1 TIMOTE 3:7 - Bibəl ta Sar̄

⁷ Tá ɓáý to̰ ní, majə kadə̄ de kə́ ndágá gə̄ ədan̄ najə̄ yān majə, na sōgə́ de gə̄ kídə̄nən̄ ō, əsō kum gūmbə̄ yā diabəl tə́ ō.

Bible sar

⁷ Tá ɓáý to̰ ní, majə kadə̄ de kə́ ndágá gə̄ ədan̄ najə̄ yān majə, na sōgə́ de gə̄ kídə̄nən̄ ō, əsō kum gūmbə̄ yā *diabəl tə́ ō.

1 TIMOTE 3:7 Referans Kwoze

2 KORḚNTƏ 8:21

Jə-sāā rāā yá̰á̰ kə́ majə i ta kum Kɔ́ɔ̄ɓē tə́ ngóy alé, banī i ta kum de gə̄ tə́ ō.

2 TIMOTE 2:26

Loo ń noō tə́ kumdə́ a gán̄g, adə̄ a ɔrə̄n̄ rɔ̄də́ kɔ̄ɔ́ kum gūmbə̄ yā diabəl ń əhɔdə́ adə̄ a rāān̄ i yá̰á̰ ń kemən ndigə ní tə́.

KOLOSƏ 4:5

Kadə̄ hál njə̄rāsí kə́ dan de kə́ ndágá gə̄ tə́ i kə kum kedēé. Dan ń ə́ngeī loo rāā yá̰á̰ kógə̄ḿ anī, ī-rāāī.

1 TIMOTE 6:9

Ba ngé gə̄ ń gḛyn̄ kənge yá̰á̰ ngá̰ý ní, a əsōn̄ kum gūmbə̄ yā yá̰a̰ nāā tə́ ō, yā ngur yá̰á̰ kə́ to mbóo gə̄ tə́ ō, kə́ majaĺ gə̄ tə́ ō ń i yá̰á̰ kə́ a nujən̄ de gə̄ sák sák ō, a tḭ̄ḭ̄n̄ tadə́ ō ní.

1 TESALONIK 4:12

Yā kadə̄ de kə́ ndágá gə̄ ɓōlə́n̄neé ndíĺsí ō, ɔ̄yīneé deē kógə̄ḿ aĺ ō.

2 KORḚNTƏ 6:3

Jə-sāā kadə̄ deē əda najə̄ kə́ majaĺ dɔ kəla rāājí tə́ alé. I tām̄ najə̄ ń noō tə́ n jə-sāań rāā yá̰á̰ kə́ kadə̄ deē əngeń ta róbə kəda najə̄ kə́ majaĺ aĺ ní.

1 KORḚNTƏ 10:32

Ī-lōōī rāā yá̰á̰ kógə̄ḿ kə́ kadə̄ Jipə gə̄, aláa Gərek gə̄, aláa Egəlijə yā Nə́ɓā a̰a̰n̄ anī əsōn̄.

KƏLA RĀĀ 6:3

Ngákó̰ó̰jí gə̄, sḭḭ̄ kɔ́ gə̄ ī-sāāī de gə̄ sīrí dansí tə́, ādə̄ i de gə̄ kə́ rīdə́ ɓār̄ majə gə̄ ō, kə́ Ndíĺ kə́ Táĺ rosə kemdə́ ō, kə́ kumdə́ edə ō, kadə̄ j-əndādə́ dɔ kəla ń toō tə́.

TITƏ 2:8

Ādə̄ najə̄ kɔrīí i najə̄ kə́ to ngáā ō, kə́ dum̄ kadə̄ deē nējə̄ ō.

TITƏ 2:5

loo rāā yá̰a̰ kadə̄ mān̄ dɔ loon aĺ ō, kadə̄ nin̄ i de kə́ unjə̄ njáý njáý gə̄ ō, loo kəndā rɔ̄də́ ta kəla kə́ kem kújə yādə́ tə́ ō, kadə̄ nin̄ i de kə́ majə gə̄ ō, oōn̄ ta ngaadə́ gə̄ ō. Loo ń noō tə́ de gə̄ a əngen̄ ta róbə́ ndájə̄ najə̄ dɔ najə̄ yā Nə́ɓā tə́ alé.

1 TESALONIK 5:22

Ɔ̄rī rɔ̄sí kɔ̄ɔ́ tū yá̰á̰ kə́ majaĺ gə̄ tə́ malang.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

1 KORḚNTƏ 5:12

Tɔdɔ̄ gān̄g sarya dɔ de kə́ ndágá gə̄ tə́ i najə̄ yāḿ mā alé. Ngé gə̄ ń kadə̄ ī-gāngī sarya dɔdə́ tə́ ní, i ngé kə́ kemeé gə̄ aĺ a?

KƏLA RĀĀ 22:12

Ba kem ɓē kə́ Damas tə́ ní, dəngam kógə̄ḿ kə́ rīn na i Ananias ndi noó. Ni i de kə́ nge ɓōĺ ndíĺ Nə́ɓā ō, i de kə́ nge kəhɔ gō ndū najə̄ ō, Jipə gə̄ malang kə́ Damas tə́ ədan̄ najə̄ yān majə ō.

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

MARK 4:11

dəjenən̄ gír kūjə́ najə̄ gə̄ ní, anī ni-ədadə́ na: I sḭḭ̄ n Nə́ɓā adə̄sí ta róbə kadə̄ ī-gerī yá̰á̰ kə́ to loo mundə̄ tə́ kə́ dɔ Ɓē ko̰o̰ yā Nə́ɓā tə́, banī tām̄ yā ngé kə́ ndágá gə̄ tə́ ní, yá̰a̰ gə̄ malang reēn̄ i kə kūjə́ najá,

1 SAMUEL 2:24

Ngánə́ḿ gə̄, ādī asəsí. Najə̄ yāsí ń deē yā Kɔ́ɔ̄ɓē gə̄ a ɔrə̄n̄ á m-ōō ní i najə̄ kə́ majaĺ ngá̰ý.

3 JA̰A̰ 1:12

Demetrius tā anī de gə̄ malang ədan̄ najə̄ yān majə. Najə̄ kə́ rɔ̄kum nəkɔ́ gə̄gē əda najə̄ yān kə́ majə. Jḭḭ gə̄gē a j-əda najə̄ yān majə ō, tá ḭ̄ ī-ger̄ kadə̄ najə̄ yān ń j-əda ní i najə̄ kə́ rɔ̄kum.

1 TIMOTE 3:6

Kadə̄ ni i de kə́ taā kem ngɔr ɓáý alé, na sōgə́ kɔjə rɔ̄ kə́ kemən tə́ rāā adə̄ Nə́ɓā gān̄g sarya dɔn tə́ tītə̄ ń gāngəń dɔ diabəl tə́ ní.