1 SAMUEL 7:5 - Bibəl ta Sar̄

⁵ Gō tə́ anī Samuel əda na: Ādī Israel gə̄ kánə̄n̄ naā malang Misəpa na m-ā m̄-ndɔ̄ȳ Kɔ́ɔ̄ɓē tām̄ yāsí tə́ loo ń noō tə́.

Bible sar

⁵ Gō tə́ anī Samuel əda na: Ādī Israel gə̄ kánə̄n̄ naā malang Misəpa na m-ā m̄-ndɔ̄ȳ Kɔ́ɔ̄ɓē tām̄ yāsí tə́ loo ń noō tə́.

1 SAMUEL 7:5 Referans Kwoze

NGÉ SARYA 20:1

Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

JOEL 2:16

Ɔ́siī dɔ ngán Israel gə̄ kə̄ naā tə́. Ī-ɓāríīdə́ tām̄ yā kán̄ naā kə́ táĺ tə́. Ɔ́siī dɔ de kə́ tɔgə ɓə́ga gə̄ ō, balsáa gə̄ ō, ngáń kə́ ta mba tə́ gə̄ ō naā tə́. Ādə̄ nge taā dəyá̰ kijə teē kújú kɔ̄ɔ́ ō, nge taā ngaa kijə teē kújú kɔ̄ɔ́ ō.

NEHEMI 9:1

Kem nāā kə́ kógə̄ḿ beē nəkɔ́ ń noō tə́, kə ndɔ̄ kə́ nge ko̰ kutə jōó gidə i sɔ́ anī, ngán Israel gə̄ kánə̄n̄ naā yā ndi ɓō tām̄ yā Nə́ɓā tə́. Nin̄ o̰o̰n̄ kūbə̄ kəhɔ ndoō ō, ɔyn̄ nán̄g kə̄ dɔdə́ tə́ adə̄ rɔ̄də́ i nán̄g malang ō.

2 MBAN̄G 25:23

Dan ń ngol áskar gə̄ malang kə deē yādə́ gēé oōn̄ kadə̄ mban̄g kə́ Babilon əndā Gedalia dɔ ɓē tə́ anī, reēn̄ kə de gə̄ yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael kə́ ngōn̄ Netania ō, Yohanan kə́ ngōn̄ Karea ō, Seraya kə́ ngōn̄ Tanəhumet kə́ Netopa ō, Yajania ń i de kə́ gír kojə yā Maaka tə́ ní ō.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

1 SAMUEL 10:17

Samuel ɓāŕ ngán Israel gə̄ malang adə̄ kánə̄n̄ naā rɔ̄ Kɔ́ɔ̄ɓē tə́ kem ɓē kə́ Misəpa tə́,

1 SAMUEL 7:16

Kə dɔ ɓāl̄ gə̄ ń noō ní a njə̄rā a teē Betel ō, Gilgal ō, Misəpa ō, a gāngəń sarya yā Israel gə̄ ń ndin̄ kə gō loo gə̄ ń noō ní.

1 SAMUEL 7:12

Samuel un mbal̄ kógə̄ḿ udə kə nja dɔɔ́ dɔ dán ɓē kə́ Misəpa kə Hasen tə́ ba əndā rī mbal̄ ní na i Eben Ejer. Kumən na i mbal̄ dḭḭ̄. Tɔdɔ̄ əda na: Kɔ́ɔ̄ɓē dḭḭ̄jí bátə́ ugə̄ sejí loo ń toō tə́.

JOJUE 15:38

Dila ō, Misəpe ō, Yokəteel ō,

TA KƏLA 20:7

Ngɔlaā ní ī-tél kə dəyá̰ ń noō ādə̄n kə ngaaneé gogə́. Ngaan i nge koō ta yāḿ. Ni a ndɔ̄ȳm̄ tām̄ yāí tə́ anī, ā ī-ndi kə kumuú. Ba ré ī-tél ādə̄n kə ngaaneé gogə́ aĺ anī, ā óyiī sḭḭ̄ kə de gə̄ yāí gēé malang.

TA KƏLA 31:49

Əndān̄ rīn na i Misəpa ō, kumən na i loo ngɔ̄m̄ loo, tɔdɔ̄ Laban əda ɓáý to̰ na: Ādə̄ Kɔ́ɔ̄ɓē əndā kumən gōí ḭ̄ tə́ ō, gōḿ mā tə́ ō, dan ń j-a j-a̰a̰ń naā to̰ aĺ ní.

NGÉ SARYA 10:17

Ngán Amon gə̄ kánə̄n̄ naā ba aw̄ əndān̄ gérger yādə́ dɔ nang kə́ Galaad tə́ ō, ngán Israel gə̄ kánə̄n̄ naā ba aw̄ əndān̄ yādə́ Misəpa ō.

1 SAMUEL 7:4

Adə̄ ngán Israel gə̄ ró̰ȳn̄ ɓesə̄ Baal gə̄, kə ɓesə̄ Astarte gə̄ kə́ dɔ dáńdə́ tə́ kɔ̄ɔ́ ba rāān̄ i kəla yā Kɔ́ɔ̄ɓē ngóy.

1 SAMUEL 8:6

Kəda ń ədan̄ na kə Samuel kə əndā mban̄g kógə̄ḿ dɔdə́ tə́ kadə̄ kə gān̄g sarya yādə́ ní nel̄ Samuel alé. Adə̄ Samuel rāā Kɔ́ɔ̄ɓē ɓɔ́ tām̄ yādə́ tə́.

1 SAMUEL 12:17

I dan yā kəja gémē gə̄ n toó aĺ a? Ba m-ā m̄-dəje Kɔ́ɔ̄ɓē adə̄ rāā kadə̄ man̄ ndang ō, edə ō. Loo ń noō tə́ kumsí a teē adə̄ ā ī-gerī kadə̄ majaĺ ń ī-rāāī kə Kɔ́ɔ̄ɓēé á ī-dəjen mban̄g ní i majaĺ kə́ bo ngá̰ý.

JEREMI 40:6

Jeremi aw̄ Misəpa rɔ̄ Gedalia, kə́ ngōn̄ Ahikam tə́. Ni-ndi seneé dan de gə̄ ń ndin̄ kem ɓēé ɓáý tə́ ní. Loo ń noō tə́ Kɔ́ɔ̄ɓē ɔr̄ najə̄ kə Jeremi.

JOJUE 18:26

Misəpe ō, Kepira ō, Mosa ō,

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.