1 SAMUEL 8:6 - Bibəl ta Sar̄

⁶ Kəda ń ədan̄ na kə Samuel kə əndā mban̄g kógə̄ḿ dɔdə́ tə́ kadə̄ kə gān̄g sarya yādə́ ní nel̄ Samuel alé. Adə̄ Samuel rāā Kɔ́ɔ̄ɓē ɓɔ́ tām̄ yādə́ tə́.

Bible sar

⁶ Kəda ń ədan̄ na kə Samuel kə əndā mban̄g kógə̄ḿ dɔdə́ tə́ kadə̄ kə gān̄g sarya yādə́ ní nel̄ Samuel alé. Adə̄ Samuel rāā Kɔ́ɔ̄ɓē ɓɔ́ tām̄ yādə́ tə́.

1 SAMUEL 8:6 Referans Kwoze

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

1 SAMUEL 12:17

I dan yā kəja gémē gə̄ n toó aĺ a? Ba m-ā m̄-dəje Kɔ́ɔ̄ɓē adə̄ rāā kadə̄ man̄ ndang ō, edə ō. Loo ń noō tə́ kumsí a teē adə̄ ā ī-gerī kadə̄ majaĺ ń ī-rāāī kə Kɔ́ɔ̄ɓēé á ī-dəjen mban̄g ní i majaĺ kə́ bo ngá̰ý.

PĀ GƏ̄ 109:4

Nin̄ əndān̄ najə̄ dɔḿ tə́ tām̄ rāā ń m̄-rāā tɔdɔ̄də́ ní, banī mā yāḿ i ndɔ̄ȳ Nə́ɓā.

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

TƏ́DA 16:15

Wōn̄g rāā Moijə ngá̰ý adə̄ ni-əda Kɔ́ɔ̄ɓē na: Kɔ́ɔ̄ɓē, ī-lōō ndigə yá̰a̰ ndējə̄ yādə́. m̄-taā yá̰á̰ kə́rēý jīdə́ tə́ alé, kərō gə̄gē m̄-taā alé. m̄-rāā yá̰á̰ kə́ majaĺ kə deē kógə̄ḿ dandə́ tə́ alé.

Teē Ngán Israel gə̄ 32:32

Ba na n-rāān ɓɔ́, kə mā̰ȳ rɔ̄n dɔdə́ tə́. Ré na mā̰ȳ rɔ̄n dɔdə́ tə́ aĺ anī, kə kūsə́ rīn ń na ndang kem makətūbūú ní kɔ̄ɔ́.

Teē Ngán Israel gə̄ 32:21

Tā anī dəje Aaro̰ na ké gír de gə̄ ń noō rāān i rí seneé áké ndɔ́r̄də́ aw̄ sedə́ kum majaĺ kə́ bo kasə naā beé tə́ wa.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

1 SAMUEL 7:5

Gō tə́ anī Samuel əda na: Ādī Israel gə̄ kánə̄n̄ naā malang Misəpa na m-ā m̄-ndɔ̄ȳ Kɔ́ɔ̄ɓē tām̄ yāsí tə́ loo ń noō tə́.

1 SAMUEL 10:19

Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

1 SAMUEL 12:12

Ba dan ń sḭḭ̄ á̰a̰ī kadə̄ mban̄g yā ngán Amon gə̄ ń i Nahas ní a reē yā rɔ̄ɔ̄sí anī ə́damī na ī-sāāī mban̄g kadə̄ o̰o̰ ɓē dɔsí tə́, tītə̄ kə́ Kɔ́ɔ̄ɓē i mban̄g yāsí alé beē.

OJEE 13:10

I beé ní, mban̄g yāí ń kadə̄ ajiī ní ni i rá? Ba kem ɓē yāí gə̄ tə́ malang ní, ngār yāí gə̄ i rá? Kété ní ə́dam̄ na kə m-ādī mban̄g kógə̄ḿ ō, ngār gə̄ ō.

1 SAMUEL 12:19

Ədan̄ Samuel na: Ī-rāā Kɔ́ɔ̄ɓē Nə́ɓā yāí ɓɔ́ tām̄ yājí tə́ ādə̄ j-oy alé. Tɔdɔ̄ j-ənī yá̰á̰ kə́ majaĺ kə́ rang ń i dəje mban̄g kógə̄ḿ tām̄ yājí tə́ ní dɔ gotə yá̰á̰ kə́ majaĺ gə̄ malang ń jə-rāā tə́ ní.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.