1 SAMUEL 7:13 - Bibəl ta Sar̄

¹³ Nə́ɓā əla dɔ Pilistin gə̄ nang tə́ adə̄ əndān̄ njadə́ dɔ nang yā Israel gə̄ tə́ to̰ alé. Dan ń Samuel ndiń kə kumneé ɓáý ní, Kɔ́ɔ̄ɓē a rāā yá̰á̰ kə́ tōr̄ kə Pilistin gēé i kə dɔ ndɔ̄ gə̄.

Bible sar

¹³ Nə́ɓā əla dɔ Pilistin gə̄ nang tə́ adə̄ əndān̄ njadə́ dɔ nang yā *Israel gə̄ tə́ to̰ alé. Dan ń Samuel ndiń kə kumneé ɓáý ní, Kɔ́ɔ̄ɓē a rāā yá̰á̰ kə́ tōr̄ kə Pilistin gēé i kə dɔ ndɔ̄ gə̄.

1 SAMUEL 7:13 Referans Kwoze

NGÉ SARYA 13:1

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰, adə̄ Kɔ́ɔ̄ɓē əladə́ kem jī Pilistin gə̄ tə́ ɓāl̄ kutə sɔ́.

NGÉ SARYA 13:5

tɔdɔ̄ ā ndān̄ ngōn̄, ā ójə ngōn̄ kə́ dəngam. Deē a əndā nə́nga dɔn tə́ alé, tɔdɔ̄ ɔrə̄n̄ kam̄ ngōn̄ ní tām̄ yā Nə́ɓā tə́ i dan ń ni i kem kó̰o̰n tə́ ɓáý ní ō, i ni n a əla gír taā Israel gə̄ jī Pilistin gə̄ tə́ yā kajədə́ ní ō.

1 SAMUEL 5:9

Dan ń sandúkə ugə̄ kem ɓē kə́ Gat tə́ anī Kɔ́ɔ̄ɓē rāā adə̄ yá̰á̰ kə́ tōr̄ rāā ɓē kə́ Gat. Adə̄ ɓōĺ rāā de gə̄ ngá̰ý. Kɔ́ɔ̄ɓē rāā adə̄ yá̰a̰ agə̄ de kə́ kem ɓēé gə̄ malang. Yá̰á̰ ní agə̄ ngáń kə́ dūú gə̄ gə̄gē de kə́ tɔgə gə̄gē.

NGÉ SARYA 8:28

I beé n Madian gə̄ əngenə̄ń rɔ̄sɔl̄ ta kum ngán Israel gə̄ tə́ ní. Nin̄ ɔrə̄n̄ dɔdə́ to̰ alé. Ɓē tél ndi lɔm kem ɓāl̄ kə́ kutə sɔ́ gə̄ ń Jedeo̰ ndiń kə kumneé tə́ ní.

1 SAMUEL 12:11

Anī Kɔ́ɔ̄ɓē əla Jedeo̰ ō, Bedan ō, Jepte ō, adə̄ gāngə̄n̄ dɔsí jī madə̄ ba̰ā̰sí gə̄ ń gīrə̄n̄ gidəsí tə́ ní. Ta tɔ̄l̄ ta tə́ anī əlam̄ mā Samuel adə̄ m̄-gān̄g dɔsí jī madə̄ ba̰ā̰sí gə̄ ń gīrə̄n̄ gidəsí tə́ ní ō. I beé n ī-ndiīneé kem ɓēé kanjə̄ sōl̄ yá̰á̰ kógə̄ḿ ní.

2 SAMUEL 8:1

Gō tə́ anī Dabid tetə Pilistin gə̄ rɔ̄ɔ̄. Ni-taā ko̰o̰ ɓē jīdə́ tə́ kɔ̄ɔ́ əlań rɔ̄sɔl̄ dɔdə́ tə́.