1 TIMOTE 1:15 - Bibəl ta Sar̄

¹⁵ Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

Bible sar

¹⁵ Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

1 TIMOTE 1:15 Referans Kwoze

MARK 2:17

Loo ń Jeju oō beé anī ədadə́ na: I ngé rɔ̄ ngan̄g gə̄ n a sāān̄ nja doktór ní alé, ba i ngé rɔ̄ ngan̄g aĺ gə̄ n a sāān̄ njan ní.

Najə̄ kə́ Majə yā Jeju ń Luk ndang ní 19:10

Tɔdɔ̄ Ngōn̄ Deē reē i sāā ngé kə́ tadə́ tḭ̄ḭ̄ gə̄ tə́ ō, kajədə́ tə́ ō.

JA̰A̰ 12:47

Ré deē kógə̄ḿ oō najə̄ yāḿ banī rāā yá̰a̰ gə̄ ń m-ə́dá ní aĺ anī, i mā n m-ā m̄-gān̄g sarya dɔn tə́ ní alé. Tɔdɔ̄ m̄-reē i gān̄g saryaá dɔ de kə́ dɔ nang tə́ gə̄ tə́ alé, banī i kajə de kə́ dɔ nang tə́ gə̄ tə́.

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

Najə̄ kə́ Majə yā Jeju ń Luk ndang ní 5:32

m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́ kadə̄ tūrə̄n̄ háĺdə́.

1 JA̰A̰ 3:5

Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

1 TIMOTE 1:13

Mā ń kété m̄-ndájə̄ najə̄ dɔn tə́ ō, m̄-rāā kumən ndoō tə́ ō, m̄-rāān majaĺ ngá̰ý ō ní. Banī Nə́ɓā a̰a̰ kum tō ndoō yāḿ, tām̄ dan ń noō tə́ ní, m̄-taā kem Kərist alé. Tɔdɔ̄ m̄-rāā yá̰a̰ i kə́ de kə́ ger̄ yá̰a̰ aĺ tə́.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

1 KORḚNTƏ 15:9

Tɔdɔ̄ mā i kə́ dūú ngá̰ý dan ngaḿbang kəla gə̄ tə́ malang. Kə́ rɔ̄kum tə́ ɓáa m-ásə kadə̄ ɓāŕmə̄n̄ ngōmbang kəla alé, tɔdɔ̄ m̄-rāā Egəlijə yā Nə́ɓā yá̰á̰ kə́ tōr̄.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

MATIYE 9:13

Āw̄ ī-ndóōī kum najə̄ yā Nə́ɓā ń na, yá̰á̰ ń m̄-gḛy ní i rāā kem majə ba i-tɔ̄l̄ dā̰ tun̄ kadə̄m̄ alé ní. Tɔdɔ̄ m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́.

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

1 TIMOTE 4:9

Najə̄ ń toō i najə̄ kə́ rɔ̄kum kə́ to kadə̄ de gə̄ taān̄ kem kə taá malang.

Makətūbə̄ ń Pol ndang adə̄ Rom gə̄ ní 5:6

I dan ń tɔ́gə́jí gətóoń ɓáý ní n Kərist oyń tām̄ yā ngé rāā majaĺ gə̄ tə́, ndɔ̄ ń Nə́ɓā ɔjəń tə́ ní.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

1 TIMOTE 3:1

Najə̄ ń toō i najə̄ kə́ rɔ̄kum kə́ to kadə̄ deē taā kem. Ré deē sāā kəla kɔr no ngé kán̄ naā gə̄ anī, gḛy i kəla kə́ majə.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

JEJU TEĒ KUM JA̰A̰ 22:6

Gō tə́ anī de kə́ dɔ rā̰ tə́ ní ədam̄ na najə̄ ń toō i najə̄ kə́ rɔ̄kum ō, asə kadə̄ deē taā kem ō. Ba Kɔ́ɔ̄ɓē Nə́ɓā ń i nge kəndā najə̄ ta ngé koō ta gə̄ tə́ ní, əla deē yān kə́ dɔ rā̰ tə́ kadə̄ ɔjə ngé kəla yān gə̄ yá̰á̰ ń a rāā yā rāā yá̰a̰ ngɔr ní.

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

2 TIMOTE 2:11

Najə̄ gə̄ ń toō i ngarān̄g kum najə̄: Ré j-oyiī seneé anī, j-a jə-ndiī kə kumjí naā tə́ seneé ō.

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

JEJU TEĒ KUM JA̰A̰ 21:5

Anī nge ń ndi dɔ kōr̄ kāgə̄ mbang tə́ ní əda na: Á̰a̰ī, yá̰a̰ malang i kə́ m̄-rāā kijə. Ba nge ń ndi dɔ kōr̄ kāgə̄ mbang tə́ ní əda ɓáý to̰ na: Ī-ndang najə̄ ń toō. Tɔdɔ̄ i najə̄ kə́ rɔ̄kum ō, asə kadə̄ deē əndā kemən dɔ tə́ ō.

1 JA̰A̰ 5:11

Najə̄ kə́ kum tə́ ní n toó: Nə́ɓā adə̄jí ndi kə kumuú kə́ ngándáńg, ba ndi kə kumuú ngeé ń toō ní i kem Ngōnən tə́.

1 TIMOTE 1:19

Ī-ngɔ̄m̄ taā kem ō, ādə̄ kemií ɔjiī yá̰á̰ kógə̄ḿ kə́ majaĺ aĺ ō. De kə́rēý gə̄ mbātə́n̄ koō najə̄ yā kemdə́ kə́ ɔjədə́ yá̰á̰ kógə̄ḿ kə́ majaĺ aĺ ngeé ń toō. I tītə̄ ń noō n nin̄-rāān̄neé adə̄ taā kem yādə́ əsōń kɔ̄ɔ́ ní.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

KƏLA RĀĀ 11:18

Dan ń nin̄-oōn̄ beé anī asədə́ kɔr̄ najə̄, ba ɔsən̄ gɔn Nə́ɓā ədan̄ na: Yá̰á̰ ní i tītə̄ ń toō rɔ̄kum tā, de gə̄ ń i Jipə aĺ gə̄ ní Nə́ɓā adə̄də́ ta róbə tūr̄ háĺdə́, yā kadə̄ nin̄-əngen̄neé ndi kə kumuú kə́ rɔ̄kum.

KƏLA RĀĀ 11:1

Ngámbang kəla gə̄ ō, ngákó̰ó̰jí gə̄ ō ń ndin̄ gō nang kə́ Jude tə́ ní, oōn̄ kadə̄ de gə̄ ń nin̄ i Jipə aĺ gə̄ ní gə̄gē na ndigən̄ najə̄ yā Nə́ɓā ō.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

Najə̄ kə́ Majə yā Jeju ń Luk ndang ní 15:2

Anī Parijiyḛ gə̄, kə ngé ndóō de gə̄ ndū najə̄ gə̄ a yṵ́rə̄n̄ najə̄ dɔ Jeju tə́ ədan̄ na: Deē ngeé ń toō ní a əhɔ ngé rāā majaĺ gə̄ kə̄ rɔ̄n tə́ ō, a əsa yá̰a̰ sedə́ ō wa!

Makətūbə̄ ń Pol ndang adə̄ Rom gə̄ ní 11:14

Kadə̄ ngé gə̄ ń nin̄ i mósə́ḿ gə̄ ní əndāmə̄n̄ nii dɔ tə́, anī m-ájəń ngé kə́rēý gə̄.

1 TIMOTE 6:13

Nə́ɓā kə́ nge rāā kadə̄ yá̰a̰ malang ndi kə kumneé ō, Kərist Jeju ń əda najə̄ kə́ kum tə́ ta kum Po̰sə Pilatə tə́, adə̄ əda i najə̄ taā kem kə́ majə ngá̰ý kə̄ ndágá ō ní, m-ə́daī yá̰á̰ ń toō ta kumdə́ tə́ kadə̄ ī-rāā:

MATIYE 18:11

Tɔdɔ̄ Ngōn̄ Deē reē i kajə ngé gə̄ ń tadə́ tḭ̄ḭ̄ kɔ̄ɔ́ tə́ ní.