1 TIMOTE 2:7 - Bibəl ta Sar̄

⁷ Əndāmə̄n̄ kɔdə̄ mbēr̄ ō, ngōmbang kəla ō, i tām̄ yā najə̄ kə́ kum tə́ yān ngeé ń toō tə́. M-ə́da i najə̄ kə́ rɔ̄kum, ba m̄-sor̄ i mbée alé, mā i nge ndóō nápar de kə́ rang gə̄ yá̰á̰ ń majə kadə̄ deē taā kem ní ō, yá̰á̰ ń i yá̰á̰ kə́ rɔ̄kum ní ō.

Bible sar

⁷ Əndāmə̄n̄ kɔdə̄ mbēr̄ ō, ngōmbang kəla ō, i tām̄ yā najə̄ kə́ kum tə́ yān ngeé ń toō tə́. M-ə́da i najə̄ kə́ rɔ̄kum, ba m̄-sor̄ i mbée alé, mā i nge ndóō nápar de kə́ rang gə̄ yá̰á̰ ń majə kadə̄ deē taā kem ní ō, yá̰á̰ ń i yá̰á̰ kə́ rɔ̄kum ní ō.

1 TIMOTE 2:7 Referans Kwoze

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

2 TIMOTE 1:11

Nə́ɓā əndā kəla kɔjə Najə̄ kə́ Majə ngeé ń toō dɔḿ tə́, adə̄ mā i ngōmbang kəla ō, nge ndóō de gə̄ yá̰a̰ ō.

Makətūbə̄ ń Pol ndang adə̄ Rom gə̄ ní 9:1

Najə̄ ń m-ā m-ə́da toó i najə̄ kə́ rɔ̄kum. Mā i deē yā Kərist ō, m̄-sor̄ aĺ ō. Tá Ndíĺ kə́ Táĺ ədam̄ kemḿ tə́ kadə̄ i rɔ̄kum ō.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

GALATƏ 1:20

M-ə́da kə̄ ta kum Nə́ɓā tə́, najə̄ ń m̄-ndang m-ādə̄sí toō i najə̄ kə́ sor̄ alé.

GALATƏ 1:16

Ba loo ń ni teē kumḿ dɔ Ngōnən tə́ kadə̄ m-ɔ́jə de gə̄ kə́ nin̄ i Jipə aĺ gə̄ Najə̄ kə́ Majə yān ní, m-āw̄ rɔ̄ deē kógə̄ḿ tə́ m̄-dəjen kɔjə̄ aĺ ō,

Makətūbə̄ ń Pol ndang adə̄ Rom gə̄ ní 11:13

Ngɔlaā m-ā m-ɔ̄r̄ najə̄ sesí, sḭḭ̄ ń i nápar de kə́ rang gə̄ ní. Mā i ngōmbang kəla kə́ əlamə̄n̄ tām̄ yā nápar de kə́ rang gə̄ tə́. m̄-sāā kadə̄ rī kəla yāḿ ɓār̄.

2 PIYER 2:5

Dɔ nang kə́ kété jóo ń de kə́ ngé rāā yá̰a̰ gō yā Nə́ɓā tə́ aĺ gə̄ ndin̄ tū tə́ ní, Nə́ɓā əya̰ karī alé, ba rāā adə̄ man̄ un dɔ malang kɔ̄ɔ́. I Noe nge kɔjə yá̰á̰ kə́ gōtə́ ngóy n ni-ajən ní ō, ni-ajə de kə́ rang gə̄ sīrí ō.

GALATƏ 3:9

Abəraham taā kem Nə́ɓā, anī Nə́ɓā tɔ́r̄ tan dɔn tə́. Adə̄ ngé taā kem gə̄ malang ní, Nə́ɓā tɔ́r̄ tan dɔdə́ tə́ tītə̄ yān ō.

2 KORḚNTƏ 11:31

Nə́ɓā, adə̄ i Bɔbə̄ Kɔ́ɔ̄ɓē Jeju ń de gə̄ tɔ̄ȳn̄ rīn ngándáńg ní, ger̄ kadə̄ m̄-sor̄ alé.

Makətūbə̄ ń Pol ndang adə̄ Rom gə̄ ní 10:14

Banī ré taān̄ kemən aĺ anī, a ɓár̄nən̄ i ba̰ý? Ré oōn̄ najə̄ yā Kɔ́ɔ̄ɓē aĺ anī, a taān̄ kemən i ba̰ý? Ré deē kógə̄ḿ ɔjədə́ najə̄ yā Kɔ́ɔ̄ɓē aĺ anī, a oōn̄ najə̄ ní i ba̰ý?

KƏLA RĀĀ 26:20

Ba m-ɔ́jə de kə́ Damas gə̄ najə̄ ta kəga dɔ, gō tə́ anī i de kə́ Jerusalem gə̄ ō, de kə́ gō nang malang kə́ Jude tə́ ō, tá nápar de gə̄ ń nin̄ i Jipə aĺ gə̄ ní m-ɔ́jə́də́ najə̄ ō. M-ɔ́jə́də́ kadə̄ əya̰n̄ gíŕ yá̰a̰ rāādə́ kə́ majaĺ gə̄ kɔ̄ɔ́, ba kə tūrə̄n̄ rɔ̄də́ kə̄ rɔ̄ Nə́ɓā tə́ ō, kə rāān̄ yá̰á̰ kə́ ɔjə kadə̄ nin̄-əya̰n̄ majaĺ yādə́ gə̄ kɔ̄ɔ́ rɔ̄kum ō.

KƏLA RĀĀ 22:21

Banī Kɔ́ɔ̄ɓē ədam̄ na: Āw̄ na m-ā m-ə́laī i kə sa̰y, i kə̄ rɔ̄ de gə̄ kə́ nin̄ i Jipə aĺ gə̄ tə́.

KƏLA RĀĀ 14:27

Dan ń ugə̄n̄ A̰tiyos anī, ɔsən̄ dɔ ngé taā kem gə̄ naā tə́, ba ənīn̄də́ gotə yá̰a̰ malang ń Nə́ɓā rāā kə ta kūl̄də́ ní ō, ɔjən̄də́ loo teē ń Nə́ɓā teē ta róbə adə̄ de gə̄ kə́ nin̄ i Jipə aĺ gə̄, yā kadə̄ nin̄-taān̄ kem ō ní.

JA̰A̰ 7:35

Gō najə̄ ń toō tə́ anī Jipə gə̄ ədan̄ naā dɔ dáńdə́ tə́ na: Ni a aw̄ i kə̄ rá yā kadə̄ j-əngein̄ aĺ ní? A aw̄ i kə̄ dan Jipə gə̄ ń tḭ̄ḭ̄n̄ naā kə̄ dan Gərek gə̄ tə́ ní a? A ndóō Gərek gə̄ yá̰a̰ a?

KOHELET 7:27

Dan ń m-ə̄ndā ma̰ȳ yá̰a̰ gə̄ kógə̄ḿ kógə̄ḿ kə gō naá yā ger̄ kum ní, yá̰á̰ ń m-ə́ngé ní n noó, nge kɔjə ngé kán̄ naā gə̄ najə̄ əda i beé.

KOHELET 1:12

Kété ní mā Kohelet m̄-ndi mban̄g dɔ Israel gə̄ tə́ Jerusalem.

PĀ GƏ̄ 111:7

Yá̰a̰ gə̄ ń ni rāādə́ kə jīneé ní, i yá̰á̰ kə́ rɔ̄kum gə̄ ō kə́ gōtə́ gə̄ ō. Yá̰a̰ malang ń ra kə de gēé ta rāā ní i yá̰á̰ kə́ rɔ̄kum gə̄.

GALATƏ 2:16

Ɓá tā ba jə-gerī kadə̄ yá̰á̰ ń rāā adə̄ deē tél de kə́ súmūú ta kum Nə́ɓā tə́ ní, i ngɔ̄m̄ ndū najə̄ gə̄ alé, ba i kadə̄ deē taā kem Jeju Kərist. Adə̄ jḭḭ̄, jə-taāī kem Kərist Jeju ō, yā kadə̄ gerə̄n̄neé kadə̄ jḭḭ̄ i de kə́ súmūú gə̄ sɔɔ̄ń taā kə́ jə-taāī kem Kərist, banī i sɔɔ̄ń ngɔ̄m̄ kə́ jə-ngɔ̄mī ndū najə̄ gə̄ alé. Tɔdɔ̄ de kə́ kadə̄ Nə́ɓā rāān de kə́ súmūú tə́, sɔɔ̄ń ngɔ̄m̄ kə́ kɔ́ɔ̄ ngɔ̄m̄ ndū najə̄ ní, gətóo.

Makətūbə̄ ń Pol ndang adə̄ Rom gə̄ ní 1:9

Tɔdɔ̄ Nə́ɓā i de kə́ kum tə́ yāḿ tām̄ yā najə̄ ń noō tə́. Ni ń m̄-rāā kəla yān kə ngarān̄g kemḿ gēé malang loo kɔjə Najə̄ kə́ Majə yā Ngōnən tə́ ní. Mā m-ɔ̄r̄ najə̄ yāsí ngándáńg,

1 KORḚNTƏ 9:1

Mā i kɔ́ɔ̄ rɔ̄ḿ aĺ a? Mā i ngōmbang kəla aĺ a? Jeju ń i Kɔ́ɔ̄ɓē yājí ní m-á̰a̰n aĺ a? Kəla yāḿ ń m̄-rāā tām̄ yā Kɔ́ɔ̄ɓē tə́ ní i sḭḭ̄ aĺ a?