1 SAMUEL 9:13 - Bibəl ta Sar̄

¹³ Ré údiī kə̄ kem ɓēé anī ā ə́ngeniī. Ā ə́ngeniī kété pá tá kadə̄ aw̄ kəsa yá̰á̰ loo kə́ kḭḭ kə̄ dɔɔ́ tə́ ɓáý. Ré ugə̄ aĺ anī deē a əsa yá̰a̰ alé. Tɔdɔ̄ i ni n a tɔ́r̄ tan dɔ yá̰á̰ kə́ tun̄ tə́ pá tá de gə̄ ń ɓārə́n̄də́ ta kəsa yá̰á̰ ní a əsan̄ ɓáý ní. Āwī na ā ə́ngeniī ngɔr ń toō tə́. Saul nin̄ kə Samuel əngen̄ naā.

Bible sar

¹³ Ré údiī kə̄ kem ɓēé anī ā ə́ngeniī. Ā ə́ngeniī kété pá tá kadə̄ aw̄ kəsa yá̰á̰ loo kə́ kḭḭ kə̄ dɔɔ́ tə́ ɓáý. Ré ugə̄ aĺ anī deē a əsa yá̰a̰ alé. Tɔdɔ̄ i ni n a tɔ́r̄ tan dɔ yá̰á̰ kə́ tun̄ tə́ pá tá de gə̄ ń ɓārə́n̄də́ ta kəsa yá̰á̰ ní a əsan̄ ɓáý ní. Āwī na ā ə́ngeniī ngɔr ń toō tə́. Saul nin̄ kə Samuel əngen̄ naā

1 SAMUEL 9:13 Referans Kwoze

JA̰A̰ 6:11

Jeju taā mápá kə́ mí gə̄, ndadə̄ Nə́ɓā dɔ tə́, ba nə̄ɓō de gə̄ ń ndin̄ nang tə́ ní, ni-adə̄də́ kānjə̄ ō. Adə̄də́ ngá̰ý tītə̄ ń kemdə́ nin̄ kɔ́ gə̄ gḛy ní.

1 TIMOTE 4:4

Tɔdɔ̄ yá̰a̰ malang ń Nə́ɓā rāā ní i kə́ majə, adə̄ ré deē əsa kə ndadāá anī, kógə̄ḿ kə́ yā kadə̄ deē mbātə́ gətóo.

1 KORḚNTƏ 10:30

Ré m̄-ndadə̄ m-ādə̄ Nə́ɓā tá m-ə́sá yá̰a̰ anī, i tām̄ rí tə́ á a ədan̄ najə̄ kə́ majaĺ dɔḿ tə́ tām̄ yā yá̰á̰ ń m̄-ndadə̄ Nə́ɓā dɔ tə́ ní wa?

JA̰A̰ 6:23

Banī to kə́ rang gə̄ ḭḭn̄ ɓē kə́ Tiberiadə tə́, reē ugə̄n̄ kadə loo ń Kɔ́ɔ̄ɓē ndadə̄ Nə́ɓā dɔ mápá tə́ tū tə́ ba adə̄də́ kadə̄ əsan̄ ní.

Najə̄ kə́ Majə yā Jeju ń Luk ndang ní 24:30

Ba dan ń ni-ndi sedə́ ta yá̰a̰ kəsa tə́ anī, un mápa ndadə̄ Nə́ɓā dɔ tə́, gō tə́ ɓáa tetə naā tə́ ba adə̄də́.

MARK 6:41

Anī Jeju taā mápá kə́ mí gə̄ ní ō, kānjə̄ kə́ jōó gə̄ ní ō, ba ənī kumən kə̄ dɔɔ́ dɔ rā̰ tə́, ndadə̄ Nə́ɓā dɔ tə́, pá tá tétə̄ mápa gə̄ ní naā tə́, ba adə̄ ngé ndóō yá̰a̰ yān gə̄ kadə̄ nə̄ɓōn̄ kósə de gə̄. Ni-gán̄g kānjə̄ kə́ jōó gə̄ ní naā tə́ ō, ba adə̄də́ kadə̄ nə̄ɓōn̄ de gə̄ malang.

MATIYE 26:26

Dan ń a əsan̄ yá̰á̰ ní, Jeju un mápa, ndadə̄ Nə́ɓā dɔ tə́ oy anī, gān̄g naā tə́ adə̄ ngé ndóō yá̰a̰ yān gə̄, ba ədadə́ na: Ī-taāī yá̰á̰ ń toō ə́saī, na i rɔ̄ḿ.

MATIYE 14:19

Ni-əda kadə̄ kósə de gə̄ ndin̄ nang tə́ dɔ mu kə́ mbōl̄ tə́, ba taā mápá kə́ mí gə̄ ní ō, kānjə̄ kə́ jōó gə̄ ní ō. Gō tə́ anī ənī kumən kə̄ dɔɔ́ dɔ rā̰ tə́, ndadə̄ Nə́ɓā dɔ tə́ pá tá tétə̄ mápa ní naā tə́ adə̄ ngé ndóō yá̰a̰ yān gə̄ adə̄ taā nə̄ɓōn̄ kósə de gə̄ ɓáý.

Najə̄ kə́ Majə yā Jeju ń Luk ndang ní 9:16

Jeju taā mápá kə́ mí gə̄ ní ō, kānjə̄ kə́ jōó gə̄ ní ō, ba ənī kumən kə̄ dɔɔ́, tɔ́r̄ tan dɔ tə́ pá tá gān̄g naā tə́ adə̄ ngé ndóō yá̰a̰ yān gə̄ kadə̄ nə̄ɓōn̄ kósə de gə̄ ɓáý.

1 SAMUEL 2:35

Gō tə́ anī m-ā m̄-gə̄rā nge tun̄ yá̰á̰ kə́ sew kə́ ni a rāā i yá̰á̰ ń kemḿ ndigə ní ō, yá̰á̰ ń ɓōn i kemḿ tə́ ní ō. M-ā m̄-rāā kadə̄ gír kɔjə yān a ndi kem kəla tun̄ yá̰á̰ tə́ ndi kə́ dan gān̄g aĺ. Ni a njə̄rā i ta kum mban̄g yāḿ ń urən̄ yibə̄ dɔn tə́ ní ngándáńg.

1 SAMUEL 9:14

anī ɔrə̄n̄ dɔɔ́ a aw̄n̄ kə̄ kem ɓē ní tə́. A udən̄ kə̄ kem ɓēé anī Samuel teē kem ɓēé a aw̄ kə̄ loo kə́ kḭḭ kə̄ dɔɔ́ tə́.

2 SAMUEL 15:11

Absalom mēr̄ de kə́ Jerusalem gə̄ ɓú jōó adə̄ dānə̄nən̄. Ba de gə̄ ní tá ndin̄ i dāyāá gerən gō yá̰a̰ gə̄ ń a rāān̄ yá̰á̰ ní alé.