1 TIMOTE 4:1 - Bibəl ta Sar̄

¹ Banī Ndíl əda wáńg na ta ngóy ndɔ̄ gə̄ tə́ anī, de kə́rēý gə̄ a əya̰n̄ taā kem kɔ̄ɔ́, yā kəhɔń gō ndíĺ kə́ ngé gól̄ de gə̄ ō, gō yá̰á̰ ndóō yā ndíĺ kə́ majaĺ gə̄ ō.

Bible sar

¹ Banī Ndíl əda wáńg na ta ngóy ndɔ̄ gə̄ tə́ anī, de kə́rēý gə̄ a əya̰n̄ taā kem kɔ̄ɔ́, yā kəhɔń gō ndíĺ kə́ ngé gól̄ de gə̄ ō, gō yá̰á̰ ndóō yā ndíĺ kə́ majaĺ gə̄ ō.

1 TIMOTE 4:1 Referans Kwoze

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

Makətūbə̄ ń Jud ndang ní 1:18

Nin̄-ədan̄sí na: Ta ngóy ndɔ̄ gə̄ tə́ anī ngé mbóo kə de gēé gə̄ na a ḭḭn̄ yā mbóo kə de gēé ō, i yá̰á̰ kə́ majaĺ gə̄ ń kemdə́ gḛy ngá̰ý ní n a ndɔ́r̄də́ ta róbə́ ní ō.

2 PIYER 3:3

Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

2 KORḚNTƏ 11:3

Banī m̄-ɓōĺ najə̄ kadə̄ gír̄ yāsí nujə adə̄ ə́ya̰ī Kərist kɔ̄ɔ́, tītə̄ ń lī góləń Ebə kə ngam yānneé ní.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

1 JA̰A̰ 4:6

Jḭḭ̄ i yā Nə́ɓā. Deē ń ger̄ Nə́ɓā ní, a oō yājí. Deē ń i yā Nə́ɓā aĺ ní, a oōjí alé. J-a jə-gerī Ndíl najə̄ kə́ rɔ̄kum ō, ndíĺ kə́ nge ndúm̄ kə deé ō i tītə̄ ń noō.

JA̰A̰ 16:13

Loo ń Ndíl najə̄ kə́ rɔ̄kum a ugə̄ anī, a rāā kadə̄ ā ī-gerī najə̄ kə́ rɔ̄kum kə taá malang. Tɔdɔ̄ ni a ɔr̄ najə̄ i kə dɔneé alé, banī a əda i yá̰a̰ malang ń ni a oō ní ō, yá̰á̰ ń a rāā yā reē ɓáý ní, ni a ədasí kété ō.

1 JA̰A̰ 2:18

Ngánə́ḿ kə́ dūú gə̄, jə-ndiī i kum mbang kə́ ta tɔ̄l̄ ta tə́. Ba tītə̄ ń ōōī kadə̄ nge rɔ̄ɔ̄ Kərist kógə̄ḿ a reē ní, ngɔlaā ngé rɔ̄ɔ̄ Kərist gə̄ ngá̰ý reē ugə̄n̄ kɔ̄ɔ́ ɓá. I tītə̄ ń noō n jə-gerīiń kadə̄ jə-ndiī i kum mbang kə́ ta tɔ̄l̄ ta tə́ ní.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

JEJU TEĒ KUM JA̰A̰ 2:11

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, a a̰a̰ tápə̄ yā yo kə́ ko̰ jōó alé.

2 TIMOTE 4:4

Nin̄ a unən̄ mbīdə́ kɔ̄ɔ́ ta najə̄ kə́ rɔ̄kum tə́, ba a tūrə̄n̄ rɔ̄də́ i kə̄ rɔ̄ súū kə́ kɔr̄ gə̄ tə́.

JEJU TEĒ KUM JA̰A̰ 20:10

Diabəl ń rāādə́ adə̄ ndúmə̄n̄ ní, ənīnən̄ kum bundūm̄ hor bursu tə́ loo ń dā̰ ō, nge koō ta kə́ rɔ̄kum aĺ ō i tū tə́ ní tə́. Yá̰á̰ kə́ tōr̄ a rāādə́ kadaá ō, ndɔ̄ɔ́ ō, kə dɔ ɓāl̄ gə̄ ɓāl̄ gə̄.

JEJU TEĒ KUM JA̰A̰ 3:6

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 2:29

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

1 PIYER 1:20

Nə́ɓā gə̄rā Kərist i kété ta kəla gír kəndā dɔ rā̰ ō, dɔ nang ō tə́. Ba ɔjən̄ Kərist kə̄ ndágá ta ngóy ndɔ̄ gə̄ tə́ i tām̄ yāsí tə́.

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

1 KORḚNTƏ 10:20

Yá̰á̰ ń m̄-sāā kəda ní n noō alé! M-ə́da na yá̰á̰ ń de kə́ ndágá gə̄ tunə̄n̄ ní, tun̄ adə̄n̄ i ndíĺ kə́ majaĺ gə̄ ba i Nə́ɓā alé. m̄-gḛy kadə̄ ī-ɓooī naā kə ndíĺ kə́ majaĺ gə̄ alé.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

JEREMI 49:39

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

NDŪ NAJƏ̄ 32:29

Ré nin̄ i de kə́ ngáā gə̄ anī, a gerə̄n̄ loo ń yá̰a̰ gə̄ ń noō malang a aw̄n̄ sedə́ kə̄ tū tə́ ní.

NDŪ NAJƏ̄ 4:30

Ré yá̰a̰ gə̄ ń m̄-tāāsí najə̄n malang toó reē ugə̄n̄ dɔsí tə́ adə̄ ī-ndiī dan wur kɔl tə́ anī, ā ī-téliī yā reē rɔ̄ Kɔ́ɔ̄ɓē Nə́ɓā yāsí tə́ ō, yā koō najə̄ kɔrə̄n gogə́ rang ō.

TƏ́DA 24:14

Ngɔlaā m-ā m̄-tél yā kaw̄ gogə́ rɔ̄ de gə̄ yāḿ gə̄ tə́, ba ī-reē ādə̄ m-ə́daī yá̰á̰ ń ndɔ̄ń tə́ anī ngán Israel gə̄ a rāān̄ kə de yāí gēé ní.

TA KƏLA 3:13

Anī Kɔ́ɔ̄ɓē Nə́ɓā əda dəyá̰ na: Ī-rāā yá̰á̰ ń toō i tām̄ rí tə́? Anī dəyá̰ əda na: I lī n gólə̄m̄ á m-ə́sa kan̄ kāgə̄ ní.

JEJU TEĒ KUM JA̰A̰ 20:8

Nápar de gə̄ malang ń ndin̄ dɔ nang tə́ á i Gog nin̄ kə Magog ní, ni a teē yā kaw̄ rāādə́ kadə̄ ndúmə̄n̄. Ni a ɔsə dɔdə́ naā tə́ tām̄ yā rɔ̄ɔ̄ tə́ ō, kutə de gə̄ ní i ngá̰ý tītə̄ nán̄g ngárə̄ḿnjēý kə́ ta bā bo tə́ ō.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JEJU TEĒ KUM JA̰A̰ 18:23

Deē a a̰a̰ hor kə́ tū lámbá tə́ ɓēé looí to̰ aĺ ō, nge nong kə́ dəngam ō, dəyá̰ nong yān ō ní, deē a oō ndūdə́ ɓēé looí to̰ aĺ ō. Tɔdɔ̄ ngé rāā gātə̄ yāí gə̄ i de kə́ bo gə̄ kə́ dɔ nang tə́, tām̄ rāā kəga yāí rāā adə̄ nápar de gə̄ malang ndúmə̄n̄ kɔ̄ɔ́.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

JEJU TEĒ KUM JA̰A̰ 3:22

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 3:13

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

JEJU TEĒ KUM JA̰A̰ 2:7

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī m-ā m-ādə̄n kan̄ kāgə̄ ndi kə kumuú ń ra loo kə́ majə yā Nə́ɓā tə́ ní kadə̄ əsa.

1 KORḚNTƏ 12:11

I Ndíĺ kə́ kal kógə̄ḿ beē nəkɔ́ ń toō n rāā yá̰a̰ gə̄ ń toō malang ní. Ni-adə̄ de gə̄ kógə̄ḿ kógə̄ḿ yá̰á̰ kə́ tayā tayā gə̄ kə gō kem ndigə yānneé.

KƏLA RĀĀ 28:25

Dan ń nin̄ a tḭ̄ḭ̄n̄ i naā kanjə̄ ɓōkə́ ndūdə́ gō naā tə́ ní, Pol ədadə́ i najə̄ ń toō ngóy, əda na:

KƏLA RĀĀ 17:18

Ngé ndóō de gə̄ kum kedə̄ kə́rēý gə̄ ń a ɓārə́n̄də́ na Epikuriyḛ gə̄ ō, Estoisiyḛ gə̄ ō ní, de kə́rēý gə̄ dandə́ tə́ ɔrə̄n̄ najə̄ seneé ō. Ngé kə́rēý gə̄ dəjen̄ najə̄ ədan̄ na: Nge najə̄ wa gə̄ ń toō sāā kəda na i rí? Ngé kə́ rang gə̄ oōn̄ Pol loo kɔjə najə̄ yā Jeju tə́ ō, loo kɔr̄ najə̄ kə́ dɔ koy tá ndól̄ tə́ ō anī ədan̄ na: Tītə̄ kə́ a ɔjə i najə̄ yā nə́ɓā kə́ jə-gerī aĺ gə̄ beé wa.

KƏLA RĀĀ 13:2

Ndɔ̄ kógə̄ḿ tə́ dan ń nin̄-ɔsən̄ dɔdə́ naā tə́ ba rāān̄ kəla adə̄n̄ Kɔ́ɔ̄ɓē ō, ndin̄ ɓō tām̄ yā Nə́ɓā tə́ ō anī, Ndíĺ kə́ Táĺ ədadə́ na kə ɔrə̄n̄ Sol ō Barnabas ō kə əndān̄də́ tayā tām̄ yān tə́, kadə̄ rāān̄ kəla ń na n-ɓāŕdə́ kə rīí ní.

JEJU TEĒ KUM JA̰A̰ 16:14

Nin̄ i ndíĺ kə́ majaĺ gə̄ kə́ ngé rāā yá̰á̰ kə́ yáā gə̄. Nin̄-aw̄n̄ rɔ̄ mban̄g kə́ dɔ nang tə́ gə̄ tə́ malang yā kɔsə dɔdə́ naā tə́, tām̄ ndɔ̄ kə́ bo ngá̰ý ń i ndɔ̄ yā Nə́ɓā kə́ bo kə́ tɔ́gən i ngá̰ý ní tə́.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

1 MBAN̄G GƏ̄ 13:18

Banī nge koō ta kə́ tɔgə ní əda na: Mā i nge koō ta madí, adə̄ de kə́ dɔ rā̰ tə́ kógə̄ḿ ədam̄ na Kɔ́ɔ̄ɓē əda na kə m̄-tél kə m-āw̄ seí ɓēé looḿ kadə̄ ə́sá yá̰a̰ ō, ā̰ȳ man̄ ō. Nge koō ta kə́ tɔgə ní gólə̄n i mbée.

JEREMI 23:26

Ngé koō ta gə̄ ń toō a sorə̄n̄ kə̄ nodə́ tə́ i bátə́ ta kə́ rá? A gólə̄n̄ loo kə̄ nodə́ tə́ i bátə́ ta kə́ rá?

MATIYE 18:7

Rɔ̄ ndoō i kə de kə́ dɔ nang tə́ gə̄ tām̄ rāā ń nin̄-rāān̄ madə̄də́ gə̄ adə̄ tə́sōn̄ kum majaĺ tə́ ní. I gáŕ kadə̄ ngé rāā de gə̄ beé ndin̄ dan madə̄də́ gə̄ tə́ ɓá tā, ba rɔ̄ ndoō i yā deē ń a rāā yá̰a̰ adə̄ yá̰á̰ kə́ beé rāań yá̰á̰ ní.

Najə̄ kə́ Majə yā Jeju ń Luk ndang ní 17:1

Gō tə́ anī, Jeju əda ngé ndóō yá̰a̰ yān gə̄ na: Loo kadə̄ de kə́rēý gə̄ kə tə́sōn̄ kə gō hál madə̄də́ gə̄ ō, najə̄ kə́ tadə́ tə́ ō, aĺ ní gətóo i kə́ bátə́ gə̄ tə́, ba rɔ̄ tō ndoō i kə nge ń madə̄n gə̄ tə́sōn̄ sɔɔ̄ ń gō hálən kə́ majaĺ ō, gō najə̄ kə́ tan tə́ ō ní.

KƏLA RĀĀ 20:23

Yá̰á̰ ń m̄-ger̄ ní n toó ngóy: Ndíĺ kə́ Táĺ tām̄ kə gō ɓē gə̄ kadə̄ dəngáy ō, wur kɔl ō, ton̄ a ngóōmə̄n̄ noó.

KƏLA RĀĀ 21:11

Ni-reē rɔ̄jí tə́, un kəlā do̰ō̰ ɓōdə̄ yā Pol tó̰o̰ń njan gə̄ ō jīn gə̄ ō ba əda na: Yá̰á̰ ń Ndíĺ kə́ Táĺ əda ní n toó: Deē ń i kɔ́ɔ̄ kəlā do̰ō̰ ɓōdə̄ ń toō ní, Jipə gə̄ a do̰ō̰nən̄ beé kem ɓē kə́ Jerusalem tə́, ba a əlanən̄ jī de gə̄ ń nin̄ i Jipə aĺ gə̄ ní tə́.

1 KORḚNTƏ 2:10

Tá i jḭḭ̄ n Nə́ɓā teē kumjí dɔ tə́ kə ta kūl̄ Ndíĺ kə́ Táĺ ní. Tɔdɔ̄ Ndíĺ asə kəndā ma̰ȳ yá̰a̰ malang, ká i yá̰á̰ kə́ Nə́ɓā núm̄ kə́ to loo mundə̄ tə́ ɓáý gə̄gē, ni-asə kəndā ma̰ȳ.

1 KORḚNTƏ 11:19

Tɔdɔ̄ i gáŕ kadə̄ gán̄g naā to dɔ dáńsí tə́, yā kadə̄ gerə̄n̄neé ngé mbātə́ gán̄g naā gə̄.

JAKƏ 3:15

Kum kedə̄ ń toō i kum kedə̄ kə́ ḭḭ i dɔɔ́ alé, banī i kum kedə̄ kə dɔ nang tə́ ō, i yā deē ndul ō, yā ndíĺ kə́ majaĺ gə̄ ō.