1 TIMOTE 3:15 - Bibəl ta Sar̄

¹⁵ Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

Bible sar

¹⁵ Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

1 TIMOTE 3:15 Referans Kwoze

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

1 YÁ̰A̰ GƏ̄ 22:13

Ndū kə́ kun gə̄ ō, yá̰a̰ kāgə̄ ɓē gə̄ ō ń Kɔ́ɔ̄ɓē adə̄ Moijə tām̄ yā ngán Israel gə̄ tə́ ní, ré ī-ngɔ̄m̄də́ ō, ī-rāań yá̰a̰ ō anī, ā ī-teē deē. Ə́hɔ rɔ̄í tɔgə ō, ī-ra dəngam ō! Ī-sōl̄ yá̰á̰ kógə̄ḿ aĺ ō, ī-lōō ɓōĺ ō.

1 MBAN̄G GƏ̄ 2:4

Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ Israel tə́ alé.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

Makətūbə̄ ń Pol ndang adə̄ Rom gə̄ ní 3:2

Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní.

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

Makətūbə̄ ń Pol ndang adə̄ Rom gə̄ ní 9:26

Ba loo ń ədan̄də́ tū tə́ na sḭḭ̄ i gír deē yāḿ gə̄ aĺ ní, i loo nəkɔ́ ń noō tə́ n a ɓārə́n̄də́ tū tə́ na i gír deē yā Nə́ɓā kə́ ndi kə kumneé gə̄ ní.

KƏLA RĀĀ 1:2

bátə́ m-ūgəń dɔ ngé kə́ ndɔ̄ ń un aw̄n̄neé seneé dɔ rā̰ tə́ ní. Kété pá tá kadə̄ ni-aw̄ ní, ɔjə ngámbang kəla gə̄ ń ni-gə̄rādə́ ní yá̰a̰ gə̄ kə ta kūl̄ tɔ́gə yā Ndíĺ kə́ Táĺ.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

MATIYE 18:18

Ādə̄ m-ə́dásí najə̄ kə́ bo ngá̰ý, yá̰a̰ malang ń ī-do̰ō̰ī dɔ nang tə́ ní, i kə́ do̰ō̰n̄ dɔ rā̰ tə́ ō, yá̰a̰ malang ń ī-tútiī dɔ nang tə́ ní, i kə́ tútən̄ dɔ rā̰ tə́ ō.

1 MBAN̄G GƏ̄ 2:2

M-ā ə́yá̰ dɔ nang ń toō ngɔr, ə́hɔ rɔ̄í ngan̄g, ī-ra dəngam.

JOJUE 3:10

Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

NDŪ NAJƏ̄ 31:23

Gō tə́ anī Kɔ́ɔ̄ɓē əda Jojue ngōn̄ Nun na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń m-ə̄nī ndūḿ yā kadə̄də́ tə́ ní. Ba mā i naā tə́ seí.

NDŪ NAJƏ̄ 5:26

I de kə́ rá n oō ndū Nə́ɓā kə́ ndi kə kumneé loo kɔr̄ najə̄ tə́ kum hor tə́ tītə̄ yājí ba kɔ́ɔ̄ oy aĺ ní?

JEJU TEĒ KUM JA̰A̰ 7:2

Anī m-á̰a̰ de kə́ dɔ rā̰ tə́ kógə̄ḿ kə́ rang ḭḭ gír ɓē tə́. Ni-əhɔ mbō̰ yā Nə́ɓā kə́ ndi kə kumneé jīn tə́. Ni əga kɔŕ ngá̰ý ədań de kə́ dɔ rā̰ tə́ kə́ sɔ́ gə̄ ń adə̄n̄də́ kadə̄ nujən̄ dɔ nang ō, bā bo ō ní na:

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

1 TIMOTE 4:10

Tɔdɔ̄ ré jə-rāāī kəla ngá̰ý ō, jə-rɔ̄ɔ̄ī ō anī, i tām̄ kəndā kə́ j-əndāī kemjí dɔ Nə́ɓā ń ndi kə kumneé tə́ ní. Ni i nge kajə de gə̄ malang, ba kə́ ngá̰ý ɓáa ni a ajə i ngé taā kem gə̄.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

KOLOSƏ 1:5

Dan ń najə̄ kə́ rɔ̄kum, adə̄ i Najə̄ kə́ Majə, ugə̄ loosí ta kəga dɔ ɓáý ní, ōōī najə̄ yā yá̰a̰ kəndā kem dɔ tə́ ń Nə́ɓā ngɔ̄m̄ dɔ rā̰ tə́ tām̄ yāsí tə́ ní: Yá̰á̰ ní i ndi kə kumuú. Adə̄ taā kem yāsí ō, tár yāsí ō ní, ngəran ra i dɔ tə́.

EPEJƏ 4:21

Ré ōōī najə̄ yān ō, ré ndóōn̄sí yá̰á̰ kə́ ngé yān gə̄ tə́, kə gō najə̄ kə́ rɔ̄kum ń to kem Jeju tə́ ní ō anī,

GALATƏ 3:1

Galatə gə̄, sḭḭ̄ i de kə́ kur̄ dɔsí gətóo. Sḭḭ̄ ń ɔjən̄sí najə̄ yā Jeju Kərist kə́ əndanən̄ kə máyá̰ tū kāgə̄ kə́ dēsə́ tə́ adə̄ unjə̄ ta kumsí tə́ ní, i náā n tūr̄ kumsí kɔ̄ɔ́ ní?

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ táĺ yā Nə́ɓā.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

DANIEL 6:26

Gō tə́ anī mban̄g Darius ndang najə̄ ń toō əlań adə̄ de gə̄ ń gíŕdə́ ō nápardə́ ō ta yādə́ ō i tayā tayā á ndin̄ dɔ nang tə́ malang ní: m̄-ndə̄ngā kadə̄ ī-ndiī lápə́ya ngá̰ý!

JEREMI 23:36

Ba najə̄ ń na yá̰a̰ kətō kə́ kɔȳ ngá̰ý yā Kɔ́ɔ̄ɓē ní a teē tasí tə́ to̰ alé, i najə̄ kɔrsí gə̄ n a tél yá̰a̰ kətō kə́ kɔȳ ngá̰ý yāsí kógə̄ḿ kógə̄ḿ ní, tɔdɔ̄ sḭḭ̄ ī-nujiī najə̄ yā Nə́ɓā kə́ ndi kə kumneé. Ni ń i Kɔ́ɔ̄ɓē kə́ bo kə́ tɔ́gən i ngá̰ý á i Nə́ɓā yājí ní.

JEREMI 1:18

Ɓōólaā m-ə̄ndāī dɔ ɓē tə́ kə taá malang tītə̄ ɓē bo kə́ ngan̄g ngá̰ý ō, tītə̄ ngaa dan gində̄ ō, tītə̄ ndogə̄ mbal̄ kə́ rāā kə gində̄ nə̄ngá kasaá ta kum mban̄g gə̄ kə́ Juda tə́ ō, de kə́ bo gə̄ tə́ ō, ngé tun̄ yá̰a̰ yān gə̄ tə́ ō, ta kum gír de kə́ kem ɓēé gə̄ tə́ ō.

PĀ GƏ̄ 84:2

Kɔ́ɔ̄ɓē kə́ ɓoo kə́ tɔ́gən i ngá̰ý, nelə̄m̄ kə kújə yāí gēé ngá̰ý!

PĀ GƏ̄ 42:2

Tītə̄ ń kəndā man̄ rāań wāl̄ adə̄ sāań man̄ pa pak ní, Nə́ɓā yāḿ, m̄-sāāī pa pak ō.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

HEBƏRO 9:14

mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

2 TIMOTE 2:20

Jóo gə̄ ń ton̄ kem kújə́ kə́ bo tə́ ní, rāān̄ kə́rēý gə̄ i kə lɔ́rɔ́ ō, kə gində̄ arjā̰a̰á̰ ō, ngóy alé. Kə́ rang gə̄ i kə́ rāā kə kāgāá ō, kə nánjá ō. Adə̄ kə́rēý gə̄ i tām̄ yā kəla kə́ to rɔȳ tə́ ō, kə́rēý gə̄ i tām̄ yā kəla kə́ to rɔȳ aĺ gə̄ tə́ ō.

1 TIMOTE 3:5

Tɔdɔ̄ deē ń ger̄ loo kɔr no de kə́ kem kújə yān tə́ gə̄ alé ní, a a̰a̰ gō Egəlijə yā Nə́ɓā i ba̰ý?

2 KORḚNTƏ 6:7

najə̄ kə́ rɔ̄kum ń j-ɔjə ní ō, tɔ́gə yā Nə́ɓā ō. Yá̰a̰ rɔ̄ɔ̄ yājí ń j-aw̄ń ní i yá̰á̰ kə́ gōtə́, adə̄ j-a j-ənīń madə̄ ba̰ā̰ rɔ̄ɔ̄ ō, j-a jə-rɔ̄ɔń madə̄ ba̰ā̰ dɔ rɔ̄jí tə́ ō.

2 KORḚNTƏ 3:3

Kadə̄ sḭḭ̄ i makətūbə̄ kə́ Kərist ndang əla jījí tə́ kadə̄ j-adə̄ de gə̄ ní, nge ń noō to i kə̄ dɔ ndágá. Sḭḭ̄ i makətūbə̄ kə́ ndang kə man̄ yá̰á̰ kə́ nduluú alé, banī i kə́ ndang kə Ndíĺ Nə́ɓā kə́ ndi kə kumneé. Sḭḭ̄ i najə̄ kə́ ndang dɔ ngán mbal̄ kə́ laa gə̄ tə́ alé, ba i dan wur deē tə́.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

2 MBAN̄G 19:4

Majanī Kɔ́ɔ̄ɓē Nə́ɓā yāí a oō najə̄ gə̄ malang ń mban̄g kə́ Asiri əla ngol ngé kadə̄ yá̰a̰ ka̰ȳ gə̄ adə̄ tájəń Nə́ɓā kə́ ndi kə kumneé ní ō, majanī a əndan tām̄ najə̄ kɔrə̄n tə́ ō! Ba ḭ̄ ī-ndɔ̄ȳn tām̄ yā gotə deē yān gə̄ ń na̰yn̄ tə́ ní.

1 KORḚNTƏ 3:16

Sḭḭ̄ i kújə yā Nə́ɓā, adə̄ Ndíĺ Nə́ɓā ndi kemsí tə́ ní ī-gerī aĺ a?

1 KORḚNTƏ 10:32

Ī-lōōī rāā yá̰á̰ kógə̄ḿ kə́ kadə̄ Jipə gə̄, aláa Gərek gə̄, aláa Egəlijə yā Nə́ɓā a̰a̰n̄ anī əsōn̄.

1 TIMOTE 3:14

m̄-ndang yá̰a̰ gə̄ ń toō m-ādī, ɓá tā ba m̄-gír̄ kaw̄ gōí tə́ ngɔr.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

HEBƏRO 10:21

J-awī kə ngol ngé tun̄ yá̰a̰ gə̄ kə́ əndānən̄ dɔ kújə yā Nə́ɓā tə́.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?