1 TIMOTE 1:10 - Bibəl ta Sar̄

¹⁰ ngé sāā naā loo kaya tə́ gə̄ ō, ngé sāā dəngam madə̄də́ gə̄ ō, ngé kigə de gə̄ ō, ngé sor̄ gə̄ ō, ngé túbə̄ dɔ sor̄ tə́ gə̄ ō, aláa ngé rāā yá̰á̰ kə́ rang gə̄ malang kə́ mbātə́ yá̰á̰ ndóō kə́ rɔ̄kum ō.

Bible sar

¹⁰ ngé sāā naā loo kaya tə́ gə̄ ō, ngé sāā dəngam madə̄də́ gə̄ ō, ngé kigə de gə̄ ō, ngé sor̄ gə̄ ō, ngé túbə̄ dɔ sor̄ tə́ gə̄ ō, aláa ngé rāā yá̰á̰ kə́ rang gə̄ malang kə́ mbātə́ yá̰á̰ ndóō kə́ rɔ̄kum ō.

1 TIMOTE 1:10 Referans Kwoze

LEBI GƏ̄ 18:22

Ā ī-ɓīī kə dəngam tītə̄ ń ɓīīnəń kə dəyá̰ ní alé, tɔdɔ̄ nge ń noō i yá̰á̰ kə́ gōtə́ aĺ ngá̰ý.

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

Makətūbə̄ ń Pol ndang adə̄ Rom gə̄ ní 1:26

I tām̄ najə̄ ń noō tə́ n Nə́ɓā əya̰də́ jī ngur yá̰á̰ kə́ to rɔ̄sɔl̄ gə̄ ń rāādə́ tə́ ní. I beé n nə̄yá̰də́ gə̄ a sāān̄ i dəngam gə̄ alé, ba a sāān̄ i dəyá̰ madə̄də́ gə̄ ní.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

1 TIMOTE 6:3

Ré deē kógə̄ḿ ndóō de gə̄ yá̰á̰ kə́ rang ba əya̰ najə̄ kə́ rɔ̄kum gə̄ yā Kɔ́ɔ̄ɓē yājí Jeju Kərist kɔ̄ɔ́ ō, əya̰ yá̰á̰ ndóō kə́ əhɔn̄ naā kə taā kem yājí kɔ̄ɔ́ ō anī,

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

TITƏ 1:9

Ni i nge kəhɔ najə̄ kə́ to kadə̄ deē taā kem kadə̄ ngan̄g, adə̄ i najə̄ kə́ əhɔn̄ naā kə yá̰á̰ ń ni-ndóō ní. Loo ń noō tə́ ni-asə kadə̄ de gə̄ tɔ́gə kə yá̰á̰ ndóō kə́ rɔ̄kum ō, ni-asə kɔjə kə̄ ndágá kadə̄ najə̄ yā ngé mbātə́ najə̄ gə̄ i rɔ̄kum aĺ ō.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

LEBI GƏ̄ 20:13

Ré dəngam ɓīī kə dəngam madə̄n tītə̄ loo ɓīī kə dəyá̰ anī, nin̄ jōó mbak rāān̄ i yá̰á̰ kə́ gōtə́ aĺ ngá̰ý, adə̄ a tɔ̄lə̄n̄də́ kɔ̄ɔ́. Mósə́də́ a na̰y i dɔdə́ nin̄ kɔ́ gə̄ tə́.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

2 TIMOTE 1:13

Ī-ndájə̄ najə̄ kə́ rɔ̄kum gə̄ ń m-ɔ̄r̄ seí ní ō, ī-ra ngan̄g dɔ taā kem tə́ ō, dɔ táŕ ń j-awīneé kə gō ɓoo kə́ jə-ɓooī naā kə Jeju Kərist ní ō.

JA̰A̰ 8:44

Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.

Teē Ngán Israel gə̄ 21:16

Deē ń ɓogə deē ndul ní, a tɔ̄l̄nən̄ kɔ̄ɔ́, ká igə seneé kɔ̄ɔ́ aáā, ká əngenən̄ ɓēé looneé ɓáý gə̄gē anī, a tɔ̄l̄nən̄ kɔ̄ɔ́.

TA KƏLA 19:5

Nin̄ ɓārə́n̄ Lot ədanən̄ na: De gə̄ ń reēn̄ looí ndɔ̄ɔ́ laā ní, nin̄ i rá? Ī-teē sedə́ kə̄ rɔ̄jí tə́ ādə̄ jə-ɓīī sedə́ kə́ dəyá̰ tə́.

TITƏ 1:13

Najə̄ ń deē ń nuū əda ní, i najə̄ kə́ rɔ̄kum. Adə̄ majə kadə̄ ī-ndán̄gdə́ tá kadə̄ taā kem yādə́ i taā kem kə́ gō tə́.

Teē Ngán Israel gə̄ 20:7

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

JEJU TEĒ KUM JA̰A̰ 18:13

Kə́ rang gə̄ i kadə kāgə̄ kanel ō, yá̰a̰ kum tá̰á̰ kə́ otə majə ō, ndujə̄ yá̰á̰ kə́ otə majə gə̄ ō, nō kāgə̄ mír ō, kajaja ō, kasə nduú ō, yibə̄ ō, ndujə̄ kə́ lándə̄ ō, kōō gémē ō, man̄g gə̄ ō, batə̄ gə̄ ō, sə́nda gə̄ ō, púsə rɔ̄ɔ̄ gə̄ ō, ɓəlo gə̄ ō, dəngáy gə̄ ō.

JAKARI 8:17

Kɔ́ɔ̄ɓē ɔr̄ najə̄, əda na: Ī-lōōī gír̄ rāā yá̰á̰ kə́ majaĺ kə naá. Ī-mbātíī túbə̄ dɔ lám̄ tə́. Yá̰a̰ rāā kə́ majaĺ gə̄ malang ń noō ní, nelə̄m̄ aĺ ngá̰ý. I mā Kɔ́ɔ̄ɓē n m-ə́da najə̄ ń noō ní.

OJEE 10:4

Nin̄ ɔrə̄n̄ najə̄ ngá̰ý ō, túbən̄ túbə́ kə́ rɔ̄kum aĺ gə̄ ō, əndān̄ jīdə́ gír makətūbə̄ gə̄ kə́ nin̄ ənīn̄ń ndūdə́ adə̄n̄ naā tə́ ō. Banī ɓōĺ gidə yá̰á̰ kə́ súmūú to i tītə̄ mu kə́ a tɔ̄l̄ de kə́ əɓa kem ndɔrɔ́ beē tām̄ yādə́ tə́.

NDŪ NAJƏ̄ 24:7

Ré de kə́rēý ɓogə ngōkó̰o̰n kógə̄ḿ kə́ dan ngán Israel gə̄ tə́ rāān ɓəlo tə́, aláa igə seneé anī, i gáŕ kadə̄ a tɔ̄l̄nən̄ kɔ̄ɔ́. I beé n ā ɔ̄rəń yá̰á̰ kə́ majaĺ mbo̰ō̰í tə́ kɔ̄ɔ́ ní.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JAKARI 5:4

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: M-ə̄nī ndɔ̄ĺ ń noō i yā kadə̄ udə kem kújə yā ngé ɓogə gə̄ tə́ ō, kadə̄ udə ɓē de gə̄ malang ń unən̄ rīḿ a túbənə̄ń dɔ láḿ tə́ ní ō. Ndɔ̄ĺ ní a ndi noó ō, a nujə yá̰a̰ malang kɔ̄ɔ́ ō. A nujə sáā kāgə̄ gə̄ gə̄gē, mbal̄ gə̄ gə̄gē, kɔ̄ɔ́.

TA KƏLA 40:15

Tɔdɔ̄ na əhɔnən̄ na i kə gúú dɔ nang yā Hebəro gə̄ tə́ n na reēn̄ seneé ní, tá laā gə̄gē ní na n-rāā yá̰á̰ kə́ kadə̄ deē ənīnəń dəngáyá aĺ ō.

TA KƏLA 37:27

Kadə̄ kə n-igən̄ seneé jī ngán Ismael gə̄ ń noō tə́ ba kə n-lōōn̄ tɔ̄lə̄n, tɔdɔ̄ na i ngōkó̰ó̰də́. Ngákó̰o̰n gə̄ ndigən̄ gōn tə́.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.