1 TIMOTE 1:3 - Bibəl ta Sar̄

³ Tītə̄ ń m-ə́daīneé kété pá tá kadə̄ m-ɔ́tə m-āw̄ Masedəwan tə́ ní, ī-ndi Epejə kadə̄ ə́da de kə́rēý gə̄ kadə̄ ndóōn̄ de gə̄ yá̰á̰ kə́ rang gə̄ aĺ ō,

Bible sar

³ Tītə̄ ń m-ə́daīneé kété pá tá kadə̄ m-ɔ́tə m-āw̄ Masedəwan tə́ ní, ī-ndi Epejə kadə̄ ə́da de kə́rēý gə̄ kadə̄ ndóōn̄ de gə̄ yá̰á̰ kə́ rang gə̄ aĺ ō,

1 TIMOTE 1:3 Referans Kwoze

1 TIMOTE 6:3

Ré deē kógə̄ḿ ndóō de gə̄ yá̰á̰ kə́ rang ba əya̰ najə̄ kə́ rɔ̄kum gə̄ yā Kɔ́ɔ̄ɓē yājí Jeju Kərist kɔ̄ɔ́ ō, əya̰ yá̰á̰ ndóō kə́ əhɔn̄ naā kə taā kem yājí kɔ̄ɔ́ ō anī,

2 JA̰A̰ 1:7

Tɔdɔ̄ de gə̄ ngá̰ý kə́ ngé gól̄ de gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang tə́ laā. Nin̄-ədan̄ najə̄ yā Jeju Kərist ń reē i kə́ deē tə́ ní alé. De kə́ nge gól̄ loo ń i nge rɔ̄ɔ̄ Kərist ní, a ɔjə rɔ̄n kə̄ ndágá i tītə̄ ń noō.

1 TIMOTE 4:11

Yá̰á̰ ń kadə̄ ə́da de gə̄ kadə̄ rāān̄ ō, ī-ndóōdə́ ō ní n noó.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.

JEJU TEĒ KUM JA̰A̰ 2:20

Banī yá̰á̰ ń m̄-mbātə́ gōí tə́ ní, i kəya̰ ń ə́ya̰ Jesabel ní. Ni i dəyá̰ ń əda na ni na i nge koō ta banī ni i nge rāā kadə̄ ngé kəla yāḿ gə̄ ndúmə̄n̄ ní, tɔdɔ̄ ni-ndóōdə́ rāā ájə́ba kə́ yā ndɔ̄yń ɓesə̄ ō, kəsa dā̰ kə́ tɔ̄l̄ ba tun̄ kadə̄ ɓesə̄ gə̄ ō.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

1 TIMOTE 6:10

Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

1 TIMOTE 5:7

Yá̰á̰ ń kadə̄ ə́dádə́ kadə̄ rāān̄ ō, kadə̄ najə̄ gətóoń dɔdə́ tə́ ō ní n noó.

PILIPƏ 2:24

Tá m̄-ger̄ kemḿ tə́ majə kadə̄ Kɔ́ɔ̄ɓē a rāā seḿ, adə̄ mə̄kɔ́ m-ā m-āw̄sí noō ngɔr.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

KƏLA RĀĀ 18:19

Nin̄-ugə̄n̄ Epejə anī Pol əya̰ madə̄ mbān gə̄. Nəkɔ́ udə kújə́ kán̄ naā yā Jipə gə̄ tə́ ba ɔr̄ najə̄ sedə́.

KƏLA RĀĀ 18:21

Ba dan ń a rāā yā kəya̰də́ anī ədadə́ na: Ré Nə́ɓā ndigə anī m-ā m̄-tél yā reē loosí ɓáý. Ni un to bo Epejə.

Makətūbə̄ ń Pol ndang adə̄ Rom gə̄ ní 15:26

Tɔdɔ̄ ngé taā kem kə́ Masedəwan tə́ gə̄ ō kə́ Akayi tə́ gə̄ ō, ndigən̄ kɔsə dɔ yá̰a̰ naā tə́ tām̄ yā ngé ndoō gə̄ kə́ dan de gə̄ yā Nə́ɓā kə́ Jerusalem tə́.

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

2 KORḚNTƏ 11:4

Tɔdɔ̄ ré deē kógə̄ḿ reē ɔjəsí najə̄ yā Jeju kə́ rang ba i yā nge ń j-ɔjəsí najə̄ yān kété ní alé, aláa ə́hɔī ndíĺ kə́ rang kə̄ rɔ̄sí tə́ ba i nge ń ə́ngein̄ kété ní alé, aláa ī-taāī kem Najə̄ kə́ Majə kə́ rang ba i nge ń ī-taāī kem kété ní aĺ anī, sḭḭ̄ ī-tə́gāī tasí dɔ tə́ majə ngá̰ý.

2 TIMOTE 1:18

Ādə̄ Kɔ́ɔ̄ɓē rāā seneé, ba a̰a̰ kum tō ndoō yān ndɔ̄ sarya tə́. Yá̰a̰ malang ń ni-rāā adə̄m̄ kem ɓē kə́ Epejə tə́ ní, ḭ̄ ī-ger̄ majə tɔȳ de kə́ rang gə̄.