1 SAMUEL 7:6 - Bibəl ta Sar̄

⁶ Nin̄ kánə̄n̄ naā Misəpa. Uȳn̄ man̄ ba ɓōkə́n̄ nang tə́ no Kɔ́ɔ̄ɓē tə́. Ndin̄ ɓō tām̄ yā Nə́ɓā tə́ ndɔ̄ ń noō tə́ ba ədan̄ wáńg na n-rāān̄ yá̰á̰ kə́ majaĺ kə Kɔ́ɔ̄ɓēé. Samuel əla gír kɔr no ngán Israel gə̄ i loo ngeé ń noō tə́ Misəpa.

Bible sar

⁶ Nin̄ kánə̄n̄ naā Misəpa. Uȳn̄ man̄ ba ɓōkə́n̄ nang tə́ no Kɔ́ɔ̄ɓē tə́. *Ndin̄ ɓō tām̄ yā Nə́ɓā tə́ ndɔ̄ ń noō tə́ ba ədan̄ wáńg na n-rāān̄ yá̰á̰ kə́ majaĺ kə Kɔ́ɔ̄ɓēé. Samuel əla gír kɔr no ngán Israel gə̄ i loo ngeé ń noō tə́ Misəpa.

1 SAMUEL 7:6 Referans Kwoze

2 SAMUEL 14:14

Rɔ̄kum yojí i tītə̄ man̄ ń deē ɓōkə́ nang tə́ anī loo tél kɔyn gogə́ gətóó ní. Ɓá tā ba yá̰á̰ ń Nə́ɓā núm̄ tām̄ yā Absalom tə́ ní, kə ngɔr ń toō tə́ i nge ń noō alé. Ni əndā dɔ rɔ̄n danaá kɔ̄ɔ́ yā kadə̄ Absalom ndi sa̰y rɔ̄n tə́ alé.

1 SAMUEL 1:15

Ana tél ədan na: Kɔ́ɔ̄ḿ, mā i dəyá̰ kə́ wurəḿ ɔlə̄m̄ ngá̰ý. M-ā̰ȳ kasə nduú aĺ ō, m-ā̰ȳ yá̰á̰ kógə̄ḿ kə́ rāā deē kasə tə́ aĺ ō, ba m-ɔ́jə i Kɔ́ɔ̄ɓē yá̰á̰ kə́ kemḿ tə́.

NGÉ SARYA 10:10

Loo ń noō tə́ nōōn̄ kə̄ dɔ Kɔ́ɔ̄ɓē tə́, ədanən̄ na: Jə-rāā majaĺ seí, tɔdɔ̄ j-əya̰ī ḭ̄ Nə́ɓā yājí kɔ̄ɔ́ ba jə-rāā kəla j-adə̄ ɓesə̄ Baal gə̄.

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

PĀ GƏ̄ 106:6

Jə-rāā majaĺ tītə̄ yā kaají gə̄, jə-tɔ̄ɔ̄ róbə gōí tə́ kɔ̄ɔ́ adə̄ najə̄ i dɔjí tə́.

PĀ GƏ̄ 62:8

Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.

Najə̄ kə́ Majə yā Jeju ń Luk ndang ní 15:18

m̄-gḛy tél kaw̄ gogə́ rɔ̄ bɔbə́ḿ tə́ kədan na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

1 MBAN̄G GƏ̄ 8:47

ré ndin̄ kə̄ ɓē ɓəlo tə́ noō gírə̄n̄ yá̰a̰ ba ndə̄ngān̄ rɔ̄də́ ō, rāāīn̄ ɓɔ́ dɔ nang yā madə̄ ba̰ā̰də́ gə̄ tə́ ō, ədaīn̄ na nin̄ na i ngé rāā majaĺ gə̄, na n-rāān̄ yá̰a̰ gōtə́ alé, na najə̄ na i dɔdə́ tə́,

EJEKIEL 20:4

Ḭ̄ Ejekiel ń i ngōn̄ deē ní, ī-ndigə gān̄g sarya dɔdə́ tə́ rɔ̄kum a? Ə̄nīdə́ gotə yá̰á̰ kə́ majaĺ ngá̰ý gə̄ ń kaadə́ gə̄ rāān̄ ní.

NŌŌ RƆ̄ 3:49

Kumḿ i kə man̄ nōó kanjə̄ kadə̄ aȳ ō, kanjə̄ kadə̄ dəba ō,

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

PĀ GƏ̄ 42:3

Kəndā Nə́ɓā rāām̄, kəndā Nə́ɓā kə́ ndi kə kumneé rāām̄. I rə́ngáý tə́ n m-ā m-údə kem kújə yān tə́ yā ra ta kumən tə́ ní?

PĀ GƏ̄ 6:6

Tɔdɔ̄ deē ń oy ní a əga kemən dɔí tə́ to̰ alé. De gə̄ ń oyn̄ ní asən̄ ɓōkíī tɔ̄ȳ to̰ alé.

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

Makətūbə̄ yā Job 40:4

Mā i yá̰á̰ kógə̄ḿ alé. I rí n kə m̄-tūr̄ kə m-ə́daī ní? M-ə̄ndā jīḿ taḿ tə́ kɔ̄ɔ́.

Makətūbə̄ yā Job 33:27

Ni-ənī pā ta kum de gə̄ tə́ malang əda na: Kété ní m̄-rāā yá̰a̰ gōtə́ alé, m̄-ɓōĺ ndū najə̄ gə̄ alé. Banī Nə́ɓā rāā háĺ kə́ tītə̄ yāḿ mā alé.

Makətūbə̄ yā Job 16:20

Madə̄ taḿ gə̄ mbóon̄ seḿ, banī m-á̰a̰ loo kə̄ rɔ̄ Nə́ɓā tə́ i kə man̄ nōó kumḿ tə́.

NEHEMI 9:27

adə̄ ə́ládə́ kem jī madə̄ ba̰ā̰də́ gə̄ tə́ adə̄ rāān̄ kumdə́ ndoō tə́. Dan ń wur kɔl kə́ ngá̰ý əsō dɔdə́ tə́ ní, nōōn̄ kə̄ dɔí tə́, anī ī-ndi dɔ rā̰ tə́ ōō nōō yādə́. Kumií o̰o̰ī adə̄ ādə̄də́ ngé gān̄g dɔdə́ gə̄ adə̄ ɔrə̄n̄də́ kɔ̄ɔ́ jī m adə̄ ba̰ā̰də́ gə̄ tə́.

2 YÁ̰A̰ GƏ̄ 20:3

Ɓōĺ rāā Josapat adə̄ ni gḛy sāā Kɔ́ɔ̄ɓē. Ni-ənī mbēr̄ kadə̄ de gə̄ ndin̄ ɓō tām̄ yā Nə́ɓā tə́ gō nang kə́ Juda tə́ malang.

NGÉ SARYA 3:10

Ndíĺ Kɔ́ɔ̄ɓē reē dɔ Otəniel adə̄ no o̰o̰ ɓē dɔ ngán Israel gə̄ tə́. Ni-aw̄ rɔ̄ɔ̄ tə́ anī Kɔ́ɔ̄ɓē əla Kusan Risataim mban̄g kə́ Mesopotami kem jīn tə́ adə̄ tetən rɔ̄ɔ̄.

LEBI GƏ̄ 26:40

A ɔrə̄n̄ gír majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō. A ədan̄ na n rāān yá̰á̰ kə́ gōtə́ aĺ ngá̰ý gə̄ seḿ ō, na n mbātə́n̄ najə̄ taḿ tə́ ō,

TA KƏLA 31:49

Əndān̄ rīn na i Misəpa ō, kumən na i loo ngɔ̄m̄ loo, tɔdɔ̄ Laban əda ɓáý to̰ na: Ādə̄ Kɔ́ɔ̄ɓē əndā kumən gōí ḭ̄ tə́ ō, gōḿ mā tə́ ō, dan ń j-a j-a̰a̰ń naā to̰ aĺ ní.

LEBI GƏ̄ 16:29

Ndū najə̄ kə́ a to ngándáńg tām̄ yāsí tə́ n toó: Kə ndɔ̄ kə́ nge ko̰ kutə yā nāā kə́ nge ko̰ sīrí, ndɔ̄ ń noō tə́ ní ngán ngé ɓē gə̄ gə̄gē, tə̄rā gə̄ kə́ ngé nam̄ gə̄ ń ndin̄ dɔ dáńsí tə́ ní gə̄gē, ā ī-*ndi ɓō tām̄ yā Nə́ɓā tə́ ō, a ī-rāāī kəla aĺ ō.

1 SAMUEL 7:15

Samuel ndi ngār sarya dɔ Israel gə̄ tə́ bátə́ oyń.

JEREMI 36:9

Kem nāā kə́ nge ko̰ ndōhó yā ɓāl̄ kə́ nge ko̰ mí ń Joakim, ngōn̄ Josias, ndiń mban̄g Juda tə́ ní, ɓārə́n̄ de gə̄ malang kə́ Jerusalem tə́ ō, ngé gə̄ malang ń a ḭḭn̄ kem ɓē gə̄ kə́ Juda tə́ a reēn̄ Jerusalem ní ō, kadə̄ ndin̄ ɓō tām̄ yā Nə́ɓā tə́ ta kumən tə́.

JOJUE 18:26

Misəpe ō, Kepira ō, Mosa ō,

NGÉ SARYA 2:4

Dan ń nge kaw̄ kəla yā Kɔ́ɔ̄ɓē əda ngán Israel gə̄ najə̄ gə̄ ń noō anī nin̄ malang nōōn̄.

NGÉ SARYA 10:15

Anī ngán Israel gə̄ tél ədan̄ Kɔ́ɔ̄ɓē na: Kɔ́ɔ̄ɓē, jə-rāā majaĺ seí, adə̄ ī-rāā sejí yá̰a̰ malang ń kemií ndigə ní, banī ɓɔ́ ī-gān̄g dɔjí ɓōólaā.

NGÉ SARYA 20:26

Tā anī de kə́ dɔ nang kə́ Israel tə́ gə̄ malang aw̄n̄ Betel. Aw̄ ndin̄ nang tə́ ta kum Kɔ́ɔ̄ɓē tə́ ba nōōn̄. Ndɔ̄ ń noō tə́ ndin̄ ɓō tām̄ yā Nə́ɓā tə́ bátə́ kadə̄ loo tíbə dɔdə́ tə́. Róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō adə̄n̄ Kɔ́ɔ̄ɓē.

1 SAMUEL 10:17

Samuel ɓāŕ ngán Israel gə̄ malang adə̄ kánə̄n̄ naā rɔ̄ Kɔ́ɔ̄ɓē tə́ kem ɓē kə́ Misəpa tə́,

1 SAMUEL 12:10

Loo ń noō tə́ kaasí gə̄ nōōn̄ kə̄ dɔ Kɔ́ɔ̄ɓē tə́ kadə̄ rāā sedə́ ɓáý to̰, ədanən̄ na: Kɔ́ɔ̄ɓē, jə-rāā yá̰a̰ majə alé. J-əya̰ī kɔ̄ɔ́ ba jə-rāā ɓesə̄ Baal gə̄ ō, ɓesə̄ Astarte gə̄ ō. Ba ngɔlaā ré ī-gān̄g dɔjí jī madə̄ ba̰ā̰jí gə̄ tə́ anī j-a jə-rāā kəla yāí.

1 YÁ̰A̰ GƏ̄ 11:18

Anī ngé rɔ̄ɔ̄ kə́ mətá gə̄ ní aw̄ udən̄ kem gérger yā Pilistin gə̄ tə́, ba ɔdən̄ man̄ kə́ kem bəlo man̄ kə́ ta róbə́ kə́ yā kudəń kə̄ kem ɓē kə́ Betlehem tə́ ní reēnneé adə̄n̄ Dabid. Banī Dabid mbātə́ ka̰ȳ man̄ ní. Ni ɓōkə́ man̄ ní nang tə́ ndējə̄ Kɔ́ɔ̄ɓē,

Makətūbə̄ yā Job 3:24

Yá̰a̰ kəsaḿ i síkə̄ nōō yāḿ gə̄ ō, m̄-tó̰ō̰ kə gír naá tītə̄ man̄ kə́ a nūgə́ kə tɔ́gɔ́ ō.

NŌŌ RƆ̄ 5:16

Jākā mbang kə́ dɔjí tə́ teē əsō kɔ̄ɔ́. Yá̰á̰ kə́ to kum kaȳ aĺ əsō dɔjí tə́, tɔdɔ̄ jə-rāā majaĺ.

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.