1 SAMUEL 8:7 - Bibəl ta Sar̄

⁷ Anī Kɔ́ɔ̄ɓē tél əda Samuel na: Ōō najə̄ yā ngán Israel gə̄ ba ī-rāā yá̰a̰ malang ń dəjenī ní. Tɔdɔ̄ i ḭ̄ n mbātə́nī ní alé ba i mā n mbātə́mə̄n̄ ní. Ndigən̄ kadə̄ m-ó̰o̰ ɓē dɔdə́ tə́ to̰ alé.

Bible sar

⁷ Anī Kɔ́ɔ̄ɓē tél əda Samuel na: Ōō najə̄ yā ngán *Israel gə̄ ba ī-rāā yá̰a̰ malang ń dəjenī ní. Tɔdɔ̄ i ḭ̄ n mbātə́nī ní alé ba i mā n mbātə́mə̄n̄ ní. Ndigən̄ kadə̄ m-ó̰o̰ ɓē dɔdə́ tə́ to̰ alé.

1 SAMUEL 8:7 Referans Kwoze

1 SAMUEL 10:19

Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

Teē Ngán Israel gə̄ 16:8

Kum najə̄ ń Moijə sāā kəda ní na a a̰a̰n̄ kɔsə gɔn yā Kɔ́ɔ̄ɓē na i dan ń a adə̄də́ dā̰ loo tíbí kadə̄ əsan̄ ō, a adə̄də́ yá̰a̰ kəsa bírí dəloí kadə̄ asə tadə́ ō ní, tɔdɔ̄ Kɔ́ɔ̄ɓē na oō tām̄ ń na tāmə̄n̄ seneé ní. Ké nin̄ ké n-asən̄ i rí deē dɔdə́ wa. Na tāmə̄n̄ na i sedə́ nin̄ ní alé, ba na tāmə̄n̄ na i kə Kɔ́ɔ̄ɓēé.

Najə̄ kə́ Majə yā Jeju ń Luk ndang ní 19:14

Ba madə̄n gə̄ kə́ gō nang yān tə́ imə̄nən̄ ngá̰ý, adə̄ ɔrə̄n̄ de gə̄ əlan̄də́ gōn tə́ kadə̄ aw̄ ədan̄ na: Jḭḭ jə-gḛy kadə̄ ni-o̰o̰ ɓē dɔjí tə́ alé.

MATIYE 10:40

Deē ń əhɔsí kə̄ rɔ̄n tə́ anī əhɔm̄ i mā kə̄ rɔ̄n tə́. Ba deē ń əhɔm̄ kə̄ rɔ̄n tə́ ní əhɔ i nge ń əlam̄ ní kə̄ rɔ̄n tə́.

JA̰A̰ 13:16

Ādə̄ m-ə́dásí najə̄ kə́ bo ngá̰ý, nge kəla bo tɔȳ kɔ́ɔ̄n aĺ ō, ngōmbang kəla bo tɔȳ deē ń əlan ní aĺ ō.

IJAI 66:4

I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

TƏ́DA 22:20

Nə́ɓā reē rɔ̄ Balam tə́ ndɔ̄ɔ́ ədan na: Ré de gə̄ ń toō reēn̄ i ɓāríī tə́ anī āw̄ sedə́. Ba i yá̰á̰ ń m-ā m-ɔ́jiī ní ngóy n ā ī-rāā ní.

NGÉ SARYA 8:23

Anī Jedeo̰ ədadə́ na: Mā ō, ngōnə̄ḿ ō, j-a j-o̰o̰ ɓē dɔsí tə́ alé. I Kɔ́ɔ̄ɓē n a o̰o̰ ɓē dɔsí tə́ ní.

1 SAMUEL 8:8

Əla gír ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ bátə́ ɓōólaā ní, asədə́ kəya̰m̄ kɔ̄ɔ́ ba ndɔ̄yń ɓesə̄ gə̄ alé. I yá̰á̰ ń rāān̄ seḿ ní n rāān̄ seí ō ní.

1 SAMUEL 8:22

Anī Kɔ́ɔ̄ɓē tél ədan na: Ōō najə̄ kɔr̄də́ ba ādə̄də́ mban̄g. Anī Samuel əda de kə́ Israel tə́ gə̄ na: Ī-tél āwī kə̄ ɓē yāsí gə̄ tə́.

1 SAMUEL 12:1

Samuel əda Israel gə̄ malang na: Yá̰a̰ malang ń ī-dəjemī kadə̄ m̄-rāā m-ādə̄sí ní m̄-rāā kɔ̄ɔ́ ɓá, m-ə̄ndā mban̄g kógə̄ḿ dɔsí tə́.

1 SAMUEL 12:12

Ba dan ń sḭḭ̄ á̰a̰ī kadə̄ mban̄g yā ngán Amon gə̄ ń i Nahas ní a reē yā rɔ̄ɔ̄sí anī ə́damī na ī-sāāī mban̄g kadə̄ o̰o̰ ɓē dɔsí tə́, tītə̄ kə́ Kɔ́ɔ̄ɓē i mban̄g yāsí alé beē.

JEREMI 34:14

M-ə́dádə́ m-ə́da na: Ré ī-tə́daī ɓāl̄ sīrí ta asə naā anī deē kógə̄ḿ kógə̄ḿ kə́ dansí tə́ a əya̰ ngōkó̰o̰n kə́ hebəro ń gātə̄ kə rɔ̄neé jīn tə́ ní dɔɔ́. Ni a rāā kəla ɓəlo adī kem ɓāl̄ mehḛ́, ba gō tə́ anī ā ə́ya̰n dɔɔ́. Banī kaasí gə̄ nēlə̄n̄ mbīdə́ oōn̄neé najə̄ yāḿ alé.

EJEKIEL 2:3

Ni ədam̄ na: Ḭ̄ ń i ngōn̄ deē ní, m-ā m-ə́laī kə̄ rɔ̄ ngán Israel gə̄ tə́. Nin̄ i ɓūtə̄ de kə́ ngé mbātə́ najə̄ gə̄ kə́ mbātə́mə̄n̄ kɔ̄ɔ́. Nin̄ gə̄gē, kaadə́ gə̄gē, mbātə́mə̄n̄ bátə́ ɓōólaā.

EJEKIEL 3:7

Banī ngán Israel gə̄ a ndigən̄ koō najə̄ yāí alé, tɔdɔ̄ nin̄ ndigən̄ koō najə̄ yāḿ alé. Tām̄ nin̄ malang ní dɔdə́ ngan̄g ngá̰ý ō, dumə̄n̄ naā ngá̰ý ō.