1 SAMUEL 8:3 - Bibəl ta Sar̄

³ Banī unən̄ gō njan alé. Ngur kənge yá̰a̰ rāādə́, adə̄ táān̄ yá̰a̰ gə̄ ń de gə̄ adə̄n̄də́ kadə̄ əndān̄neé najə̄ yādə́ gə̄ naā tə́ ní. Adə̄ sarya gān̄gdə́ i gōtə́ alé.

Bible sar

³ Banī unən̄ gō njan alé. Ngur kənge yá̰a̰ rāādə́, adə̄ táān̄ yá̰a̰ gə̄ ń de gə̄ adə̄n̄də́ kadə̄ əndān̄neé najə̄ yādə́ gə̄ naā tə́ ní. Adə̄ sarya gān̄gdə́ i gōtə́ alé.

1 SAMUEL 8:3 Referans Kwoze

NDŪ NAJƏ̄ 16:19

Ī-lōō tə́la ta njaí naā tə́ loo sarya tə́. Ā ī-gān̄g sarya tām̄ ta kum deē alé. Ī-lōō taā kadə̄ karī, tɔdɔ̄ kadə̄ karī i yá̰á̰ kə́ a utə̄ kum de kə́ ngáā gə̄ ō, a nujə najə̄ yā de kə́ sew gə̄ ō.

1 TIMOTE 6:10

Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

PĀ GƏ̄ 15:5

Ni-adə̄ nar yān bélé tə́ alé. A taā yá̰a̰ jī deē tə́ yā kəndāń najə̄ dɔ de kə́ najə̄ gətóo dɔn tə́ alé. Deē ń a əhɔ hálən súmūú beé ní a ndi ngan̄g kə dɔ ndɔ̄ gə̄.

Teē Ngán Israel gə̄ 23:8

Ā ī-taā kadə̄ karī yā deē alé, tɔdɔ̄ i yá̰á̰ kə́ a tɔ̄ɔ̄ kum de kə́ nge ka̰a̰ loo ō, a nujə najə̄ yā de kə́ súmūú ō.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

1 TIMOTE 3:3

i de kə́ nge rāā ɓəlo kasə aĺ ō, nge rɔ̄ɔ̄ de gə̄ aĺ ō, banī ni i de kə́ hálən sɔl̄ lɔm ō, nge kɔ̄l̄ kə de gēé aĺ ō, rāā ta nar aĺ ō,

IJAI 33:15

I de kə́ nge rāā yá̰á̰ kə́ gōtə́ ō, kəda najə̄ kə́ rɔ̄kum ō. Hál deē ní n toó: Ni-mbātə́ yá̰á̰ kə́ kənge kə ta kūl̄ yá̰á̰ kə́ rāā kə dɔ́nɔ́ ō, ni mbəre ngé kadən yá̰a̰ karī yā mangnəń gə̄ kə̄ gogə́ ō. Dan ń a ɔrə̄n̄ najə̄ tɔ̄l̄ deē anī, ni utə̄ mbīn kɔ̄ɔ́. Ni utə̄ kumən kɔ̄ɔ́ yā ka̰a̰ń yá̰á̰ kə́ majaĺ alé.

2 SAMUEL 15:4

Absalom əda ɓáý to̰ na: Ré i mā n i nge gān̄g sarya kə́ kem ɓē ń toō tə́ anī, de gə̄ malang a reēn̄ saryaá i rɔ̄ḿ mā tə́ ō, m-ā m̄-gān̄g sarya yādə́ i kə gōó yā kadə̄də́ ō.

KOHELET 2:19

Deē ní kumən a edə̄ a deē ger̄ aĺ ō, i de kə́ a mbóo a deē ger̄ aĺ ō. Ni a téĺ kɔ́ɔ̄ kəla malang ń m̄-rāā kə kum kedə̄ yāḿ kum mbang tə́ ní: Nge ń noō i yá̰á̰ kə́ kanjə̄ kumən ō.

PĀ GƏ̄ 26:10

Yá̰á̰ kə́ to yḛr kum tákə̄ jīdə́ ō, nar kə́ kəndā jī naā tə́ rosə jī ko̰də́ ō.

Teē Ngán Israel gə̄ 23:6

Ā ī-nujə najə̄ yā nge rɔ̄ tō ndoō yāí loo sarya tə́ alé.

1 SAMUEL 2:35

Gō tə́ anī m-ā m̄-gə̄rā nge tun̄ yá̰á̰ kə́ sew kə́ ni a rāā i yá̰á̰ ń kemḿ ndigə ní ō, yá̰á̰ ń ɓōn i kemḿ tə́ ní ō. M-ā m̄-rāā kadə̄ gír kɔjə yān a ndi kem kəla tun̄ yá̰á̰ tə́ ndi kə́ dan gān̄g aĺ. Ni a njə̄rā i ta kum mban̄g yāḿ ń urən̄ yibə̄ dɔn tə́ ní ngándáńg.

1 SAMUEL 12:2

Adə̄ ngɔlaā ní i ni n a ɔr nosí tā. Tɔdɔ̄ mā m̄-tɔgə ɓə́ga kɔ̄ɔ́ ō, dɔḿ ndaa ō. Ba ngánə́ḿ gə̄ i dɔ dáńsí tə́. I mā n m-ɔ́r nosí kə balsááḿ bátə́ ɓōólaā ní.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.