Biblia Todo Logo
Bib sou entènèt

- Piblisite -




1 SAMUEL 9:9 - Bibəl ta Sar̄

9 Jóo dɔ nang kə́ Israel tə́ ní ré de gə̄ aw̄n̄ kə̄ koō ta Nə́ɓā tə́ anī a ədan̄ na: Ī-reē j-awī rɔ̄ nge ka̰a̰ yá̰á̰ tə́. Tɔdɔ̄ kété ní a ɓārə́n̄ nge koō ta na i nge ka̰a̰ yá̰a̰.

Gade chapit la Kopi

Bible sar

9 Jóo dɔ nang kə́ *Israel tə́ ní ré de gə̄ aw̄n̄ kə̄ koō ta Nə́ɓā tə́ anī a ədan̄ na: Ī-reē j-awī rɔ̄ nge ka̰a̰ yá̰á̰ tə́. Tɔdɔ̄ kété ní a ɓārə́n̄ *nge koō ta na i nge ka̰a̰ yá̰a̰.

Gade chapit la Kopi




1 SAMUEL 9:9
16 Referans Kwoze  

Nin̄ ədan̄ ngé koō ta gə̄ na: Ī-lōōī ka̰a̰ yá̰á̰ ɓáý to̰! Ī-lōōī kədají yá̰á̰ kə́ rɔ̄kum! Ə́daījí yá̰á̰ kə́ nel̄ gə̄, ə́daījí yá̰á̰ kə́ nel̄jí ādə̄ j-oō kété, ká ré i yá̰á̰ rɔ̄kum aĺ gə̄gē ní.


Gō tə́ anī Amasia əda Amos na: Nge ka̰a̰ yá̰a̰, āw̄ kɔ̄ɔ́, ī-tél āw̄ gogə́ dɔ nang kə́ Juda tə́! Nú ní ā ásə kənge yá̰a̰ kəsa yā ndiń kə kumií kə ta kūl̄ kógə̄ naā kə́ loo nge koō ta tə́!


Kəla rāā mban̄g Dabid kə́ ta kəla gíŕ tə́ bátə́ ta tɔ̄l̄ ta tə́ ní, i kə́ ndang kem makətūbə̄ kəla rāā Samuel nge ka̰a̰ yá̰á̰ tə́ ō, makətūbə̄ kəla rāā Natan nge koō ta yā Nə́ɓā tə́ ō, makətūbə̄ kəla rāā Gad nge ka̰a̰ yá̰á̰ tə́ ō.


Yá̰a̰ malang ń Samuel nge ka̰a̰ yá̰a̰ ō, Saul ngōn̄ Kis ō, Abner ngōn̄ Ner ō, Joab kə́ ngōn̄ Seruya ō, ɔrə̄n̄ kam̄ tayā tām̄ yā Nə́ɓā tə́ ní, i Selomit nin̄ kə ngákó̰o̰n gēé n i ngé ngɔ̄m̄ gə̄ ní.


Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.


Loo ń noō tə́ Kɔ́ɔ̄ɓē ɔr̄ najə̄ kə nge ka̰a̰ yá̰a̰ yā Dabid ń i Gad kə́ nge koō ta yā Nə́ɓā ní ədan na:


Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.


Ngán gə̄ tɔ́sə̄n̄ naā kem kó̰ó̰də́ tə́, anī kó̰ó̰də́ əda na ré i beé anī ké n-ndān̄ ngōn̄ i yā rāań rí wa. Ni-aw̄ dəje Kɔ́ɔ̄ɓē,


Wōn̄g rāā Asa kə nge ka̰a̰ yá̰á̰ adə̄ əhɔ ənīn dəngáyá. Tɔdɔ̄ najə gə̄ ń ɔr̄ ní adə̄n wōn̄g ngá̰ý. Dan ngeé ń noō tə́ ní Asa rāā kum ngán Israel kə́rēý gə̄ ndoō tə́.


Dan ngé ń noō tə́ ní Hanani nge ka̰a̰ yá̰a̰ reē ənge Asa mban̄g kə́ Juda ba ədan na: Dan ń ə̄ndā tɔ́gí i dɔ mban̄g kə́ Aram tə́ ba i dɔ Kɔ́ɔ̄ɓē Nə́ɓā yāí tə́ aĺ ɓá ní, ādə̄ i ngé rɔ̄ɔ̄ gə̄ yā mban̄g kə́ Aram ta róbə teē kɔ̄ɔ́ gíŕ tɔ́gə yāí tə́.


De gə̄ malang ń gə̄rān̄də́ kadə̄ ngɔ̄mə̄n̄ ta róbə́ kújə gə̄ ní i deē 212. Ndangən̄ rīdə́ makətūbūú i ɓē yādə́ gə̄ tə́. I Dabid ō, Samuel nge koō ta ō n i ngé kəndādə́ kem kəla kə́ deē a taā i kem deē tá a əndān tū tə́ tə́ ní.


Dan ń Jojue oy kɔ̄ɔ́ anī ngán Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.


Saul əda nge kəla yān na: Majə, j-aw̄ tā. Adə̄ nin̄ əsōn̄ róbó a aw̄n̄ kə̄ kem ɓē ń deē yā Nə́ɓā ndi tū tə́ ní tə́.


Kɔ́ɔ̄ɓē əda Gad nge ka̰a̰ yá̰a̰ yā Dabid na:


De gə̄ ní tél ədanən̄ na beé ɓáa kə sāā kadə̄ n-a̰a̰n̄ ké Nə́ɓā a əda na mbā ń n-a n-aw̄n̄ toó a majə wa?


Ré rɔ̄ deē i kumən malang anī, ni a oō loo i ba̰ý? Aláa ré rɔ̄ deē i mbīn malang anī, ni a un wusə yá̰a̰ i ba̰ý?


Swiv nou:

Piblisite


Piblisite