1 SAMUEL 7:10 - Bibəl ta Sar̄

¹⁰ Dan ń ra a róō ngōn̄ batə̄ horoó ɓáý ní a, Pilistin gə̄ reēn̄ yā rɔ̄ɔ̄ Israel gə̄. Banī Kɔ́ɔ̄ɓē rāā adə̄ man̄ ndang kə ngangá ngá̰ý dɔdə́ tə́ ndɔ̄ ń noō tə́. Kɔ́ɔ̄ɓē əla ɓōĺ kə́ ngá̰ý kemdə́ tə́ adə̄ a̰ȳn̄ naā no Israel gə̄ tə́.

Bible sar

¹⁰ Dan ń ra a róō ngōn̄ batə̄ horoó ɓáý ní a, Pilistin gə̄ reēn̄ yā rɔ̄ɔ̄ Israel gə̄. Banī Kɔ́ɔ̄ɓē rāā adə̄ man̄ ndang kə ngangá ngá̰ý dɔdə́ tə́ ndɔ̄ ń noō tə́. Kɔ́ɔ̄ɓē əla ɓōĺ kə́ ngá̰ý kemdə́ tə́ adə̄ a̰ȳn̄ naā no Israel gə̄ tə́.

1 SAMUEL 7:10 Referans Kwoze

1 SAMUEL 2:10

Kɔ́ɔ̄ɓē a tetə madə̄ ba̰ā̰n gə̄ rɔ̄ɔ̄. Ni a ndi dɔ rā̰ tə́ yā ndángəń rɔ̄n dɔdə́ tə́. Kɔ́ɔ̄ɓē a gān̄g sarya dɔ de gə̄ tə́ bátə́ ta ngóy dɔ nang tə́. A əndā mban̄g yān ń urən̄ yibə̄ ngār dɔn tə́ gə̄rān̄neé ní ō, a adə̄ mban̄g ní tɔ́gə ō, a ɔsə gɔnən ō.

1 SAMUEL 12:17

I dan yā kəja gémē gə̄ n toó aĺ a? Ba m-ā m̄-dəje Kɔ́ɔ̄ɓē adə̄ rāā kadə̄ man̄ ndang ō, edə ō. Loo ń noō tə́ kumsí a teē adə̄ ā ī-gerī kadə̄ majaĺ ń ī-rāāī kə Kɔ́ɔ̄ɓēé á ī-dəjen mban̄g ní i majaĺ kə́ bo ngá̰ý.

NGÉ SARYA 5:20

Tə́yō̰ gə̄ ndin̄ dɔ rā̰ tə́ rɔ̄ɔ̄n̄ ō, rɔ̄ɔ̄n̄ Sisəra kanjə̄ tɔ̄ɔ̄ dɔ róbə njə̄rādə́ tə́.

JOJUE 10:10

Kɔ́ɔ̄ɓē tə̄ndā Amor gə̄ tḭ̄ḭ̄də́ kɔ̄ɔ́ no ngán Israel gə̄ tə́, adə̄ ngán Israel gə̄ tɔ̄lə̄ndə́ ngá̰ý kadə ɓē kə́ Gabaon tə́. Ngán Israel gə̄ ngɔ̄də̄n̄ Amor gə̄ kum kə̄ Bet Horon ń i loo kə́ kḭḭ kə̄ dɔɔ́ tə́ ní, rɔ̄ɔ̄n̄də́ bátə́ ugə̄n̄ sedə́ Ajeka ō, Makeda ō.

NGÉ SARYA 5:8

Dan ń ngán Israel gə̄ gə̄rān̄ ɓesə̄ gə̄ anī rɔ̄ɔ̄ ḭḭ ō. Ba loo kənge der kógə̄ḿ, aké nənga kógə̄ḿ dan ngán Israel kə́ dūbú kutə sɔ́ gə̄ tə́ ní i yá̰á̰ kə́ ngan̄g.

NGÉ SARYA 4:15

Loo ń noō tə́ Kɔ́ɔ̄ɓē tə̄ɓā Sisəra kɔ̄ɔ́ no Barak tə́ kə púsə rɔ̄ɔ̄ yān gēé malang ō, kə ngé rɔ̄ɔ̄ yān gēé malang ō. Ni-tə̄ɓān i kə kəyā kaskaraá. Sisəra risə kɔ̄ɔ́ dɔ púsə rɔ̄ɔ̄ yā tə́ ba a̰ȳ kə njaneé.

1 SAMUEL 7:11

De kə́ Israel tə́ gə̄ teēn̄ kem ɓē kə́ Misəpa tə́ ngɔ̄də̄n̄ Pilistin gə̄. Tɔ̄lə̄n̄də́ bátə́ ugə̄n̄neé gidə ɓē kə́ Bet Kar tə́.

1 SAMUEL 14:15

Ɓōĺ kə́ ngá̰ý əsō kem gérger yā Pilistin gə̄ tə́ ō, kem de gə̄ malang ń ndin̄ kə gō gidə gérgereé ní ō. Ɓūtə̄ ngé rɔ̄ɔ̄ gə̄ kə́ ngé nujə loo gə̄ ní kə̄ngā sāā gān̄gdə́ ō. Dɔ nang ndebə, adə̄ i ɓōĺ kə́ ḭḭ i rɔ̄ Nə́ɓā tə́.

PĀ GƏ̄ 29:3

Ndū Kɔ́ɔ̄ɓē ɓār̄ dɔ man̄ tə́. Nə́ɓā kə́ nge kɔsə gɔn rāā adə̄ man̄ ndang. Kɔ́ɔ̄ɓē o̰o̰ ɓē dɔ man̄ kə́ bo gə̄ tə́.

PĀ GƏ̄ 29:4

Ndū Kɔ́ɔ̄ɓē ɓār̄ kə tɔ́gɔ́. Ndūn ɓār̄ ngo̰ ngo̰, ndū de kə́ bo.

NDŪ NAJƏ̄ 28:7

Ré madə̄ ba̰ā̰í gə̄ a ənīnī rɔ̄ɔ̄ anī, Kɔ́ɔ̄ɓē a tetədə́ rɔ̄ɔ̄ yā kadī. Ré unən̄ i róbə́ kə́ kógə̄ḿ beē n reēn̄neé yā rɔ̄ɔ̄ī anī, a télən̄ yā ka̰ȳ naā noí tə́ i kə ta róbə́ kə́ rang gēé gír sīrí.

PĀ GƏ̄ 18:15

Ni-túr̄ kum gərā yān gə̄ tə̄ndā tḭ̄ḭńdə́ kə̄ loo gə̄ tə́ ō, rāā adə̄ tel̄ man̄ kə́ ngá̰ý gə̄ tə́ndā gán̄gdə́ naā tə́ kɔ̄ɔ́ ō.

PĀ GƏ̄ 78:66

Ni ənda gō madə̄ ba̰ā̰n gə̄, əla rɔ̄sɔl̄ kə́ a to ngándáńg dɔdə́ tə́.