1 SAMUEL 9:7 - Bibəl ta Sar̄

⁷ Saul əda nge kəla yān ní na: Majə, j-aw̄ tā. Ba yá̰á̰ ń j-a j-aw̄ń yā kadə̄n ní i rí? Mápá kə́ kem ngong yājí tə́ təgā kɔ̄ɔ́. Tá majə kadə̄ deē adə̄ deē yā Nə́ɓā sádə̄ alé. Ní, yá̰á̰ ń to jijí tə́ ní i rí?

Bible sar

⁷ Saul əda nge kəla yān ní na: Majə, j-aw̄ tā. Ba yá̰á̰ ń j-a j-aw̄ń yā kadə̄n ní i rí? Mápá kə́ kem ngong yājí tə́ təgā kɔ̄ɔ́. Tá majə kadə̄ deē adə̄ deē yā Nə́ɓā sádə̄ alé. Ní, yá̰á̰ ń to jijí tə́ ní i rí?

1 SAMUEL 9:7 Referans Kwoze

2 MBAN̄G 8:8

Anī mban̄g əda Hajael na: Ún yá̰á̰ kə́ yā ndējə̄ jīí tə́, āw̄ ə́nge deē yā Nə́ɓā ba ī-ndḛḛ̄n sāā dɔḿ tə́ rɔ̄ Kɔ́ɔ̄ɓē tə́ ké m-ā m-ḭ́ḭ dɔ mo̰y ń toō tə́ wa.

1 MBAN̄G GƏ̄ 14:3

kə ɔy mápa kutə kógə̄ḿ ō, mápa kə́ rāā kə yibə̄ gə̄ ō, kə un kū yibə̄ tejə kógə̄ḿ ō, ba kə aw̄ kə əngen. Na a ədan yá̰á̰ ń a rāā yā reē dɔ ngōn̄də́ tə́ ní.

2 MBAN̄G 4:42

Deē kógə̄ḿ ḭḭ Baal Salisa, reē kə mápa kōō kə́ kijə adə̄ deē yā Nə́ɓā. Ni-reē kə mápa kōō ɔ́rjə kutə jōó ō, njár̄ kōō gémé kə́ kijə kem ngongoó ō. Elije əda nge kəla yān na kə nə̄ɓō de gə̄ kadə̄ əsan̄.

2 MBAN̄G 5:15

Ni-tél dɔ tə́ reē rɔ̄ deē yā Nə́ɓā tə́ kə de gə̄ malang kə́ gōn tə́, reē ra non tə́ ba əda na: Ngɔlaā ní m̄-ger̄ kadə̄ Nə́ɓā gətóo loo kə́ rang tə́ ba i dɔ nang kə́ Israel tə́ ngóy. Adə̄ m̄-rāāī ɓɔ́, ī-taā kadə̄ karī kə́ jīḿ mā nge kəla yāí tə́.

2 MBAN̄G 5:5

Anī mban̄g əda na: Majə, āw̄ ə́nge mban̄g kə́ Samari kə makətūbə̄ ń m-ā m-ādī kadə̄ āwń ādə̄n ní. Ādə̄ Naaman əsō róbó aw̄. Ni ɔy gində̄ arjā̰a̰ kə́ kɔȳn i kəlōo ɓú mətá o, lɔ́r kə́ kɔȳn i kəlōo kutə mehḛ́ ō, kūbə̄ gə̄ kə́ yā kəla rɔ̄ tə́ ndɔ̄ nāā gə̄ tə́ kutə kógə̄ḿ ō, jīn tə́.

NGÉ SARYA 6:18

m̄-rāāī ɓɔ́ ī-ra laā ī-ngóōm̄ ādə̄ m̄-reē kə yá̰a̰ ndējə̄ yāḿ m-ādī pá tá āw̄. Kɔ́ɔ̄ɓē tél kədan na: M-ā m̄-rā laā yā ngóōī.

1 MBAN̄G GƏ̄ 13:7

Anī mban̄g ədan na: Ī-reē j-aw̄ ɓēé j-əsa yá̰a̰. Gō tə́ anī m-ā m-ādī kadə̄ karī.

2 MBAN̄G 8:9

Hajael aw̄ ənge Elije. Ni ɔy yá̰á̰ kə́ majə majə gə̄ kə́ Damas adə̄ jámbal gə̄ kutə sɔ́ ətōn̄. Ni-aw̄ kə yá̰a̰ gə̄ ní yā ndējə̄ Elije. Dan ń reē ugə̄ rɔ̄ Elije tə́ anī, əda na: Ngōnīí Ben Hadad, mban̄g kə́ Aram, əlam̄ rɔ̄í tə́, əda na kə m̄-reē kə m̄-dəjeī ké n-a n-ḭḭ dɔ mo̰y ń toō tə́ wa.

EJEKIEL 13:19

Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.