1 TIMOTE 3:11 - Bibəl ta Sar̄

¹¹ Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

Bible sar

¹¹ Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

1 TIMOTE 3:11 Referans Kwoze

TITƏ 2:3

Əda dəyá̰ kə́ tɔgə ɓə́ga gə̄ ō, ādə̄ nin̄-rāān̄ háĺ kə́ nel̄ Nə́ɓā ō. Ādə̄ tāmə̄n̄ kə de gēé aĺ ō, rāān̄ ɓəlo kasə aĺ ō. Ādə̄ ndóōn̄ de gə̄ loo rāā yá̰á̰ kə́ majə.

TITƏ 3:2

tájə̄nəń deē aĺ ō, rɔ̄ɔ̄nəń deē aĺ ō, kadə̄ nin̄ i ngé mā̰ȳ rɔ̄də́ láẃ ngá̰ý dɔ yá̰a̰ rāā kə́ gō tə́ aĺ yā deē tə́ ō, kadə̄ ɔjənə̄ń háĺ kə́ sɔl̄ lɔ́ḿ lɔ́ḿ yādə́ kə̄ no de gə̄ malang tə́ ō.

1 TIMOTE 3:2

Adə̄ majə kadə̄ ni i de kə́ najə̄ gətóo dɔn tə́ ō, nə̄yá̰n i kógə̄ḿ beē ō, ni i de kə́ nge kəhɔ rɔ̄n dɔ yá̰á̰ tə́ ō, nge rāā yá̰a̰ kadə̄ mān̄ dɔ loon aĺ ō, i de kə́ de gə̄ a rɔȳnən̄ ō, i de kə́ nge kəhɔ de gə̄ kə̄ rɔ̄n tə́ majə ō, kə́ ger̄ loo ndóō de gə̄ yá̰a̰ ō,

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

2 TIMOTE 3:3

a usədə́ yá̰a̰ aĺ ō, a rāān̄ yá̰a̰ i kə̄ nodə́ tə́ ō, a tāmən kə de gēé ō, a rāān̄ yá̰á̰ ń ndū najə̄ əda ní aĺ ō, kumdə́ a o̰o̰də́ aĺ ō, a gḛyn̄ yá̰á̰ kə́ majə aĺ ō,

Gōsə̄ najə̄ gə̄ 10:18

De kə́ nge ɓɔ̄ɔ̄ dɔ kim̄ kə́ kemən tə́ i de kə́ nge kɔr̄ najə̄ góləń loo, banī de kə́ nge heĺ najə̄ kə́ tétə̄ kə̄ loo gə̄ tə́ i de kə́ mbóo.

2 TIMOTE 4:5

Ba ḭ̄ tā a ə́hɔ rɔ̄í dɔ yá̰a̰ gə̄ tə́ malang. Ī-tə́gā taí dan tápə̄ gə̄ tə́. Ī-rāā kəla kɔjə Najə̄ kə́ Majə, kəla ń Nə́ɓā adī ní.

1 TIMOTE 6:2

Ngé gə̄ ń kɔ́ɔ̄də́ gə̄ i ngé taā kem gə̄ ní, lōōn̄ kəga rɔ̄də́ gidə ɓāŕ naā ngōkó̰ó̰ tə́, ba mbātə́nń ɓōĺ ndíĺ kɔ́ɔ̄də́ gə̄ ní. Ba dan ń ngé gə̄ ń nin̄-rāān̄ kəla adə̄n̄də́ ní, i ngé taā kem gə̄ ō, i kó tár gə̄ ō ní, majə kadə̄ nin̄-rāān̄ kəla majə tɔȳ kə́ kété adə̄n̄də́. I yá̰á̰ ń toō n majə kadə̄ ī-ndóō de gə̄ ō, ī-tāādə́ dɔ tə́ ō ní.

1 TIMOTE 1:12

m̄-ndadə̄ Kɔ́ɔ̄ɓē Kərist Jeju nge kadə̄m̄ tɔ́gə, tām̄ ni-a̰a̰ kadə̄ m-ásə kadə̄ ni-ənī kemən adə̄m̄, adə̄ unəm̄ kəla yān tə́.

JA̰A̰ 6:70

Jeju tél ədadə́ na: Sḭḭ̄ kə́ kutə gidə i jōó gə̄ ní, i mā n m̄-gə̄rāsí ní aĺ a? Ba deē kógə̄ḿ dansí tə́ i nge kəla yā diabəl.

MATIYE 4:1

Gō tə́ anī, Ndíl Nə́ɓā ɔr Jeju aw̄ seneé kem dəla loo tə́ yā kadə̄ diabəl nāan.

EJEKIEL 44:22

Nge tun̄ yá̰a̰ a taā dəyá̰ kə́ ngaa koy aĺ ō, kə́ ngaan mbātə́n aĺ ō. Ni a taā i ngōn̄ kə́ mandə kə́ Israel tə́, aláa a taā i nə̄yá̰ nge tun̄ yá̰á̰ kə́ rang kə́ oy.

JEREMI 9:4

Náā nəkɔ́ ɓáa a gól̄ i madə̄n, adə̄ najə̄ kə́ rɔ̄kum gətóó bátə́. Nin̄ ndóōn̄ ta ndo̰də́ kɔr̄ najə̄ kə́ sor̄. Nin̄ asən tél gō róbə yá̰a̰ rāādə́ kə́ gō aĺ gə̄ tə́ alé.

Gōsə̄ najə̄ gə̄ 25:13

Ngōmbang kə́ əda kəla kə gōó to i tītə̄ kɔ̄sə̄ kə́ sɔl̄ majə ngā nəngaá nāā sāā kōō gə̄ tə́, ni sɔl̄ majə tām̄ yā deē ń əlan tə́ ní: Ni-adə̄n tɔ́gə.

PĀ GƏ̄ 101:5

De kə́ nge tetə najə̄ dɔ madə̄n gə̄ tə́ loo mundə̄ tə́ jəke ní, m-ā m̄-rāā kadə̄ ni a ɔr̄ najə̄ alé. Kum kə́ a̰a̰ loo i kə kídə̄ looó ō, kem kə́ gḛy rī ɓār̄ ngá̰ý ō ní, m-ā m̄-tə́gā taḿ dɔ tə́ alé.

PĀ GƏ̄ 50:20

Ī-ndi ī-tām̄ kə ngōkó̰ó̰í ō, ī-tə́da najə̄ kə́ majaĺ dɔ kem kó̰o̰ madí tə́ ō.

PĀ GƏ̄ 15:3

Ni tə́da najə̄ kə́ majaĺ gə̄ dɔ madə̄n gə̄ tə́ aĺ ō, rāā madə̄n yá̰á̰ kə́ majaĺ aĺ ō, tájə̄ deē aĺ ō.

LEBI GƏ̄ 21:7

A taān̄ dəyá̰ ájə́ba aĺ ō, dəyá̰ kə́ dəngam ɓīī seneé əlań rɔ̄sɔl̄ dɔn tə́ aĺ ō. A taān̄ dəyá̰ kə́ ngaan mbātə́n aĺ ō, tɔdɔ̄ nge tun̄ yá̰a̰ i de kə́ ɔrə̄n̄ kamə̄n tām̄ yā Nə́ɓā yān tə́.

Makətūbə̄ ń Pol ndang adə̄ Rom gə̄ ní 1:29

Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,