1 TIMOTE 1:12 - Bibəl ta Sar̄

¹² m̄-ndadə̄ Kɔ́ɔ̄ɓē Kərist Jeju nge kadə̄m̄ tɔ́gə, tām̄ ni-a̰a̰ kadə̄ m-ásə kadə̄ ni-ənī kemən adə̄m̄, adə̄ unəm̄ kəla yān tə́.

Bible sar

¹² m̄-ndadə̄ Kɔ́ɔ̄ɓē *Kərist Jeju nge kadə̄m̄ tɔ́gə, tām̄ ni-a̰a̰ kadə̄ m-ásə kadə̄ ni-ənī kemən adə̄m̄, adə̄ unəm̄ kəla yān tə́.

1 TIMOTE 1:12 Referans Kwoze

PILIPƏ 4:13

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ Kərist nge kadə̄m̄ tɔ́gə.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

KOLOSƏ 1:25

Mā m̄-tél nge kəla yā ngé kán̄ naā gə̄, i kadə̄ m̄-rāā kəla ń Nə́ɓā mērə̄m̄ rāā ní. I kadə̄ m-ɔ́jə́sí najə̄ yā Nə́ɓā malang kə taá.

PILIPƏ 2:11

kadə̄ de gə̄ malang ədan̄ na Jeju Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

2 KORḚNTƏ 4:1

Nə́ɓā a̰a̰ kum tō ndoō yājí, adə̄ ni-adə̄jí kəla ń toō. I tām̄ najə̄ ń noō tə́ n tɔ́gə́jí urə̄ń wak aĺ ní.

1 KORḚNTƏ 7:25

Najə̄ yā dəngam aláa dəyá̰ kə́ ḭḭ kə̄ nang tə́ ba taā deē aĺ ɓáý ní, yá̰á̰ kə́ Kɔ́ɔ̄ɓē ədam̄ kadə̄ m-ə́dásí dɔ tə́ ní gətóo, ba m-ɔ́jə́sí i gír̄ kə́ kemḿ tə́, kə́ loo de kə́ Kɔ́ɔ̄ɓē rāā kem majə seneé tə́ adə̄ ásiī taā kemən tə́.

KƏLA RĀĀ 9:22

Banī tɔ́gə́ Sol kə́ loo kɔjə najə̄ tə́ aw̄ i kum kə̄ kété kété. Dan ń ni ɔjə Jipə kə́ Damas tə́ gə̄ unjə̄ ngá̰ý kadə̄ Jeju i Kərist ní a, nin̄-gerə̄n̄ najə̄ kə́ yā kəda to̰ alé.

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

KƏLA RĀĀ 16:15

Dan ń rāānən̄ batém naā tə́ kə ngéén gēé oy anī, mēr̄jí kaw̄ looneé, ni-ədají na: Ré á̰a̰ī kadə̄ m̄-taā kem Kɔ́ɔ̄ɓē rɔ̄kum anī, ī-reē ī-ndiī looḿ. Ni-ɔsə sejí ta kaw̄ looneé.

1 TIMOTE 1:11

Yá̰á̰ ndóō ń toō to tū Najə̄ kə́ Majə tə́. Ba i Najə̄ kə́ Majə n i nge rāā kadə̄ jə-gerī yá̰á̰ ń i kɔsə gɔn yā Nə́ɓā ní. Nə́ɓā ń i nge rāā kadə̄ kemjí nel̄jí ní, adə̄m̄ kəla kɔjə de gə̄ Najə̄ kə́ Majə ngeé ń toō.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

1 KORḚNTƏ 3:5

Ní, Apolos i náā ō, Pol i náā ō? Nin̄ i ngé rāā kəla gə̄ yā Nə́ɓā kə́ ī-taāī kem i kə kūl̄də́ ngóy. Nin̄ kógə̄ḿ kógə̄ḿ ní rāān̄ kəla i kə gō tɔ́gə́ ń Kɔ́ɔ̄ɓē adə̄də́ ní.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

1 TIMOTE 1:1

I mā Pol ń i ngōmbang kəla yā Kərist Jeju kə gō kem ndigə yā Nə́ɓā kə́ nge kajəjí ō, kə gō kem ndigə yā Kərist Jeju ń j-əndāī kemjí dɔn tə́ ō ní,

1 TIMOTE 1:2

n m-ə́la kə makətūbə̄ ń toō m-ādī ḭ̄ Timote ní. Ḭ̄ i ngōnə̄ḿ kə́ rɔ̄kum, tɔdɔ̄ i mā n m̄-rāā adə̄ ī-taā kem ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Kərist Jeju rāān̄ kem majə seí ō, a̰a̰n̄ kum tō ndoō yāí ō, sɔlə̄n̄ kemií ō.

1 TIMOTE 6:13

Nə́ɓā kə́ nge rāā kadə̄ yá̰a̰ malang ndi kə kumneé ō, Kərist Jeju ń əda najə̄ kə́ kum tə́ ta kum Po̰sə Pilatə tə́, adə̄ əda i najə̄ taā kem kə́ majə ngá̰ý kə̄ ndágá ō ní, m-ə́daī yá̰á̰ ń toō ta kumdə́ tə́ kadə̄ ī-rāā:

2 TIMOTE 2:2

Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.

TITƏ 1:4

m̄-ndang makətūbə̄ ń toō m-ə́lań m-ādə̄ i ḭ̄ Titə, ngōnə̄ḿ kə́ rɔ̄kum sɔɔ̄ń taā kem kə́ kógə̄ḿ beē kə́ j-əga naā dɔ tə́. Ādə̄ Bɔbə̄jí Nə́ɓā nin̄ kə Jeju Kərist nge kajəjí, rāān̄ kem majə seí ō, sɔlə̄n̄ kemií ō.

PILEMO̰ 1:9

m̄-gír̄ kadə̄ i só tə́ kadə̄ m-ə̄ndā tɔ́gə́ḿ dɔ tár tə́ m̄-rāāīneé ɓɔ́: Mā Pol ń i ɓə́ga ō, i dəngáy tām̄ yā Jeju Kərist tə́ kə̄ dɔ tə́ ɓáý to̰ ngɔlaā ō ní,

MATIYE 20:4

Anī ni-ədadə́ na kə aw̄ rāān̄ kəla kem ndɔr̄ kāgə̄ nduú yān tə́ ō, na n-a n-adə̄də́ gúrsə kə́ asə kə gō kəla yādə́. De gə̄ ní aw̄n̄ ndɔr̄ ní tə́.