1 TIMOTE 1:11 - Bibəl ta Sar̄

¹¹ Yá̰á̰ ndóō ń toō to tū Najə̄ kə́ Majə tə́. Ba i Najə̄ kə́ Majə n i nge rāā kadə̄ jə-gerī yá̰á̰ ń i kɔsə gɔn yā Nə́ɓā ní. Nə́ɓā ń i nge rāā kadə̄ kemjí nel̄jí ní, adə̄m̄ kəla kɔjə de gə̄ Najə̄ kə́ Majə ngeé ń toō.

Bible sar

¹¹ Yá̰á̰ ndóō ń toō to tū Najə̄ kə́ Majə tə́. Ba i Najə̄ kə́ Majə n i nge rāā kadə̄ jə-gerī yá̰á̰ ń i *kɔsə gɔn yā Nə́ɓā ní. Nə́ɓā ń i nge rāā kadə̄ kemjí nel̄jí ní, adə̄m̄ kəla kɔjə de gə̄ Najə̄ kə́ Majə ngeé ń toō.

1 TIMOTE 1:11 Referans Kwoze

GALATƏ 2:7

Banī nin̄-a̰ā̰n̄ kadə̄ Nə́ɓā adə̄m̄ mā kəla kɔjə de gə̄ ń nin̄ i Jipə aĺ gə̄ ní Najə̄ kə́ Majə, tītə̄ ń adə̄ń Piyer kəla kɔjə Jipə gə̄ Najə̄ kə́ Majə ní.

TITƏ 1:3

Dan ń kum mbang yān asə anī, ni-teē kə najə̄neé kə̄ ndágá kə ta kūl najə̄ yān. Najə̄ ndi kə kumuú ní i tū kəla ń əndān̄ taḿ tə́ ní. Ba i Nə́ɓā nge kajəjí n ɔsə seḿ ta kənī mbērən ní.

1 TIMOTE 6:15

Ni a ɔjə rɔ̄n kə̄ ndágá i kum mbang ń Nə́ɓā a ɔjə tə́ ní. I nəkɔ́ kógə̄ḿ beē ngóy n i dɔ yá̰a̰ gə̄ tə́ ō, nge rāā kadə̄ kemjí nel̄jí ō, Mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō ní.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

Makətūbə̄ ń Pol ndang adə̄ Rom gə̄ ní 2:16

I yá̰á̰ ń toō n a teē ta kumjí tə́ wáńg ndɔ̄ ń Nə́ɓā a gāngəń sarya dɔ yá̰á̰ kə́ to loo mundə̄ tə́ yā de gə̄ tə́ kə ta kūl̄ Jeju Kərist ní. Najə̄ kə́ Majə ń m-ɔ́jə́sí ní əda i tītə̄ ń noō ō.

2 TIMOTE 2:2

Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.

2 TIMOTE 1:14

Ī-ngɔ̄m̄ yá̰á̰ ndóō kə́ majə gə̄ ń ɔjiīn̄ ní kə ta kūl̄ Ndíĺ kə́ Táĺ ń ndi kemjí tə́ ní.

2 TIMOTE 1:11

Nə́ɓā əndā kəla kɔjə Najə̄ kə́ Majə ngeé ń toō dɔḿ tə́, adə̄ mā i ngōmbang kəla ō, nge ndóō de gə̄ yá̰a̰ ō.

1 TIMOTE 6:20

Ɓɔ́ Timote, yá̰a̰ ɓɔ̄ɔ̄ ní, ī-ngɔ̄m̄ ādə̄ to kə taá. Ī-mbātə́ kɔr̄ najə̄ kə́ kanjə̄ kumən gə̄, tɔdɔ̄ najə̄ gə̄ ní mbātə́n̄ naā kə taā kemeé ō, ī-mbātə́ najə̄ kə́ kɔy kə̄ naā tə́ ń i yá̰a̰ ger̄ kə́ rɔ̄kum aĺ ní ō.

1 TIMOTE 2:7

Əndāmə̄n̄ kɔdə̄ mbēr̄ ō, ngōmbang kəla ō, i tām̄ yā najə̄ kə́ kum tə́ yān ngeé ń toō tə́. M-ə́da i najə̄ kə́ rɔ̄kum, ba m̄-sor̄ i mbée alé, mā i nge ndóō nápar de kə́ rang gə̄ yá̰á̰ ń majə kadə̄ deē taā kem ní ō, yá̰á̰ ń i yá̰á̰ kə́ rɔ̄kum ní ō.

1 TESALONIK 2:4

banī Nə́ɓā nāājí pá tá adə̄jí kəla kɔjə Najə̄ kə́ Majə ní. Adə̄ j-ɔjə najə̄ i kadə̄ nel̄ de gə̄ alé, ba i kadə̄ nel̄ Nə́ɓā ń nāā ngarān̄g kemjí ní.

KOLOSƏ 1:25

Mā m̄-tél nge kəla yā ngé kán̄ naā gə̄, i kadə̄ m̄-rāā kəla ń Nə́ɓā mērə̄m̄ rāā ní. I kadə̄ m-ɔ́jə́sí najə̄ yā Nə́ɓā malang kə taá.

EPEJƏ 3:10

I yā kadə̄ ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō ń ndin̄ dɔ rā̰ tə́ ní, gerə̄n̄neé kum kedə̄ kə́ tayā tayā gə̄ yā Nə́ɓā ngɔlaā kə ta kūl̄ ngé kán̄ naā gēé.

EPEJƏ 2:7

Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo.

EPEJƏ 1:12

I beé ní, jḭḭ̄ ń j-əndāī kemjí dɔ Kərist tə́ ta kəga dɔ ní, ādə̄ jə-tɔ̄yī Nə́ɓā ń i de kə́ bo ní.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

1 KORḚNTƏ 9:17

Ré m-ɔ́jə de gə̄ i kə gō kem ndigə yāḿ mə̄kɔ́ anī, m-ásə kənge yá̰a̰ kəndā nja yāḿ. Ba dan ń i gáŕ kadə̄ m-ɔ́jə́ ní, i kəla kə́ əndān̄ i dɔḿ tə́.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

PĀ GƏ̄ 138:2

M-ɔ́sə noḿ nang tə́ sɔɔ̄ kújə́ kə́ táĺ yāí ō, m̄-tɔ̄ȳ rīí ō, i tām̄ kem majə yāí tə́ ō, najə̄ kə́ rɔ̄kum yāí tə́ ō, tɔdɔ̄ ḭ̄ ī-rāā i yá̰á̰ ń ə̄nī míndí yā rāā ní ō, ḭ̄ ī-rāā ādə̄ mān̄ dɔ ō.