1 TIMOTE 2:15 - Bibəl ta Sar̄

¹⁵ Ɓá tā ba ni a ajə i kə ta kūl̄ kojə ń ojə ngōn̄ ní. Ba i loo ń ré ni-əhɔ rɔ̄n tɔgə dɔ róbə taā kem tə́ ō, táŕ tə́ ō, háĺ kə́ unjə̄ njáý njáý tə́ ō, kə kɔjə rɔ̄ɔ́ aĺ ō ní tá.

Bible sar

¹⁵ Ɓá tā ba ni a ajə i kə ta kūl̄ kojə ń ojə ngōn̄ ní. Ba i loo ń ré ni-əhɔ rɔ̄n tɔgə dɔ róbə taā kem tə́ ō, táŕ tə́ ō, háĺ kə́ *unjə̄ njáý njáý tə́ ō, kə kɔjə rɔ̄ɔ́ aĺ ō ní tá.

1 TIMOTE 2:15 Referans Kwoze

TITƏ 2:12

Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō.

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

1 TIMOTE 2:9

Ba kə́ tām̄ yā dəyá̰ gə̄ tə́ ɓáa, ādə̄ o̰ō̰n̄ kūbə̄ kə́ kə gōó majə ō, súūn̄ rɔ̄də́ kə yá̰á̰ súū rɔ̄ kə́ to hɔ̄r̄mɔ̄ ō, kə́ to kɔjə rɔ̄ aĺ ō. Adə̄ nin̄-súūn̄ rɔ̄də́ kə dɔ kə́ kəhɔ kadə̄ mān̄ dɔ majən aĺ ō, kə nə̄ngá lɔ́r aĺ ō, kə məde kɔ̄l̄ aĺ ō, kə kūbə̄ kə́ gātə̄n i ngá̰ý aĺ ō.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

Najə̄ kə́ Majə yā Jeju ń Luk ndang ní 2:7

Ni ojə ngōn̄ kə́ dəngam, i ngōn̄ hágən. Ni ɓírə̄n kə kūbūú, ba ənīn kem kōr̄ kāgə̄ kəsa yá̰a̰ yā dā̰ gə̄ tə́, tɔdɔ̄ loo kə́ kadə̄ ton̄neé kújə ɓīī mbā gə̄ tə́ gətóo.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ nong dəngam.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

1 KORḚNTƏ 12:23

ngán rɔ̄jí gə̄ ń jə-rāāīdə́ i yá̰á̰ kə́ to rɔȳ aĺ gə̄ tə́ ní, i nin̄ bang n j-a̰a̰ī gōdə́ tɔȳ gotə gə̄ malang ní ō. Ngé gə̄ ń majə kɔr̄ najə̄ yādə́ aĺ ní, j-a̰a̰ī gōdə́ ka̰a̰ kə́ tɔȳ dɔ ō.