1 SAMUEL 6:6 - Bibəl ta Sar̄

⁶ Ī-lōōī rāā kem ngan̄g tītə̄ yā Parao̰ nin̄ kə de kə́ Ejiptə tə́ gēé. Ādə̄ əga kemsí dɔ yá̰á̰ ń rāā sedə́ tə́ ní, rāādə́ yá̰á̰ kə́ tōr̄ bátə́ adə̄ əya̰n̄neé Israel gə̄ adə̄ aw̄n̄.

Bible sar

⁶ Ī-lōōī rāā kem ngan̄g tītə̄ yā *Parao̰ nin̄ kə de kə́ Ejiptə tə́ gēé. Ādə̄ əga kemsí dɔ yá̰á̰ ń rāā sedə́ tə́ ní, rāādə́ yá̰á̰ kə́ tōr̄ bátə́ adə̄ əya̰n̄neé Israel gə̄ adə̄ aw̄n̄.

1 SAMUEL 6:6 Referans Kwoze

Teē Ngán Israel gə̄ 14:17

Na n-a n-rāā kadə̄ de kə́ Ejiptə gə̄ rāān̄ dɔ ngan̄g adə̄ na a udən̄ gōdə́ tə́ kum bā tə́. Loo ń noō tə́ na n-a n-tetə Parao̰ rɔ̄ɔ̄ kə deē yān gēé malang, púsə rɔ̄ɔ̄ yān gē, ngé kal̄ sə́nda yān gē, yā kɔsəń gɔnən nəkɔ́ Kɔ́ɔ̄ɓē.

Teē Ngán Israel gə̄ 8:15

Ngé kəga gə̄ ədan̄ Parao̰ na yá̰á̰ ní na i Nə́ɓā n a rāā yá̰a̰. Banī tītə̄ ń Kɔ́ɔ̄ɓē ədań ní, Parao̰ rāā dɔ ngan̄g adə̄ oō najə̄ yā Moijə nin̄ kə Aaro̰ alé.

Teē Ngán Israel gə̄ 7:13

Ba, tītə̄ ń Kɔ́ɔ̄ɓē ədań ní, Parao̰ rāā dɔ ngan̄g kə̄ non tə́ adə̄ oō najə̄ yā Moijə nin̄ kə Aaro̰ alé.

Teē Ngán Israel gə̄ 9:34

Dan ń Parao̰ a̰a̰ kadə̄ kɔ̄sə̄ tə́sō to̰ aĺ ō, man̄ ndán̄g to̰ aĺ ō, edə to̰ aĺ ō anī, rāā majaĺ nəkɔ́ ń ni-rāā kété ní ɓáý. Ni gə̄gē, ngé kəla yān gə̄ gə̄gē, tél rāān̄ dɔ ngan̄g gogə́ ɓáý.

HEBƏRO 3:13

Banī ə́laī go̰ kem naā tə́ kə dɔ ndɔ̄ gə̄, dan ń ndɔ̄ kə́ ɓōólaā kə́ kem makətūbə̄ yā Nə́ɓā tə́ ɔjə dɔjí ɓáý ní, na sōgə́ deē kógə̄ḿ kə́ dansí tə́ əya̰ rɔ̄n adə̄ yá̰á̰ kə́ majaĺ gólə̄n adə̄ rāā dɔ ngan̄g.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

PĀ GƏ̄ 95:8

ī-lōōī rāā kem ngan̄g tītə̄ ń kaasí gə̄ rāān̄neé Meriba, ndɔ̄ kɔ̄l naā kə́ Masa tə́ kem dəla loo tə́ ní.

Makətūbə̄ yā Job 9:4

Rɔ̄kum, tɔ́gən ni i ngá̰ý al̄ naā ō, i de kə́ ger̄ najə̄ ngá̰ý al̄ naā ō. I náā n ənīn rɔ̄ɔ̄ kanjə̄ ɓōĺ ō, teē kum tə́ kanjə̄ kadə̄ yá̰á̰ kógə̄ḿ rāān ō ní?

Teē Ngán Israel gə̄ 14:23

De kə́ Ejiptə gə̄ ngɔ̄də̄n̄ gōdə́. Sə́nda yā Parao̰ gə̄ malang, naā tə́ kə púsə rɔ̄ɔ̄ yān gə̄, kə ngé kal̄ sə́nda yān gə̄, udən̄ gōdə́ tə́ kem kār̄ bā bo tə́.

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

Teē Ngán Israel gə̄ 4:21

Kɔ́ɔ̄ɓē əda Moijə na: Yá̰á̰ kə́ to kɔr kum gə̄ ń m-ādə̄ ī-rāā malang ní, dan ń ī-tél āw̄ gogə́ Ejiptə anī, āw̄ ī-rāādə́ ta kum Parao̰ tə́. Ba m-ā m̄-rāā kadə̄ Parao̰ a rāā dɔ ngan̄g adə̄ a əya̰ ngán Israel gə̄ kadə̄ aw̄n̄ alé.

Teē Ngán Israel gə̄ 7:14

Kɔ́ɔ̄ɓē əda Moijə na: Parao̰ rāā dɔ ngan̄g, mbātə́ kəya̰ ngán Israel gə̄ kadə̄ aw̄n̄ ní,