Biblia Todo Logo
Bib sou entènèt

- Piblisite -




1 TIMOTE 1:5 - Bibəl ta Sar̄

5 Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

Gade chapit la Kopi

Bible sar

5 Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ *unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

Gade chapit la Kopi




1 TIMOTE 1:5
43 Referans Kwoze  

Ī-ngɔ̄m̄ taā kem ō, ādə̄ kemií ɔjiī yá̰á̰ kógə̄ḿ kə́ majaĺ aĺ ō. De kə́rēý gə̄ mbātə́n̄ koō najə̄ yā kemdə́ kə́ ɔjədə́ yá̰á̰ kógə̄ḿ kə́ majaĺ aĺ ngeé ń toō. I tītə̄ ń noō n nin̄-rāān̄neé adə̄ taā kem yādə́ əsōń kɔ̄ɔ́ ní.


Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,


Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.


Əga kemḿ dɔ taā ń ī-taā kem Nə́ɓā kə́ rɔ̄kum tə́ ní. Kaaí Lois ō, kó̰ó̰í Enis ō, taān̄ kem kə́ rɔ̄kum tə́ kété noí tə́, ba m̄-ger̄ majə kadə̄ ḭ̄ ī-taā kem i tītə̄ yādə́ ō.


Ndɔ̄ɔ́ ō kadaá ō, dan ń m-ā m̄-ndɔ̄ȳ anī, m̄-gír̄ dɔí tə́. Adə̄ m̄-ndadə̄ Nə́ɓā ń m̄-rāā kəla yān tītə̄ yā kaaḿ gə̄, kanjə̄ kadə̄ kemḿ ɔjəm̄ yá̰á̰ kógə̄ḿ kə́ majaĺ ní.


Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.


Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.


Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.


ə̄ndāī rāā tɔdɔ̄ naā yā ngákó̰o̰ naā gə̄ dɔ rāā yá̰a̰ kə gō ń Nə́ɓā ndigə ní tə́ ō, ə̄ndāī tár dɔ rāā tɔdɔ̄ naā yā ngákó̰o̰ naā gə̄ tə́ ō.


Tɔdɔ̄ loo ń ndū najə̄ a aw̄ kə de gēé kə̄ tū tə́ ní i Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.


De gə̄ ń nin̄ i de gə̄ kə́ unjə̄n̄ unjə̄ njáý njáý ní, yá̰a̰ malang i yá̰á̰ kə́ unjə̄ unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.


Kadə̄ nin̄-ngɔ̄mə̄n̄ yá̰á̰ ń taā kem teē kumjí dɔ tə́ ní, kə gír̄ kə́ unjə̄ njáý njáý.


Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.


Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.


Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.


Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.


Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.


I deē ń jīn unjə̄ njáý njáý ō kemən ndaa tá táĺ ō ní. I deē ń əga rɔ̄n gidə Nə́ɓā tə́ rāań yá̰á̰ kə́ majaĺ aĺ ō, túbə yā góləń deē aĺ ō ní.


Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.


I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.


Ká ré m-ɔ̄rəń i ta yā de kə́ dɔ nang tə́ gə̄ ō, yā de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.


Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.


Najə̄ ń m-ā m-ə́da toó i najə̄ kə́ rɔ̄kum. Mā i deē yā Kərist ō, m̄-sor̄ aĺ ō. Tá Ndíĺ kə́ Táĺ ədam̄ kemḿ tə́ kadə̄ i rɔ̄kum ō.


I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.


Nin̄ ō, jḭḭ̄ ō ní jə-tītī naā ta kum Nə́ɓā tə́. Ni-ɔr̄ majaĺ kə́ kemdə́ tə́ kɔ̄ɔ́ adə̄ kemdə́ unjə̄ njáý njáý i kə ta kūl̄ taā ń nin̄-taān̄ kem ní.


De kə́ majə a teē kə yá̰á̰ kə́ majə gə̄ dan yá̰a̰ kənge yān kə́ majə gə̄ tə́ ō, de kə́ majaĺ a teē kə yá̰á̰ kə́ majaĺ gə̄ dan yá̰a̰ kənge yān kə́ majaĺ gə̄ tə́ ō.


Rɔ̄nel̄ i kə ngé gə̄ ń kemdə́ unjə̄ njáý njáý ní, tɔdɔ̄ a a̰a̰n̄ Nə́ɓā.


Ba yá̰á̰ ń ni-əda kə gō míndən ní n toó: I kadə̄ jə-taāī kem Ngōnən Jeju Kərist ō, jə-táriī naā ō, tītə̄ ń ədań ní.


Ī ndɔ̄yī tām̄ yājí tə́, tɔdɔ̄ jə-ger̄ majə kadə̄ kemjí ɔjəjí yá̰á̰ kə́ majaĺ alé. Tām̄ jə-gḛy ngɔ̄m̄ háĺjí yā rāāń majə tū yá̰a̰ gə̄ tə́ malang ō.


mósə Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.


Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.


Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?


Ngán Israel gə̄, yá̰á̰ ń Kɔ́ɔ̄ɓē Nə́ɓā yāsí ndi a ngóō ta kadə̄ ī-rāāī ngɔlaā ní i rí? Ni a ngóō i kadə̄ ī-ɓōlíī ndílən ba úniī gō róbə yān gə̄ ō, ī-tárniī ō, ī-rāāī kəla yān kə ngarā̰ kemsí malang ō, kə rɔ̄sí malang ō.


M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.


Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.


Ngōnə̄ḿ Timote, yá̰a̰ gə̄ ń m-ə́daī kadə̄ ī-rāā ní, i kə gō najə̄ gə̄ ń Nə́ɓā əndā ta ngé koō ta yān gə̄ tə́ adə̄ ədan̄ dɔí tə́ kété ní. Ādə̄ najə̄ gə̄ ngeé ń toō adīn̄ tɔ́gə kadə̄ ī-rɔ̄ɔń rɔ̄ɔ̄ kə́ majə ń ā ī-rāā yā ra ta tə́ ní.


Yá̰á̰ ń a ɔr̄ dɔ nin̄-ngáń Nə́ɓā naā tə́ kə ngán diabəl gēé ní n toó: Deē ń rāā yá̰á̰ kə́ gōtə́ aĺ ní, ni i yā Nə́ɓā aĺ ō, deē ń tár ngōkó̰o̰n aĺ ní, ni i yā Nə́ɓā aĺ ō.


Swiv nou:

Piblisite


Piblisite