1 SAMUEL 9:16 - Bibəl ta Sar̄

¹⁶ Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

Bible sar

¹⁶ Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán *Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

1 SAMUEL 9:16 Referans Kwoze

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

PĀ GƏ̄ 106:44

Kɔ́ɔ̄ɓē oō nōōdə́ ō, a̰a̰ kadə̄ wur kɔl əsō dɔdə́ tə́ ō.

PĀ GƏ̄ 25:18

Á̰á̰ yá̰á̰ kə́ to kum tō ndoō ń rāām̄ ní ō á̰á̰ tápə̄ yāḿ ō, ba ɔ̄r̄ yá̰á̰ kə́ gōtə́ aĺ yāḿ gə̄ kɔ̄ɔ́ malang.

1 SAMUEL 15:1

Samuel əda Saul na: I mā n Kɔ́ɔ̄ɓē əlam̄ adə̄ m-úr yibə̄ dɔí tə́ m-ə̄ndāīneé mban̄g dɔ gír deē yān gə̄ ń i Israel gə̄ ní tə́. Adə̄ ōō najə̄ ń Kɔ́ɔ̄ɓē əlam̄ kədaí tə́ ní.

1 SAMUEL 16:3

Ba ā ī-ɓāŕ Jese kadə̄ reē loo tun̄ yá̰á̰ ní tə́. Loo ń noō tə́ mə̄kɔ́ m-ā m-ɔ́jiī yá̰á̰ ń kadə̄ ī-rāā ní. Deē ń m-ā m-ɔ́jiī seneé ní, ā úr yibə̄ dɔn tə́ yā kɔr̄ń kamə̄n kadə̄m̄.

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

2 SAMUEL 3:18

Ba kum mbang kə́ yā rāań yá̰a̰ n toó. Tām̄ najə̄ ń Kɔ́ɔ̄ɓē əda dɔ Dabid tə́ ní n toó: M-ā m̄-gān̄g dɔ gír deē yāḿ gə̄ ń i Israel gə̄ ní jī Pilistin gə̄ tə́ ō, jī madə̄ ba̰ā̰də́ kə́ rang gə̄ tə́ ō, i kə ta kūl̄ nge kəla yāḿ Dabid.

2 MBAN̄G 20:5

kə tél dɔ tə́ kə aw̄ gogə́ rɔ̄ Ejekias, ngār kə́ dɔ gír de gə̄ yān ni Kɔ́ɔ̄ɓē tə́ tə́. Kə ədan na yá̰á̰ ń Kɔ́ɔ̄ɓē Nə́ɓā yā kaan Dabid əda ní n toó: M-ōō ndɔ̄ȳ yāí ō, m-á̰a̰ man̄ kumií ō, adə̄ m-ā m̄-rāā kadə̄ rɔ̄í ngan̄g. Bírí i karī, ba loo tḭ̄ḭ̄ anī ā ásə kaw̄ kem kújə yā Kɔ́ɔ̄ɓē tə́.

PĀ GƏ̄ 102:1

Ndɔ̄ȳ yā de kə́ nge rɔ̄ tō ndoō kə́ tɔ́gən təgā kɔ̄ɔ́, kə́ a ɔjə Kɔ́ɔ̄ɓē yá̰á̰ kə́ tōr̄ rɔ̄n gə̄.

JEREMI 32:8

Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

1 SAMUEL 14:20

Saul nin̄ kə de gə̄ ń seneé ní kánə̄n̄ naā ba aw̄n̄ ta rɔ̄ɔ̄ tə́. Madə̄ ba̰ā̰də́ gə̄ télən̄ kə kaskaraá kə̄ dɔ naā tə́ tɔ̄lə̄n̄neé naā, adə̄ yá̰a̰ a̰a̰ gō naā aĺ bátə́ dɔ dandə́ tə́.

1 SAMUEL 14:23

Kɔ́ɔ̄ɓē tetə rɔ̄ɔ̄ adə̄ Israel gə̄ ndɔ̄ ń noō tə́ i tītə̄ ń noō. Rɔ̄ɔ̄ ní aw̄ bátə́ mān̄ ɓē kə́ Bet Aben kum kə̄ gidə kə́ nú tə́.

Gōsə̄ najə̄ gə̄ 16:9

Deē ndul i nge núm̄ yá̰á̰ kə́ yā rāā, banī i Kɔ́ɔ̄ɓē n i nge rāā kadə̄ udə gírí ní.