1 SAMUEL 9:17 - Bibəl ta Sar̄

¹⁷ Adə̄ dan ń Samuel a̰a̰ Saul ní Kɔ́ɔ̄ɓē ədan na: Deē ń m-ə́daī najə̄ yān ní n toó. I ni n a ndi ngār dɔ deē yāḿ gə̄ tə́ ní.

Bible sar

¹⁷ Adə̄ dan ń Samuel a̰a̰ Saul ní Kɔ́ɔ̄ɓē ədan na: Deē ń m-ə́daī najə̄ yān ní n toó. I ni n a ndi ngār dɔ deē yāḿ gə̄ tə́ ní.

1 SAMUEL 9:17 Referans Kwoze

OJEE 13:11

Loo ń noō tə́ ní m-ādī mban̄g gə̄, tɔdɔ̄ wōn̄g rāām̄ seí. Ba m̄-tél m̄-taādə́ kɔ̄ɔ́, tām̄ wōn̄g rāām̄ ngá̰ý.

KƏLA RĀĀ 13:21

Gō tə́ anī nin̄ dəjen̄ mban̄g, anī Nə́ɓā adə̄də́ Saul kə́ ngōn̄ Kis. I de kə́ gír ɓē yā Benjamḛ tə́. Ni o̰o̰ ɓē ɓāl̄ kutə sɔ́.

NEHEMI 13:25

m̄-kɔ̄l̄ sedə́ ō, m̄-ndɔ̄ĺdə́ ō. M-ə́nda de kə́ dəngam kə́rēý gə̄ kə́ dandə́ tə́ ō, m̄-ró̰ȳ nənga dɔdə́ ō. Gō tə́ anī m-ādə̄ túbən̄ njadə́ kə rī Nə́ɓāá kadə̄ adə̄n̄ tə̄rā gə̄ ngáńdə́ kə́ dəyá̰ gə̄ kadə̄ táān̄ to̰ aĺ ō, kadə̄ táān̄ dəyá̰ tə̄rā gə̄ adə̄n̄ ngáńdə́ kə́ dəngam gə̄ to̰ aĺ ō, táān̄ tām̄ yādə́ nin̄ kɔ́ gə̄ tə́ to̰ aĺ ō.

NEHEMI 13:19

Loo ń noō tə́ m-ə́da kadə̄ utə̄n̄ ta róbə gə̄ kə́ Jerusalem loo tíbí kɔ̄ɔ́ pá tá kadə̄ ndɔ̄ sabat əla gíŕ ɓáý ō, kadə̄ teēn̄ ta alé bátə́ kadə̄ ré gír ndɔ̄ sabat gān̄g tá ō. m̄-tə́ndā ngé kəla yāḿ kə́rēý gə̄ ta róbə gə̄ tə́ kadə̄ ngɔ̄mə̄n̄ majə kadə̄ yá̰a̰ gātə̄ kə́rēý udə kem ɓēé ndɔ̄ kə́ kɔr̄ kam̄ tə́ alé.

1 SAMUEL 3:13

Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

1 SAMUEL 9:18

Saul aw̄ ngɔr rɔ̄ Samuel tə́ ta róbə ndogə̄ kə́ yā kudəń kə̄ kem ɓēé tə́ ba dəjen najə̄ əda na: m̄-rāāī ɓɔ́, ɔ́jəm̄ kújə́ ń nge ka̰a̰ yá̰a̰ a to tū tə́ ní.

JEREMI 32:8

Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.