1 TIMOTE 1:14 - Bibəl ta Sar̄

¹⁴ Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.

Bible sar

¹⁴ Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə *Kərist Jeju.

1 TIMOTE 1:14 Referans Kwoze

2 TIMOTE 1:13

Ī-ndájə̄ najə̄ kə́ rɔ̄kum gə̄ ń m-ɔ̄r̄ seí ní ō, ī-ra ngan̄g dɔ taā kem tə́ ō, dɔ táŕ ń j-awīneé kə gō ɓoo kə́ jə-ɓooī naā kə Jeju Kərist ní ō.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

1 JA̰A̰ 4:10

Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

Teē Ngán Israel gə̄ 34:6

Kɔ́ɔ̄ɓē mān̄ no Moijə tə́, anī əda kə ndū boó na: Mā i Kɔ́ɔ̄ɓē, mā i Kɔ́ɔ̄ɓē. Mā i Nə́ɓā kə́ kumḿ a o̰o̰m̄ kə deé ō, kə́ m-á̰a̰ kum tō ndoō yā deē ō, kə́ m-ā m̄-rāā wōn̄g láẃ aĺ ō, mā m̄-rāā kem majə ngá̰ý ō, mā i de kə́ m̄-ra dɔ ndūḿ tə́ ō.

JEJU TEĒ KUM JA̰A̰ 22:21

Ādə̄ Kɔ́ɔ̄ɓē Jeju rāā kem majə sesí malang!

1 TESALONIK 5:8

Banī jḭḭ̄ ń i de kə́ kadaá gə̄ ní, ādə̄ j-əhɔī rɔ̄jí dɔ yá̰á̰ tə́. J-əlaī kūbə̄ gində̄ ń i taā kem ō, tár ō ní rɔ̄jí tə́ ō, jākā kəndā kem dɔ kajə tə́ dɔjí tə́ ō.

KƏLA RĀĀ 15:11

Tá jə-taāī kem kadə̄ Kɔ́ɔ̄ɓē Jeju rāā i kem majə sejí n ajəńjí tītə̄ ń ajəńdə́ nin̄ ō ní.

1 KORḚNTƏ 3:10

Nə́ɓā rāā seḿ kə gō kem ndaa yānneé adə̄ m-ə̄ndā ngəra kújə i tītə̄ kɔdə̄ nge kəndā kújə́ kə́ ger̄ kəla yān majə beé, ba de kə́ rang rāā kújə dɔ tə́. Banī ādə̄ de gə̄ kógə̄ḿ kógə̄ḿ a̰a̰n̄ majə ké a əndān̄ kújə́ ní i ba̰ý dɔ tə́ wa.

2 KORḚNTƏ 4:15

Ba yá̰a̰ malang ń rāājí ní i tām̄ yāsí sḭḭ̄ tə́. I tītə̄ ń noō n Nə́ɓā a rajəń de gə̄ kə̄ kété kété, yā kadə̄ kutə ngé ndadə̄n yā kɔsəń gɔnən gə̄ i ngá̰ý ní.

GALATƏ 1:13

Tām̄ sḭḭ̄ ōōī gotə háĺ yá̰a̰ rāāḿ kə́ kété jóo gə̄, dan ń mā m̄-rāań kəla m-ādə̄ Nə́ɓā kə gō róbən yā Jipə gēé ní. m̄-rāā kum Egəlijə yā Nə́ɓā ndoō tə́ kə ngangāá ngá̰ý ō, m̄-rāādə́ yá̰á̰ kə́ majaĺ ngá̰ý ō.

1 TIMOTE 2:15

Ɓá tā ba ni a ajə i kə ta kūl̄ kojə ń ojə ngōn̄ ní. Ba i loo ń ré ni-əhɔ rɔ̄n tɔgə dɔ róbə taā kem tə́ ō, táŕ tə́ ō, háĺ kə́ unjə̄ njáý njáý tə́ ō, kə kɔjə rɔ̄ɔ́ aĺ ō ní tá.

1 TIMOTE 4:12

Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní.

TITƏ 2:2

Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō.

MATIYE 20:9

Ngé gə̄ ń aw̄n̄ ndɔrɔ́ ta jī mbang kur tə́ ní reēn̄ anī əngen̄ njáŕ sə́lē arjā̰a̰ kógə̄ḿ kógə̄ḿ kə dɔdə́ gēé.