə́ ngan̄g gə̄ ń ənīn̄ ɓē kə́ Juda rɔ̄ɔ̄ ní tə́ ō, reēn̄ i nujə ɓē gə̄ ní tə́ ō. Nin̄ tə̄ɓān̄ de kə́ kemeé gə̄ ādə̄ aw̄n̄ kə̄ loo gə̄ tə́ ō, de kə́ asə dum̄ tadə́ gətóo ō.