1 TESALONIK 1:3 - Bibəl ta Sar̄

³ Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

Bible sar

³ Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

1 TESALONIK 1:3 Referans Kwoze

1 KORḚNTƏ 13:13

Ngɔlaā ní yá̰a̰ gə̄ ń ton̄ gotoó ní gíŕdə́ i mətá: I taā kem ō, kəndā kem dɔ Nə́ɓā tə́ ō, tár ō. Ba dandə́ nin̄ kə́ mətá gə̄ tə́ ní, nge kə́ bo tɔȳdə́ malang i tár.

JEJU TEĒ KUM JA̰A̰ 2:19

m̄-ger̄ kəla rāāí gə̄ ō, tár yāí ō, taā kem yāí ō, kəla yāí ō, kəhɔ rɔ̄ tɔgə yāí ō, m̄-ger̄ kadə̄ kəla rāāī kə́ gogə́ laā tɔȳ nge kə́ ta kəla gíŕ tə́ ō.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

2 TESALONIK 1:11

I tām̄ ń toō tə́ n jə-ndɔ̄ȳ Nə́ɓā ngándáńg tām̄ yāsí tə́ ní, yā kadə̄ de gə̄ rāān̄sí de gə̄ kə́ ásiī tām̄ yā ɓāŕ ń Nə́ɓā ɓāŕsí tə́ ní. Yā kadə̄ Nə́ɓā adə̄sí tɔ́gə kadə̄ ī-rāāīneé yá̰a̰ malang kə́ majə ń kemsí gḛy ní ō, rāā adə̄ taā kem yāsí rāā kəla ō.

1 JA̰A̰ 5:3

Tɔdɔ̄ yá̰á̰ ń i tár Nə́ɓā ní n toó: I rāā yá̰a̰ kə gō míndəneé, ba gō míndən i yá̰á̰ kə́ ɔȳ gə̄ alé.

GALATƏ 6:9

Jə-rāāī yá̰á̰ kə́ majə kanjə̄ kɔr loon tə́. Ré j-ɔriī ta kəla yājí tə́ aĺ anī, j-a j-əjaī kanə̄n loo ń ndɔ̄ a asə ní.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

1 TESALONIK 3:6

Ba ngɔlaā ní, Timote ḭḭ rɔ̄sí tə́ tél ugə̄ rɔ̄jí tə́, ədají najə̄ kə́ majə kə́ dɔ taā kem yāsí tə́ ō, tár yāsí tə́ ō. Ədají na ī-gírī dɔjí tə́ majə ngándáńg ō, ngur ka̰a̰jí na rāāsí tītə̄ yājí ō.

1 JA̰A̰ 3:18

Ngánə́ḿ kə́ dūú gə̄, ādə̄ jə-táriī kə najə̄ kə́ tají tə́ aĺ ō, kə ta ndo̰jí aĺ ō, banī kə yá̰a̰ rāājí kə́ rɔ̄kum.

HEBƏRO 10:36

Majə kadə̄ ī-tə́gāī tasí ī-rāāīneé yá̰á̰ ń Nə́ɓā ndigə ní, yā kəngeń yá̰á̰ ń ni-ənī míndə dɔ tə́ yā kadə̄sí ní ō.

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

2 TESALONIK 1:3

Ngákó̰ó̰jí gə̄, majə kadə̄ jə-ndadə̄ Nə́ɓā ngándáńg tām̄ yāsí tə́. Nge ń noō i gō tə́, tɔdɔ̄ taā kem yāsí aw̄ kum kə̄ kété kété kə ngangāá ngá̰ý ō, tár yāsí kə́ tām̄ yā naā tə́ a aw̄ i kum kə̄ kété kété ō.

1 JA̰A̰ 3:21

Kó tár yāḿ gə̄, ré kemjí əhɔjí kə najá aĺ anī, j-a jə-sōlī yá̰á̰ kógə̄ḿ ta kum Nə́ɓā tə́ alé.

1 PIYER 3:4

Ba ādī majə yāsí i majə kə́ ngarān̄g kemsí tə́. Ādī i majə kə́ a nujə aĺ bátə́ ń i majə yā háĺ kə́ sɔl̄ lɔ́ḿ lɔ́ḿ ō, yā ndíl de kə́ ndi jəke ō ní tá. I majə ń noō n i majə kə́ gātə̄n i ngá̰ý ta kum Nə́ɓā tə́ ní.

HEBƏRO 11:17

Dan ń nāān̄ Abəraham ní, i kə ta kūl̄ taā kem n ni-ndigə tun̄ Isaak kadə̄ Nə́ɓā ní. Tá Nə́ɓā ənī míndən adə̄n kété, banī ni-ndigə tun̄ ngōnən kə́ kal kógə̄ḿ beē kadə̄ Nə́ɓā.

HEBƏRO 6:15

Dan ń Abəraham tə́gā tan ndi ngóoń ta ní, ni-ənge yá̰á̰ ń Nə́ɓā ənī míndən yā kadə̄n ní.

1 TIMOTE 2:3

I nge ń noō n i yá̰á̰ kə́ majə ō, i yá̰á̰ kə́ nel̄ Nə́ɓā nge kajəjí ō ní.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

Makətūbə̄ ń Pol ndang adə̄ Rom gə̄ ní 16:6

Ī-rāāī Mari ń ɔr sesí ngá̰ý ní lápə́ya ādə̄mī ō.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

JA̰A̰ 14:15

Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,

PĀ KƏ́ MAJƏ 8:7

Man̄ kə́ bo ngá̰ý gə̄ asən̄ tɔ̄l̄ hor tár aĺ ō, bā gə̄ asən̄ tíbə dɔn aĺ ō. Ká ré deē ɔyń yá̰a̰ kənge yān kə́ kem kújú malang adə̄ gíŕ tárá gə̄gē anī, a kídə̄nən̄.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

TA KƏLA 29:20

Jakob rāā kəla ɓāl̄ sīrí gír Rasel tə́, ba ɓāl̄ gə̄ ní mānə̄n̄ ta kumən tə́ i tītə̄ ndɔ̄ gə̄ beé, tɔdɔ̄ ni-gḛyn ngá̰ý.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

HEBƏRO 4:11

I beé ní, adə̄ j-əhɔī rɔ̄jí ba j-udiī tū kɔr̄ koō ngeé ń toō tə́. Jə-rāāī adə̄ deē kógə̄ḿ danjí tə́ mbātə́ najə̄ tītə̄ yā kaají gə̄ alé, na sōgə́ deē ní nal̄ ta róbə́ kə́ yā kudəń tū kɔr̄ koō ní tə́.

2 KORḚNTƏ 2:17

De gə̄ ngá̰ý a rāān̄ najə̄ yā Nə́ɓā i yá̰a̰ gātə̄ tə́, banī jḭḭ jə-to i tītə̄də́ aĺ ō, jḭḭ jə-rāā beé aĺ ō. Tām̄ i Nə́ɓā n əlají ní, j-ɔr̄ najə̄ kanjə̄ gír̄ kə́ rang kemjí tə́ ta kum Nə́ɓā tə́, kə gō ɓoo naā yājí kə Kərist.

Makətūbə̄ ń Pol ndang adə̄ Rom gə̄ ní 16:26

Yá̰á̰ ní rāā yá̰a̰ kem ndɔ̄ yājí gə̄ ń toō tə́ adə̄ to i kə̄ dɔ ndágá. Tītə̄ ń Nə́ɓā kə́ ndi ngándáńg əda ń yá̰a̰ gə̄ kə́ ɔsə kə de gēé kadə̄ rāān̄ ní, nápar de gə̄ malang gerə̄n̄ najə̄ ní ta kūl̄ najə̄ gə̄ ń ngé koō ta gə̄ ndangən̄ ní, yā kadə̄ ré nin̄-taān̄ kem anī oōn̄ ta Nə́ɓā.

JA̰A̰ 15:10

Ré ī-rāāī yá̰a̰ gə̄ ń gō míndə́ḿ əda ní anī, ā ī-ndiī kem tár yāḿ tə́, tītə̄ ń m̄-rāań yá̰a̰ gə̄ ń gō míndə Bɔbə́ḿ əda á m̄-ndiń kem tár yān tə́ ní.

JEJU TEĒ KUM JA̰A̰ 3:10

Ḭ̄ ī-tə́gā taí ba ī-ngɔ̄m̄ najə̄ yāḿ ní, mā m-ā m̄-ngɔ̄mī kum mbang ń yá̰a̰ nāā a reē ń dɔ de gə̄ malang tə́ yā nāań de kə́ dɔ nang tə́ gə̄ ní ō.

1 TIMOTE 1:14

Banī Kɔ́ɔ̄ɓē rāā kem majə seḿ ngá̰ý. Ni-rāā adə̄ m̄-taā kem ō, m̄-tár ō, kə ta kūl̄ kem kógə̄ḿ kə́ m̄-rāā kə Kərist Jeju.