1 SAMUEL 7:12 - Bibəl ta Sar̄

¹² Samuel un mbal̄ kógə̄ḿ udə kə nja dɔɔ́ dɔ dán ɓē kə́ Misəpa kə Hasen tə́ ba əndā rī mbal̄ ní na i Eben Ejer. Kumən na i mbal̄ dḭḭ̄. Tɔdɔ̄ əda na: Kɔ́ɔ̄ɓē dḭḭ̄jí bátə́ ugə̄ sejí loo ń toō tə́.

Bible sar

¹² Samuel un mbal̄ kógə̄ḿ udə kə nja dɔɔ́ dɔ dán ɓē kə́ Misəpa kə Hasen tə́ ba əndā rī mbal̄ ní na i Eben Ejer. Kumən na i mbal̄ dḭḭ̄. Tɔdɔ̄ əda na: Kɔ́ɔ̄ɓē dḭḭ̄jí bátə́ ugə̄ sejí loo ń toō tə́.

1 SAMUEL 7:12 Referans Kwoze

2 KORḚNTƏ 1:10

I ni n ɔr̄jí ta yo kə́ tītə̄ ń noō tə́ ō, a ɔr̄jí ɓáý ō ní. A̰á̰ā̰, j-əndā kemjí dɔn tə́ kadə̄ a ajəjí ta yo tə́ ɓáý.

JOJUE 4:9

Jojue adə̄ túdə̄n̄ mbal̄ kə́ rang gə̄ kutə gidə i jōó kə njadə́ dɔɔ́ kum bā Jurdḛ tə́ ō, túdə̄n̄ i loo ń ngé kətō sandúkə madə̄ naā gə̄ dəba ran̄ tū tə́ ní tə́. Ɓōólaā gə̄gē mbal̄ gə̄ ní ran̄ loo ní tə́ nuū ɓáý.

KƏLA RĀĀ 26:22

Banī Nə́ɓā ngɔ̄mə̄m̄ bátə́ ɓōólaā, adə̄ m̄-ra laā ɓáý kadə̄ yá̰a̰ gə̄ ń mā i kum tə́ á m-á̰a̰ā̰ ní, m-ə́da de gə̄ malang, de kə́ dūú gə̄ ō, de kə́ bo gə̄ ō. Mā m-ə́dá yá̰á̰ kógə̄ḿ kə́ rang alé, ba i yá̰á̰ ń ngé koō ta gə̄ ō, Moijə ō, ədan̄ na a reē ní.

TA KƏLA 22:14

Abəraham əndā rī loo ní na i Kɔ́ɔ̄ɓē a adə̄. I tām̄ ń toō tə́ n ɓōólaā gə̄gē a ədan̄ na dɔ mbal̄ yā Kɔ́ɔ̄ɓē tə́ Kɔ́ɔ̄ɓē na a adə̄ ní.

TA KƏLA 35:14

Jakob udə mbal̄ loo ní tə́, tə́te kasə nduú dɔ tə́ ō, ur yibə̄ dɔ tə́ ō,

1 SAMUEL 5:1

Dan ń Pilistin gə̄ unən̄ sandúkə yā Nə́ɓā ní, ḭḭn̄neé Eben Ejer aw̄n̄neé Asdod,

IJAI 19:19

Ndɔ̄ kógə̄ḿ tə́ anī, loo tun̄ yá̰á̰ kə́ tām̄ yā Kɔ́ɔ̄ɓē tə́ a to kem ɓē kə́ Ejiptə tə́ dan ɓēé ō, mbal̄ kógə̄ḿ kə́ kudə tām̄ yān tə́ a ra ngɔr kə̄ kadə tə́ dɔ nin̄ ɓē kə́ Ejiptə tə́ ō.

PĀ GƏ̄ 71:17

Nə́ɓā, ə́lá gír kɔjəm̄ yá̰a̰ i kə ngōn̄ dūúḿ ō, m-ə̄nī mbēr̄ dɔ yá̰a̰ rāāí kə́ majə ngá̰ý gə̄ tə́ bátə́ ɓōólaā ō.

PĀ GƏ̄ 71:6

M-ə́lá gír ndə̄nā rɔ̄ḿ rɔ̄í tə́ i dan ń m̄-teēń kem kó̰ó̰ḿ tə́ ní. I ḭ̄ n ɔ̄rə̄m̄ kem kó̰ó̰ḿ tə́ ī-teē seḿ ndágá ní, i ḭ̄ n m-ā m̄-ɓōkíī tɔ̄ȳ kanjə̄ kɔr ta tə́ ní.

1 SAMUEL 4:1

Ba najə̄ kɔr̄ Samuel i tām̄ yā ngán Israel gə̄ tə́ malang. Ndɔ̄ kə́rēý tə́ anī ngán Israel gə̄ aw̄n̄ yā rɔ̄ɔ̄ Pilistin gə̄. Nin̄ əndān̄ gérger yādə́ i kadə Eben Ejer tə́, banī Pilistin gə̄ əndān̄ yādə́ i Apek.

Teē Ngán Israel gə̄ 17:15

Moijə rāā loo tun̄ yá̰a̰, əndā rī dɔ tə́ na Kɔ́ɔ̄ɓē i dərapóo rɔ̄ɔ̄ yāḿ,

1 SAMUEL 7:11

De kə́ Israel tə́ gə̄ teēn̄ kem ɓē kə́ Misəpa tə́ ngɔ̄də̄n̄ Pilistin gə̄. Tɔ̄lə̄n̄də́ bátə́ ugə̄n̄neé gidə ɓē kə́ Bet Kar tə́.

1 SAMUEL 14:35

I beé n Saul rāań loo tun̄ yá̰a̰ adə̄ Kɔ́ɔ̄ɓē ní. Loo tun̄ yá̰á̰ kə́ ta kəga dɔ ń Saul rāā adə̄ Kɔ́ɔ̄ɓē ní n noó.