1 TIMOTE 3:6 - Bibəl ta Sar̄

⁶ Kadə̄ ni i de kə́ taā kem ngɔr ɓáý alé, na sōgə́ kɔjə rɔ̄ kə́ kemən tə́ rāā adə̄ Nə́ɓā gān̄g sarya dɔn tə́ tītə̄ ń gāngəń dɔ diabəl tə́ ní.

Bible sar

⁶ Kadə̄ ni i de kə́ taā kem ngɔr ɓáý alé, na sōgə́ kɔjə rɔ̄ kə́ kemən tə́ rāā adə̄ Nə́ɓā gān̄g sarya dɔn tə́ tītə̄ ń gāngəń dɔ *diabəl tə́ ní.

1 TIMOTE 3:6 Referans Kwoze

1 TIMOTE 6:4

ni i de kə́ kɔjə rɔ̄ ādə̄n dɔ bo ō, ni i de kə́ ger̄ yá̰a̰ aĺ ō. Ngur nējə̄ naā najə̄ ō, kəhɔ naā najə̄ tə́ kə́ dan gān̄g aĺ ō i kemən tə́, adə̄ rāān kə́ mo̰y tə́. Nge ń noō a reē i kə kəndā naā nií ō, kɔ̄l̄ naá ō, tájə̄ naá ō, tetə kem kə́ majaĺ ō,

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

2 KORḚNTƏ 12:7

Yá̰á̰ ń Nə́ɓā teē kumḿ dɔ tə́ ní, i yá̰á̰ kə́ bo ngá̰ý aĺ naā ō, ni gḛy kadə̄ m-ɔ́jə rɔ̄ḿ najə̄n tə́ aĺ ō. Adə̄ ni-əla kōn̄ kógə̄ḿ kem dā̰ḿ tə́, kōn̄ ní i de kə́ dɔ rā̰ tə́ kógə̄ḿ yā Sətan, kə́ kadə̄ əndam̄ na sōgə́ m-ɔ́jə rɔ̄ḿ.

1 KORḚNTƏ 8:1

Ń toō ɓáa ādə̄ j-əndāī ma̰ȳ najə̄ yā dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní. Sḭḭ̄ ə́daī na jḭḭ̄ malang na i ngé ger̄ yá̰a̰ gə̄. Nge ń noō i najə̄ kə́ rɔ̄kum. Ba ger̄ yá̰a̰ i yá̰á̰ kə́ a rāā kadə̄ deē a ɔjə rɔ̄n, banī tár i yá̰á̰ kə́ a rāā kə deé kadə̄ aw̄ kum kə̄ kété.

1 KORḚNTƏ 3:1

Ngákó̰ó̰ḿ gə̄ tām̄ yāḿ mā tə́ ɓáa, najə̄ ń m-ɔ̄r̄ sesí kété ní, i najə̄ kə́ m-ɔ̄r̄ i kə de gə̄ kə́ Ndíl yā Nə́ɓā i kemdə́ tə́ alé, ba i kə de kə́ dɔ nang tə́ laā gēé, i tītə̄ kə́ m-ɔ̄r̄ i kə ngáń kə́ dūú gə̄ kə́ kem Kərist tə́ ɓáý beē.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

Gōsə̄ najə̄ gə̄ 29:23

Kɔjə rɔ̄ yā deē a əla rɔ̄sɔl̄ dɔn tə́, banī deē ń kɔjə rɔ̄ gətóo kemən tə́ ní a rɔȳnən̄.

Gōsə̄ najə̄ gə̄ 18:12

Dan ń deē nujə sák sák aĺ ɓáý ní ni ɔjə rɔ̄n ngá̰ý, sɔl̄ dɔ i kété pá tá kɔsə gɔn utə̄ gō.

2 YÁ̰A̰ GƏ̄ 32:25

Banī Ejekias ger̄ majə ń Nə́ɓā rāā seneé ní alé, ba ɔjə rɔ̄n ngá̰ý adə̄ Kɔ́ɔ̄ɓē rāā wōn̄g seneé ō, rāā wōn̄g kə ɓē kə́ Jerusalem ō, kə ɓē ko̰o̰ kə́ Juda ō.

2 YÁ̰A̰ GƏ̄ 26:16

Banī tɔ́gə̄n ní rāān adə̄ ɔjə rɔ̄n, ba kɔjə rɔ̄ yān kə́ kemən tə́ ní aw̄ seneé bátə́ tḭ̄ḭ̄ tan. Ni-rāā háĺ kə́ sew aĺ kə Kɔ́ɔ̄ɓē Nə́ɓā yānneé, udə kem kújə yā Kɔ́ɔ̄ɓē tə́ yā róō kajaja dɔ loo róō ndujə̄ yá̰á̰ kə́ kotə majə tə́ yā kadə̄ Kɔ́ɔ̄ɓē.

2 MBAN̄G 14:10

Ba Joas əda gō tə́ na: I tām̄ tetə̄ ń ī-tetə Edom gə̄ rɔ̄ɔ̄ ní n ā ɔ́jə rɔ̄í noō. Ní, ɔ́r ta rɔ̄í ba ī-ndi ɓēé looí! Ī-sāā kəla gír rɔ̄ɔ̄ kə́ ta tɔ̄l̄ ta a majaĺ tām̄ yāí tə́ i najə̄ rí tə́? Tɔdɔ̄ a tetiīn̄ rɔ̄ɔ̄ naā tə́ kə ngé rɔ̄ɔ̄ kə́ Juda tə́ gə̄ malang loo rɔ̄ɔ̄ ní tə́.

NDŪ NAJƏ̄ 17:20

I beé n a ɔjəń rɔ̄n dɔ ngákó̰o̰n gə̄ tə́ aĺ ō, a tɔ̄ɔń geleé aláa ko̰ó̰ dɔ róbə́ ń gō míndə ɔjə ní tə́ aĺ ō ní. Loo ń noō tə́ ni gə̄gē, ngánən gə̄gē, ngán kaan gə̄gē, a o̰o̰n̄ ɓē ta kaw̄ jóo dɔ ngán Israel gə̄ tə́.

NDŪ NAJƏ̄ 8:14

ī-lōōī kɔjə rɔ̄sí ō, ī-lōōī kadə̄ dɔsí ndígə̄nal dɔ Kɔ́ɔ̄ɓē Nə́ɓā yāsí tə́ ō. I ni n i nge kɔr̄sí ɓəloó kɔ̄ɔ́ kem ɓē kə́ Ejiptə tə́ ní.

Makətūbə̄ ń Jud ndang ní 1:6

Ādə̄ əgā kemsí dɔ tə́ na de kə́ dɔ rā̰ tə́ gə̄ ń əya̰n̄ loo kə́ bo yādə́ ba ndɔ́tə̄n̄ kɔ̄ɔ́ loo ndidə́ tə́ ní, Nə́ɓā ngɔ̄m̄də́ gírí nang tə́, kum loo kə́ risə til nding tə́, kə súĺ kə́ a to ngándáńg, tām̄ yā ndɔ̄ ngān̄g sarya kə́ bo tə́.

2 PIYER 2:4

Tɔdɔ̄ de kə́ dɔ rā̰ tə́ gə̄ ń rāān̄ majaĺ ní, Nə́ɓā əya̰də́ karī alé, banī ɓōkə́də́ loo kə́ yá̰á̰ kə́ tōr̄ a rāādə́ tū tə́ tə́. Tó̰ō̰n̄də́ kə súĺ ba ngōmə̄n̄də́ loo ngeé ń noō tə́ kum til tə́, yā ngóoń ndɔ̄ gān̄g sarya.

2 TIMOTE 3:4

a télən̄ kɔ̄ɔ́ gír madə̄də́ gə̄ tə́ ō, a rāān̄ yá̰a̰ kanjə̄ gíŕ yá̰a̰ ō, kɔjə rɔ̄ utə̄ kumdə́ kɔ̄ɔ́ ō, a gḛyn̄ Nə́ɓā alé ba a gḛyn̄ i rɔ̄nel̄ yādə́ tá.

Najə̄ kə́ Majə yā Jeju ń Luk ndang ní 10:18

Anī Jeju tél ədadə́ na: M-á̰a̰ Sətan ḭḭ dɔ rā̰ tə́ əsō tītə̄ man̄ kə́ tel̄ beé.

1 TIMOTE 3:7

Tá ɓáý to̰ ní, majə kadə̄ de kə́ ndágá gə̄ ədan̄ najə̄ yān majə, na sōgə́ de gə̄ kídə̄nən̄ ō, əsō kum gūmbə̄ yā diabəl tə́ ō.

DANIEL 11:12

Mban̄g kə́ dām̄ mbɔ́r ɓē kə́ geleé tə́ a ɔjə rɔ̄n ngá̰ý kə tetə rɔ̄ɔ̄ ngeé ń noō. Ni a tɔ̄l̄ ngé rɔ̄ɔ̄ gə̄ dūbú ngá̰ý ɓá tā ba tetə rɔ̄ɔ̄ yān ń noō i kə́ márwāy gə̄ tə́ alé.