1 SAMUEL 7:1 - Bibəl ta Sar̄

¹ Adə̄ de kə́ Kiryat Yearim gə̄ reē unən̄ sandúkə yā Kɔ́ɔ̄ɓē ní aw̄n̄neé. Nin̄ aw̄n̄ kə sandúkə́ ní aw̄ əndān̄ kem kújə yā Abinadab ń ndi i dɔ ngōn̄ mbalá ní tə́. Ba ɔrə̄n̄ ngōn̄ Abinadab ń rīn na i Elajar ní əndānən̄ kə rī ngɔ̄m̄ sandúkə yā Kɔ́ɔ̄ɓēé.

Bible sar

¹ Adə̄ de kə́ Kiryat Yearim gə̄ reē unən̄ sandúkə yā Kɔ́ɔ̄ɓē ní aw̄n̄neé. Nin̄ aw̄n̄ kə sandúkə́ ní aw̄ əndān̄ kem kújə yā Abinadab ń ndi i dɔ ngōn̄ mbalá ní tə́. Ba ɔrə̄n̄ ngōn̄ Abinadab ń rīn na i Elajar ní əndānən̄ kə rī ngɔ̄m̄ sandúkə yā Kɔ́ɔ̄ɓēé.

1 SAMUEL 7:1 Referans Kwoze

IJAI 52:11

Ngáń gájə́ yá̰a̰ rāā kəla gə̄ ń ngɔ̄mə̄n̄ kə rī rāā kəla yā Kɔ́ɔ̄ɓēé ní, sḭḭ̄ gə̄ ń ī-tél ā āwīneé kə̄ gogə́ ní, āwī, āwī! Ī-teēī kɔ̄ɔ́ Babilon! Ī-lōōī kɔdə yá̰á̰ kógə̄ḿ kə́ yḛr. Dan ń ā ī-teēī kɔ̄ɔ́ kem ɓē ń toō tə́ ní, ādī rɔ̄sí unjə̄ njáý njáý.

PĀ GƏ̄ 132:6

J-oō kadə̄ sandúkə́ kə́ táĺ na ndi na i Epərata, j-a̰a̰ sandúkə́ ní i gidə ɓē kə́ Yaar tə́.

1 SAMUEL 6:21

Nin̄-əlan̄ ngé kəla gə̄ rɔ̄ de kə́ Kiryat Yearim gə̄ tə́ kadə̄ ədan̄də́ na Pilistin gə̄ na reēn̄ kə sandúkə yā Kɔ́ɔ̄ɓē ní kɔ̄ɔ́ ba kə reē kə un kə aw̄n̄neé ɓēé loodə́.

JOJUE 18:14

Ré deē ra mbal̄ ní tə́ anī, dɔ nin̄ ní tūr̄ rɔ̄n aw̄ kumən kə̄ mbɔ́r ɓē ké geleé tə́ aw̄ teē Kiryat Baal ń ɓārə́n̄ na i Kiryat Yearim ní, Kiryat Yearim i ɓē yā ngán Juda gə̄. Dɔ nin̄ kə́ dām̄ kə́ no ɓē tə́ n noó.

JOJUE 9:17

Ngán Israel gə̄ əsōn̄ róbó, ba kə ndɔ̄ kə nge ko̰ mətá anī teēn̄ ɓē gə̄ ń de gə̄ ní ndin̄ kemeé tə́ ní. Rī ɓē gə̄ ní na i Gabaon ō, Kepira ō, Beerot ō, Kiryat Yearim ō.

1 SAMUEL 7:2

Ndɔ̄ gə̄ mānən̄ ngá̰ý gō ndɔ̄ ń əndānəń sandúkə yā Kɔ́ɔ̄ɓē Kiryat Yearim tə́ ní. Ndɔ̄ gə̄ ń mānə̄n̄ ní asən̄ ɓāl̄ kutə jōó pá tá kadə̄ ngán Israel gə̄ əlan̄ gír nōō kə̄ dɔ Kɔ́ɔ̄ɓē tə́ ɓáý.

1 YÁ̰A̰ GƏ̄ 13:3

Ba jə-tél jə-reēī kə sandúkə yā Nə́ɓā yājí gogə́ rɔ̄jí tə́, tɔdɔ̄ dan yā Saul tə́ ní j-əndāī kumjí gír sandúkə́ ní tə́ alé.