1 TIMOTE 2:6 - Bibəl ta Sar̄

⁶ Ni-adə̄ rɔ̄n yā gāngəń dɔ de gə̄ malang. Dan ń kum mbang asə ní, ni-əda najə̄ kə́ kum tə́ yān i tītə̄ ń noō, kadə̄ rɔ̄kum Nə́ɓā gḛy kadə̄ de gə̄ malang ajən̄.

Bible sar

⁶ Ni-adə̄ rɔ̄n yā gāngəń dɔ de gə̄ malang. Dan ń kum mbang asə ní, ni-əda najə̄ kə́ kum tə́ yān i tītə̄ ń noō, kadə̄ rɔ̄kum Nə́ɓā gḛy kadə̄ de gə̄ malang ajən̄.

1 TIMOTE 2:6 Referans Kwoze

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

1 JA̰A̰ 4:10

Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

1 KORḚNTƏ 1:6

Tɔdɔ̄ najə̄ kə́ kum tə́ kə́ kəda dɔ Kərist tə́ əla ngəran ngan̄g ngá̰ý dansí tə́,

1 TIMOTE 6:15

Ni a ɔjə rɔ̄n kə̄ ndágá i kum mbang ń Nə́ɓā a ɔjə tə́ ní. I nəkɔ́ kógə̄ḿ beē ngóy n i dɔ yá̰a̰ gə̄ tə́ ō, nge rāā kadə̄ kemjí nel̄jí ō, Mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō ní.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

Makətūbə̄ yā Job 33:24

kə́ kadə̄ kumən o̰o̰n tām̄ yā nge mo̰y ní tə́ ba əda Nə́ɓā na: Ī-lōō kəya̰n kadə̄ aw̄ ɓádá, na m-ə́ngé yá̰a̰ gān̄g dɔn kɔ̄ɔ́!

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

TITƏ 1:3

Dan ń kum mbang yān asə anī, ni-teē kə najə̄neé kə̄ ndágá kə ta kūl najə̄ yān. Najə̄ ndi kə kumuú ní i tū kəla ń əndān̄ taḿ tə́ ní. Ba i Nə́ɓā nge kajəjí n ɔsə seḿ ta kənī mbērən ní.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

Makətūbə̄ ń Pol ndang adə̄ Rom gə̄ ní 5:6

I dan ń tɔ́gə́jí gətóoń ɓáý ní n Kərist oyń tām̄ yā ngé rāā majaĺ gə̄ tə́, ndɔ̄ ń Nə́ɓā ɔjəń tə́ ní.

JA̰A̰ 10:15

tītə̄ ń Bɔbə́ḿ ger̄məń ō, mā m̄-gerə̄ń Bɔbə́ḿ ō ní. Adə̄ m-óy tām̄ yā batə̄ yāḿ gə̄ tə́.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

MARK 10:45

Tɔdɔ̄ Ngōn̄ Deē reē i kadə̄ de gə̄ rāān̄ kəla yān alé, banī i kadə̄ i ni n rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

HEBƏRO 9:12

Kərist udə kem loo kə́ táĺ ngá̰ý tə́ nja i kógə̄ḿ beē yā kadə̄ gír gāngəń. Mósə́ ń ni-ndējə̄ ní, i mósə bal bə̄yā̰ gə̄ aĺ ō, duĺ man̄g aĺ ō, banī i mósən nəkɔ́. I tītə̄ noō n ni-gāngəń dɔjí kə́ njɔ́ḿ gə̄ tə́ tām̄ majaĺ yājí gə̄ tə́ ní.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

Makətūbə̄ ń Pol ndang adə̄ Rom gə̄ ní 16:26

Yá̰á̰ ní rāā yá̰a̰ kem ndɔ̄ yājí gə̄ ń toō tə́ adə̄ to i kə̄ dɔ ndágá. Tītə̄ ń Nə́ɓā kə́ ndi ngándáńg əda ń yá̰a̰ gə̄ kə́ ɔsə kə de gēé kadə̄ rāān̄ ní, nápar de gə̄ malang gerə̄n̄ najə̄ ní ta kūl̄ najə̄ gə̄ ń ngé koō ta gə̄ ndangən̄ ní, yā kadə̄ ré nin̄-taān̄ kem anī oōn̄ ta Nə́ɓā.

EPEJƏ 1:17

Kadə̄ ni ń i Bɔbə̄ Kɔ́ɔ̄ɓē yājí Jeju Kərist ní, ni ń i Bɔbə̄jí kə́ kɔsə gɔn i yān ní, adə̄sí Ndíĺ kə́ nge kadə̄ deē kum kedə̄ ō, kə́ nge teē kum deē dɔn tə́ ō, kadə̄ ī-gerīin̄neé.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

EPEJƏ 3:5

Yá̰á̰ kə́ to loo mundə̄ tə́ ngeé ń toō ń Nə́ɓā teē kum ngámbang kəla yān gə̄ ń ni-ɔr̄ kam̄də́ ní ō, ngé koō ta yān gə̄ ō, dɔ tə́ kə ta kūl̄ Ndíĺneé ní, ni teē kum de kə́ kété gə̄ dɔ tə́ alé.

MARK 1:15

Ni ɔjə Najə̄ kə́ Majə yā Nə́ɓā, əda na: Ndɔ̄ asə kɔ̄ɔ́, adə̄ Ɓē ko̰o̰ yā Nə́ɓā i ngɔr. Ī-tūrī háĺsí, ba ī-taāī kem Najə̄ kə́ Majə.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.