1 SAMUEL 7:3 - Bibəl ta Sar̄

³ Tā anī Samuel ədadə́ na: Ré ī-tél ī-reēī rɔ̄ Kɔ́ɔ̄ɓē tə́ i kə kemsí malang anī, ɓesə̄ yā tə̄rā gə̄ ō, ɓesə̄ Astarte gə̄ ō, kə́ dɔ dáńsí tə́ ní, ī-ró̰yīdə́ kɔ̄ɔ́ ō, ə́hɔī gō Kɔ́ɔ̄ɓē ō, i ni ngóy n ā ī-rāāī kəla yān ō ní. I loo ń noō tə́ ń ni a ɔr̄sí kɔ̄ɔ́ jī Pilistin gə̄ tə́ ní.

Bible sar

³ Tā anī Samuel ədadə́ na: Ré ī-tél ī-reēī rɔ̄ Kɔ́ɔ̄ɓē tə́ i kə kemsí malang anī, ɓesə̄ yā tə̄rā gə̄ ō, ɓesə̄ Astarte gə̄ ō, kə́ dɔ dáńsí tə́ ní, ī-ró̰yīdə́ kɔ̄ɔ́ ō, ə́hɔī gō Kɔ́ɔ̄ɓē ō, i ni ngóy n ā ī-rāāī kəla yān ō ní. I loo ń noō tə́ ń ni a ɔr̄sí kɔ̄ɔ́ jī Pilistin gə̄ tə́ ní.

1 SAMUEL 7:3 Referans Kwoze

Najə̄ kə́ Majə yā Jeju ń Luk ndang ní 4:8

Ba Jeju tūr̄ ədan na: I kə́ ndang kem makətūbūú na i Kɔ́ɔ̄ɓē Nə́ɓā yāí ngóy n ā rɔȳn ní ō, i ni ngóy n ā ī-rāā kəla yān ō ní.

NDŪ NAJƏ̄ 13:4

ī-lōōī koō najə̄ yān. Tɔdɔ̄ nge ń noō i Kɔ́ɔ̄ɓē Nə́ɓā yāsí n a nāāsí yā ka̰a̰ń ké ī-tárniī kə ngarā̰ kemsí mámák ō, kə rɔ̄sí malang ō, wa noó.

MATIYE 4:10

Anī Jeju tél ədan na: Āw̄ kɔ̄ɔ́, Sətan! Tɔdɔ̄ ndangən̄ kem makətūbūú ədan̄ na: I Kɔ́ɔ̄ɓē Nə́ɓā yāí ngóy n ā ī-rɔȳn ō, i ni ngóy n ā ī-rāā kəla yān ō ní.

NDŪ NAJƏ̄ 6:13

I ni ngóy n ā ī-ɓōlíī ndílən ō, ā ī-ndɔ̄ȳniī ō, ā ī-túbiī kə rīneé ō ní.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

JOJUE 24:14

Anī Jojue tél əda na: Ngɔlaā ní, ī-ɓōlíī ndíĺ Kɔ́ɔ̄ɓē ō, ī-rāāī kəla kə ngarā̰ kemsí malang ādīin̄ ō, ī-raī dɔ ndūsí tə́ ō. Ɓesə̄ gə̄ ń kaasí gə̄ a rāān̄ gidə bā tə́ ō, dɔ nang kə́ Ejiptə tə́ ō ní, ī-ró̰yīdə́ kɔ̄ɔ́ ba ī-rāāī kəla yā Kɔ́ɔ̄ɓē.

JOJUE 24:23

Tā anī Jojue əda na: I beé ɓáa nə́ɓā kə́ mbā gə̄ ń i dɔ dáńsí tə́ ní, ī-ró̰yḭ̄də́ kɔ̄ɔ́ ba ī-tūrī ngarā̰ kemsí kə̄ rɔ̄ Kɔ́ɔ̄ɓē Nə́ɓā yā Israel tə́.

JA̰A̰ 4:24

Nə́ɓā i Ndíl, adə̄ majə kadə̄ ngé rɔȳn gə̄ rɔȳnən̄ kə ta kūl̄ Ndíl ō, kə́ rɔ̄kum tə́ ō.

NDŪ NAJƏ̄ 10:20

I Kɔ́ɔ̄ɓē Nə́ɓā yāsí n ā ī-ɓōlíī ndílən ō, ā ī-rāāī kəla yān ō, ā ə́hɔī gōn ō, ā ə̄nīī ndūsí i kə rīneé ō ní.

1 MBAN̄G GƏ̄ 8:48

ré tél reēn̄ gogə́ rɔ̄í tə́ dɔ nang yā madə̄ ba̰ā̰ gə̄ tə́ kə ngarā̰ kemdə́ mámák ō, kə rɔ̄də́ gēé malang ō, ba tūrə̄n̄ kumdə́ kə̄ rɔ̄í tə́, kum kə̄ dɔ nang yādə́ ń ādə̄ kaadə́ gə̄ tə́ ní, kumdə́ kə̄ ɓē ń ī-gə̄rā tə́ ní, sɔɔ̄ kújə́ ń m̄-rāā kadə̄ rīí ɓār̄ dɔ tə́ ní ba ndɔ̄ȳnī anī,

MATIYE 6:24

De kə́ asə rāā kəla yā kɔ́ɔ̄n gə̄ jōó mbak gətóo. Ré ni a im̄ kə́ kógə̄ḿ ba a táŕ kə́rēý, aĺ ɓáa a əhɔ gō nge kə́ kógə̄ḿ ba a kídə̄ kə́rēý. Sḭḭ̄ ásiī rāā kəla yā Nə́ɓā ō, yā nar ō, naā tə́ mbak alé.

MATIYE 15:8

De gə̄ ń toō rɔȳmə̄n̄ i kə tadə́ karī, ba kemdə́ i sa̰y rɔ̄ḿ tə́.

NGÉ SARYA 10:6

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰. Nin̄ ndɔ̄ȳn̄ ɓesə̄ Baal gə̄ ō, ɓesə̄ Astarte gə̄ ō, ɓesə̄ gə̄ yā Aram gə̄ ō, Sidon gə̄ ō, Moab gə̄ ō, ngán Amon gə̄ ō, Pilistin gə̄ ō. Nin̄ əya̰n̄ Kɔ́ɔ̄ɓē kɔ̄ɔ́ ba rāān̄ kəla yān to̰ alé.

1 YÁ̰A̰ GƏ̄ 22:19

Ngɔlaā ní ə̄ndāī rɔ̄sí ta sāā yá̰á̰ ń kem Kɔ́ɔ̄ɓē Nə́ɓā yāsí ndigə ní tə́ kə dan wursí gēé mámák kadə̄ ī-gerī. Ḭ́ḭī dɔɔ́ ī-rāāī kújə́ kə́ táĺ yā Kɔ́ɔ̄ɓē Nə́ɓā ba ī-reēī kə sandúkə madə̄ naā yā Kɔ́ɔ̄ɓē ō, yá̰á̰ kə́ yā ɓōĺ gidə kə́ tām̄ yā Nə́ɓā tə́ gə̄ ō, ī-tə́ndāī kem kújə́ ń ī-rāāī kə rī Kɔ́ɔ̄ɓēé ní tə́.

TA KƏLA 35:2

Jakob əda de kə́ kújú gōn tə́ gə̄ ō, de gə̄ ń seneé malang ní ō na: Ī-ró̰yī ɓesə̄ gə̄ ń i nə́ɓā kə́ tə̄rā gə̄ ní dɔ dáńsí tə́ kɔ̄ɔ́. Ī-rāāī yá̰á̰ kə́ yā kunəń majaĺ ń tákə̄sí ní kɔ̄ɔ́ ō, ī-tə́laī kūbə̄ kə́ rang gə̄ rɔ̄sí tə́ ō.

EJEKIEL 18:31

Ī-lōōī gíŕ yá̰a̰ rāāsí kə́ majaĺ gə̄ tə́. Ī-tūrī kemsí ō, ndíĺsí ō. Sḭḭ̄ Israel gə̄, ī-gḛyiī koy i najə̄ rí tə́?

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

Gōsə̄ najə̄ gə̄ 16:1

Kɔjə rāā yá̰a̰ i yā deē ndul, banī kəndā ma̰ȳ majən i yā Kɔ́ɔ̄ɓē.

2 YÁ̰A̰ GƏ̄ 19:3

Ɓá tā ba yá̰á̰ kə́ majə to kemií tə́ ɓáý, tɔdɔ̄ ḭ̄ ī-róō kāgə̄ ɓesə̄ Asera gə̄ adə̄ gətóon̄ kem ɓē yāí tə́ ō, ḭ̄ ōō ta Nə́ɓā kə ngarā̰ kemií mámák adə̄ ī-rāā yá̰á̰ ń kemən ndigə ní ō.

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

OJEE 14:1

De kə́ Samari gə̄ a əgān̄ kə̄rā yá̰a̰ rāādə́ kə́ gōtə́ aĺ gə̄, tɔdɔ̄ nin̄ mbātə́n̄ najə̄ gō Nə́ɓā yādə́ tə́. Nin̄ a oyn̄ ta rɔ̄ɔ̄ tə́ ō, a rējə̄n̄ ngáń kásə̄ yādə́ gə̄ ō, a njarən̄ kem dəyá̰ yādə́ gə̄ kə́ ndānə̄n̄ ngán gə̄ ō.

2 YÁ̰A̰ GƏ̄ 30:19

Kɔ́ɔ̄ɓē, Nə́ɓā yā kaají gə̄, ḭ̄ ń i de kə́ majə ní, de gə̄ malang ń ɓōkə́n̄ rɔ̄də́ a sāānī kə ngarā̰ kemdə́ mámák ní, ká ré nin̄ unjə̄n̄ njáý njáý tām̄ yā yá̰á̰ kə́ táĺ gə̄ tə́ aĺ gə̄gē anī, ī-mā̰ȳ rɔ̄í dɔdə́ tə́.

NGÉ SARYA 2:13

Nin̄ əya̰n̄ Kɔ́ɔ̄ɓē kɔ̄ɔ́ ba ndɔ̄ȳn̄ ɓesə̄ Baal gə̄ kə ɓesə̄ Astarte gə̄.

1 SAMUEL 31:10

Gō tə́ anī ɓōkə́n̄ yá̰a̰ rɔ̄ yān gə̄ kem kújə ɓesə̄ Astarte tə́, ba do̰ō̰n̄ nīnə́n kadə ndogə̄ mbal̄ kə́ Bet Sean tə́.

JOJUE 13:31

un núsə dɔ nang kə́ Galaad ō, Asətarot nin̄ kə́ Edrey ń kété i ɓē bo gə̄ yā Og mban̄g kə́ Basan ní ō kemeé. I dɔ nang ń noō malang n adə̄n̄ núsə́ ngán kaa Makir kə́ ngōn̄ Manase kə gō gír kaa yādə́ gēé ní.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

JEREMI 36:3

Majanī de kə́ Juda tə́ gə̄ a əndān̄ ma̰ȳ yá̰á̰ kə́ to rɔ̄ tō ndoō gə̄ malang ń m̄-gír̄ kadə̄ rāādə́ ní, adə̄ náā nəkɔ́ ɓáa a tūr̄ hálən ō, m-ā m-ásə mā̰ȳ rɔ̄ḿ dɔ yá̰á̰ kə́ gōtə́ aĺ yādə́ gə̄ tə́ ō, dɔ majaĺ yādə́ gə̄ tə́ ō.

EJEKIEL 14:6

Adə̄ ə́dá ngán Israel na: Kɔ́ɔ̄ɓē Nə́ɓā dəjesí kadə̄ ī-tūrī háĺsí ba ə́ya̰ī ɓesə̄ yāsí gə̄ kɔ̄ɔ́ ō, ī-tūrī gidəsí kɔ̄ɔ́ ta yá̰a̰ rāāsí kə́ majaĺ ngá̰ý gə̄ tə́ ō.

NDŪ NAJƏ̄ 4:29

Loo ń noō tə́ ní ā ī-sāāī Kɔ́ɔ̄ɓē Nə́ɓā yāsí. Ré ī-sāāniī kə ngarā̰ kemsí mámák ō, kə rɔ̄sí malang ō anī, ā ə́ngeniī.

NGÉ SARYA 2:11

Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ Baal gə̄.

2 MBAN̄G 17:39

I Kɔ́ɔ̄ɓē Nə́ɓā yādə́ n kə ndɔ̄ȳnən̄ ní. I ni n na a taādə́ jī madə̄ ba̰ā̰də́ gə̄ tə́ malang yā kəya̰də́ dɔɔ́ ní.

2 MBAN̄G 23:15

Josias bótə̄yō̰ loo tun̄ yá̰á̰ kə́ Betel kɔ̄ɔ́ ō, nujə loo ndɔ̄ȳ kə́ kḭḭ kə̄ dɔɔ́ ń Jeroboam ngōn̄ Nebat rāā ba sə̄lā Israel gə̄ adə̄ rāān̄ majaĺ ní kɔ̄ɔ́ ō. Ni-əla hor dɔ tə́ ō, rāā adə̄ əsō bū ō, róō kāgə̄ ɓesə̄ kə́ yā ɓōĺ gidə kɔ̄ɔ́ horoó ō.

2 YÁ̰A̰ GƏ̄ 20:33

Ɓá tā ba loo ndɔ̄ȳ gə̄ ton̄ kem ɓēé ɓáý ō, kem de gə̄ əhɔ yā Nə́ɓā yā kaadə́ gə̄ aĺ ɓáý ō.

JEREMI 4:1

Israel, ré ī-tél ī-reē anī, majə kadə̄ ī-reē i rɔ̄ḿ mā tə́.