1 SAMUEL 9:3 - Bibəl ta Sar̄

³ Ndɔ̄ kə́rēý tə́ ta kó̰o̰ kərō gə̄ yā Kis ń i bɔbə̄ Saul ní tḭ̄ḭ̄. Anī ni-əda ngōnən Saul na kə ɓāŕ nge kəla kógə̄ḿ ba kə aw̄ kə sāān̄ kó̰o̰ kərō gə̄ ní.

Bible sar

³ Ndɔ̄ kə́rēý tə́ ta kó̰o̰ kərō gə̄ yā Kis ń i bɔbə̄ Saul ní tḭ̄ḭ̄. Anī ni-əda ngōnən Saul na kə ɓāŕ nge kəla kógə̄ḿ ba kə aw̄ kə sāān̄ kó̰o̰ kərō gə̄ ní.

1 SAMUEL 9:3 Referans Kwoze

1 SAMUEL 10:2

Ɓōólaā nəkɔ́ ń toō ré ə́ya̰m̄ ba ɔ́tə anī, ā ī-dərā de gə̄ jōó ngɔr kə̄ dɔ ɓádə Rasel tə́, ɓē kə́ Selsa tə́, dɔ nin̄ dɔ nang yā Benjamḛ tə́. Anī de gə̄ ní a ədanī na: Kó̰o̰ kərō gə̄ ń āw̄ sāādə́ tə́ ní əngen̄də́ kɔ̄ɔ́, adə̄ dɔ bɔbí ndígə̄nal dɔdə́ tə́ kɔ̄ɔ́, banī tél a sōl̄ i sí sḭḭ̄. Adə̄ əda na ké na n-rāā i ba̰ý tām̄ yā ngōnən tə́ wa.

NGÉ SARYA 10:4

Ngánən kə́ dəngam gə̄ i kutə mətá ō, kərō kal̄də́ gə̄ i kutə mətá ō, ngán ɓē yādə́ gə̄ gō nang kə́ Galaad tə́ i kutə mətá ō. Bátə́ ɓōólaā gə̄gē ní a ɓārə́n̄ ngán ɓē gə̄ ní na i ngán ɓē gə̄ yā Yair.

NGÉ SARYA 5:10

Sḭḭ̄ ngé kal̄ kó̰o̰ kərō kə́ ndaa gə̄ ō, Sḭḭ̄ ngé lábə̄ kūbə̄ tapīi gə̄ nang tə́ ba ndi dɔ tə́ gə̄ ō, sḭḭ̄ ngé njə̄rā róbə gə̄ ō, ī-gírī ngá̰ý á̰a̰ī.

1 SAMUEL 9:2

Ngōnən kógə̄ḿ kə́ dəngam rīn na i Saul. Ngōnən ní i balsáá kə́ majə deē ngá̰ý. Adə̄ dan ngán Israel gə̄ tə́ ní de kə́ majə deē tɔȳn gətóo. Ngālən tɔȳ de gə̄ malang. Dɔ de gə̄ malang ndi i gír sɔ́lən tə́.

1 SAMUEL 9:4

Saul nin̄ kə nge kəla ní unən̄ gō nang kə́ mbalá yā Epəraim malang ō, gō nang yā Salisa malang ō, ba əngen̄ kó̰o̰ kərō gə̄ ní alé. Unən̄ gō nang yā Salim banī əngen̄də́ aĺ ɓáý. Unən̄ gō nang yā Benjamḛ banī əngen̄də́ aĺ ɓáý to̰.

1 SAMUEL 9:20

Ba kó̰o̰ kərō yāí gə̄ ń tadə́ tḭ̄ḭ̄ asə ndɔ̄ mətá ɓōólaā ní, ī-lōō sōl̄ tām̄ yādə́ tə́, tɔdɔ̄ əngen̄də́ kɔ̄ɔ́. Ba yá̰a̰ malang kə́ Israel tə́ ń i yá̰á̰ kə́ gātə̄n i ngá̰ý ní a to i tām̄ yā náā tə́? I tām̄ yāí ḭ̄ tə́ ō, de gə̄ malang kə́ kem kújə yā bɔbí tə́ ō aĺ a?

1 SAMUEL 10:14

Bɔbə̄n kə́ ngōkó̰o̰ bɔbə̄ kojən dəjen na ké aw̄n̄ i rá nin̄ kə nge kəla yānneé wa. Anī ni tél ədan na: J-aw̄ i sāā kó̰o̰ kərō gə̄ tə́ ba j-a̰a̰də́ alé, adə̄ j-əja dɔɔ́ j-aw̄ i rɔ̄ Samuel tə́ koō yá̰á̰ ń a ədají tə́ ní.